ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / က္ဍိုပ်သ္ကိုပ်ဗော်ၜါလ္ပာ်လ္ၚဵု ဟီုဓမံက်ကၠုၚ် ညံၚ်ဂွံဆဵုဂဗညးသ္ကံပြဟ်ဟ်နွံ

က္ဍိုပ်သ္ကိုပ်ဗော်ၜါလ္ပာ်လ္ၚဵု ဟီုဓမံက်ကၠုၚ် ညံၚ်ဂွံဆဵုဂဗညးသ္ကံပြဟ်ဟ်နွံ

သၟာပရိုၚ်ချူ: >
သဘၚ်သဳကၠဳကောန်ဂကူမန် အလန်ပထမ(IMNA)
သဘၚ်သဳကၠဳကောန်ဂကူမန် အလန်ပထမ(IMNA)
သၞံၚ်တိုၚ် – ပေဲါရုဲမာဲတုဲ ဂၠံၚ်တရဴပရေၚ်ကောန်ဂကူမန်ဂှ် ဗော်ပရေၚ်ဍုၚ်ကွာန်တံ ဗီုလဵုဣအာဂှ် အဃောခမဳသၚ် ညးဍုၚ် ကွာန်ဂမၠိုၚ်တံ ဟီုဂရိုဟ်ပါ်ပဲါဒၟံၚ်နာနာသာ်ဂှ် က္ဍိုပ်သ္ကိုပ်ဗော်ၜါလ္ပာ်လ္ၚဵုဂှ် ချပ်ဇန်ဟီုဓမံက်ကၠုၚ် သွက်ဂွံဆဵုဂဗသဳကၠဳနွံရ။

သွဟ်ပေဲါရုဲမာဲ နဝ်ဝေန်ဗါ ၈ တုဲကၠုၚ်ဂှ် ဟိုတ်နူဗော်မန်တံပရေၚ်ပညဳပညပ်ဇိၚ်တပ်ညးသ္ကံဟွံမွဲဂှ်တုဲ ဒးကျအာ မာဲဒၞာဲဗွဲမဂၠိုၚ်ဂှ် ခမဳသၚ်-ညးဍုၚ်ကွာန်တံ ဟီုဂရိုဟ်ပါ်ပဲါကၠုၚ်ဗော်မန်တံ လ္တူမုက်လိက်လပှ်ကျာ fecabook ကီု၊ ဒၞာဲဝိုၚ်ကောံညးသ္ကံကီု ဟီုဂးပါ်ပဲါဒၟံၚ်အိုတ်ရ။
‘လညာတ်အဲတှေ် ဒးဆဵုညးသ္ကံထေက်ဏောဝ်၊ ဒးဂၠာဲနဲညးသ္ကံဏောဝ် ညံၚ်ဂွံဒှ်ပြဟ်ဟ်ဂှ်တှေ် ဒးဂစာန်ဆဵု ညးသ္ကံဏောဝ် အဵုၝဏံဂှ် ဒးကၠောန်ကၠာဏောဝ်’ သာ်ဏံ ဒုဥက္ကဌဗော် AMDP နာဲဆာန်တိ ဟီုရ။
ဆက်တုဲ ပရေၚ်ချပ်ဇန်သဳကၠဳညးသ္ကံကိစ္စဗော်ၜါဏံဝွံ နူကၠာပေဲါရုဲမာဲတေံလေဝ် ကေၚ်သဳကၠဳဟီုဂး လဝ်နွံ ကီုရလေဝ် ဆဂး အခိၚ်တေံဂှ် ဍေံတုဲဒှ်အာယျရောၚ်တုဲ ဂတဏံဂၠံၚ်လ္ပာ်ခိုဟ် ညံၚ်ဂွံဒှ်ဆဵုညးသ္ကံတုဲ သွဟ် ဂုဏ်ဖဵုသွက် ပရေၚ်ဍုၚ်ကွာန်မန်ဂၠံၚ်ခိုဟ်ဂှ် က္ဍိုပ်သ္ကိုပ်သီုၜါလ္ပာ်လ္ၚဵုတံ ဟီုဂးကၠုၚ် သွက်ဂွံသဳကၠဳဆဵုညးသ္ကံ ပြဟ်ဟ်ဏံနွံရ။
‘အတိုၚ်ဏံရတှေ်မုဟွံလအ်စိုပ် ၂၀၂၀ တေံဏောဝ်၊ မုဟွံပလေဝ်ပုဟ်တှေ် အတိုၚ်ဏံရဍေံတတ်အာ ပၠန်ဏောဝ်၊ ခိုဟ်အိုတ်ဂှ်တှေ် သီုပိဗော်ဂှ် ပံၚ်ဗ္စပ်ညးသ္ကံတှေ်ခိုဟ် အိုတ်ရ၊ အဵုဂှ်ရတှေ် ဗော်ပိဂှ်ဒးဆဵုညာတ် ညးသ္ကံဏောဝ်၊ ဒးပညဳပညပ်ဒးသဳကၠဳတုဲတှေ် စပ်ကဵုပရေၚ်ဍုၚ်ကွာန်မန်ဂှ်ဒးလးညးသ္ကံဏောဝ်’ သာ်ဏံ ဖက်ဆောညးအုပ်ကာ ဗော် MNP အစာသဝ်နာဲဟံၚ်ဍုၚ် ဟီုရ။
ဆဂးဂှ် က္ဍိုပ်သ္ကိုပ်ဗော်ၜါလ္ပာ်ဟီုဓမံက်ကၠုၚ်လဝ်သာ်ဏံဂှ် ဂွံဖျေံလဝ်အဒေါဝ်ဝိုၚ်ကောံဓရီုအပ္ဍဲဗော်ၜါဂှ် ဟွံမွဲဏီရ၊ လ္တူကိစ္စဏံက္ဍိုပ်သ္ကိုပ်ကဆံၚ်လ္တူညးတံကီု ကမ္မတဳကေၚ်ကာဗော်သီုၜါလ္ပာ်ဂှ်ကီု ၜိုတ်လဵုဂစာန် ဓရိုဟ်ဏာပရေၚ်သဳကၠဳဗော်ၜါ ဗော်ပိဂှ်မာန်ဂှ် ဒးမၚ်ဗဵုအခါတ်အကာဲမံၚ်ဏီရ။
သွဟ်ပေဲါရုဲမာဲဒေသရးမန်ဂှ်သွဟ်တိတ်ကၠုၚ်တုဲ လ္တူဗော်ပရေၚ်ဍုၚ်ကွာန်မန်တံဖအိုတ်ဂှ် ခမဳသၚ်-ညးဍုၚ် ကွာန်တံဟီုဂးသဳကၠဳ ပါ်ပဲါကၠုၚ်ဂှ် ခမဳသၚ်-ညးဍုၚ်ကွာန်တံဟီုပါ်ပဲါဂှ် ဗော်ပရေၚ်ဍုၚ်ကွာန်တံဒးဒုၚ်ကေတ် မာန်ဏောဝ် သ္ပလဝ်မဇ္ဇျဟ်လ္တူခမဳသၚ်-ညးဍုၚ်ကွာန်တံတုဲ ဂၠံၚ်ဇကုဒးစိုတ်အာဂှ် အာဟွံထေက်ရောၚ်ဂှ် လေဝ် က္ဍိုပ်သ္ကိုပ်သီုၜါလ္ပာ်ဂှ် ဟီုကၠုၚ်ရ။
‘လညာတ်အဲတှေ် ဒးကၠောန်သ္ပသၚ်သဳကၠဳကောန်ဂကူမန်မွဲထေက်ရောၚ်၊ ပေဲါရုဲမာဲဏံဂှ် ဗော်တံညးတံ ထေၚ်ဗော်ညးတံမွဲဓဝ်ဂိ ဒးဂိအာအလုံကောန်ဂကူမန်မွဲဏောဝ် ညးတံဟွံညာတ် အဵုၝဏံဂှ် ပိုဲဒုၚ်ဟွံမာန်’ သာ်ဏံ ဒါရိုက်တာဂကောံပံၚ်ကောံပရေၚ်ဂကူမန်(တြေံ)နာဲသဟာဲမန် ဟီုပါ်ပဲါ-ထံက်ထ္ၜးရ။

ဗှ်မာန်မံၚ်

ဝါဒဍုၚ်အေန်ဒဳယစၟဳသ္ၚဳရံၚ်ဗၟံက် Act East Policy ကေုာံ ဒေသမဏိပူရ ဟွံၜိုဟ်လလမ်

ဝါဒဍုၚ်အေန်ဒဳယစၟဳသ္ၚဳရံၚ်ဗၟံက် Act East Policy ဟိုတ်နူဂွံအခေါၚ်တိုန်စိုပ် ပ္ဍဲပေဲါသဳကၠဳ အ္စာလိက်ပရိုၚ်ဍုၚ်ဗၟာ-အေန်ဒဳယ နကဵုအစဳဇန် ဂတးဂတန်ရေၚ်တၠုၚ်မဳဒဳယာ ကေုာံ အပ္ဍဲဒေသ အကြာဍုၚ်ဗၟာကဵု Related

Leave a Reply

%d bloggers like this: