ဗၟာ  ၊ အၚ်္ဂလိက် ၊  Font ၊  Converter

Breaking News
Home / လိက်ပရေၚ် / သၟာပရိုၚ်မန် ချူဘာသာ အေၚ်္ဂလိက် နာဲလွဳဝၚ် (ဟွံသေၚ်မ္ဂး) ပရေၚ်ဒဒှ် ဘဝသၟာပရိုၚ် နာဲလွဳဝၚ် မွဲဒကုတ် မွဲဒကဴ

သၟာပရိုၚ်မန် ချူဘာသာ အေၚ်္ဂလိက် နာဲလွဳဝၚ် (ဟွံသေၚ်မ္ဂး) ပရေၚ်ဒဒှ် ဘဝသၟာပရိုၚ် နာဲလွဳဝၚ် မွဲဒကုတ် မွဲဒကဴ

သၟာပရိုၚ်ချူ:

အခိၚ်နူကၠာ ရုၚ်ဌာန်ပရိုၚ်မန် ဟွံဂွံဒုၚ်သၟဝ်သၞောဝ်အလဵုအသဳဏီ အဃောဖျေံဒၟံၚ်သ္ဇိုၚ် ရုၚ်ဌာန်ဒတန် ယေန်သၞာၚ်မန် ပ္ဍဲဝၚ် ကဂှ် ဇၟာပ်ကၠောန်သ္ပကောံဓရီုမ္ဂး၊ သၟာပရိုၚ် နာဲလွဳဝၚ် မွဲ ဒးကေတ်တာ လျိုၚ်ညး ကၠာဲအရေဝ် မန်-အေၚ်္ဂ လိက် လၟိုန်ရ၊ နာဲလွဳဝၚ် ဂှ် နူဘဝသၟာပရိုၚ် ဌာန်ပရိုၚ်ဗၠးၜးကောန်ဂကူမန် ဂှ် ကေၚ်ကေတ်လဝ်တာလျိုၚ် အေဝ်ဒဳတာ မွဲတၠကီုရ။

နူကၠာ ဌာန်ပရိုၚ်ဗၠးၜးကောန်ဂကူမန် ဟွံပြံၚ်ယၟု ဌာန်ပရိုၚ်မန် ဏီဂှ် နာဲလွဳဝၚ် တိတ်အာနူကဵု ဌာန်ပရိုၚ် ဗၠးၜးမန် တုဲ လုပ်ကၠောန်ပ္ဍဲကဵု ဌာန်ပရိုၚ် ဧရာဝတဳ အခိၚ်ဂှ် ဖျေံဒၟံၚ်သ္ဇိုၚ် ဍုၚ်သေံ (Thailand) ရ၊ နူအခိၚ်တေံဂှ် သၟာပရိုၚ် နာဲလွဳဝၚ် ချူမံၚ်ပရိုၚ် ဘာသာအေၚ်္ဂလိက် ရ။

လွီဝၚ် (Copy)
သၟာပရိုၚ် နာဲလွဳဝၚ် ဂှ် ဇာတိတုပ်သုက် ကွာန်ကအ်ခပဳထဝ် ပွိုၚ်ဍုၚ်မန်ဍုၚ် ဒှ်ဂကူမန်ဍက်က်မွဲရ၊ ဆဂးဂှ် လိက်မန် လိက်ဗၟာ ချူဟွံခံၚ်ကွေံကွေံတုဲ ပရိုၚ်ဘာသာအေၚ်္ဂလိက်ဟေၚ် ချူကၠုၚ်မွဲဒမြိပ်ဒဵုကဵု ညးတေံ ဒးဒုၚ်ရပ် တ္ၚဲဏံရ။

သၟာပရိုၚ် ဝှ်ကြံၚ် နူကဵုဌာန်ပရိုၚ်ဧရာဝတဳ နာဲလွဳဝၚ် ဝွံ တုဲကၠုၚ်ဂိတုဂျောန် (၂၆)ဂှ် အဃောကလေၚ်နူ ကေတ်ပရိုၚ် ပ္ဍဲဒေသဂကောံရပ်လွဟ် တအာၚ်ပလံၚ် တအ် ကၠောန်သ္ပသဘၚ် စံၚ်ဂဥုဲၜူမာဲဂှ်တုဲ အဃော ကလေၚ်စဴဂှ် ဒးဒုၚ်ရပ်ဏာ ကု ဒပ်ပၞာန်အလဵုအသဳတအ်ရ။

သၟာပရိုၚ် နာဲလွဳဝၚ် ဝွံ ဂိတုဂျူလာၚ် (၁၁)ဏံမ္ဂး အလဵုအသဳတအ် ပ္တိုန်ရုၚ်သၞောဝ်ဓဝ်ကဵုဒုဟ်ဒန် ဆက် စၠောံကဵု ဂကောံဟွံလုပ်သၞောဝ် (ဂကောံရပ်လွဟ်-မ္ၚး) ရောၚ် ပရိုၚ်တအ် ချူလဝ်အိုတ်ရ၊ ဆဂးဂှ် စောတ် စောဲၝောံပိုဒ်လဵု၊ ၝောံပိုဒ် မူစိဂကူတုဲ ကဵုဒုဟ်ဒန်ဂှ် အခိၚ်ဖျေံဂဗုတ်တေံမ္ဂး တီသွဟ်မာန်ရ။

သၟာပရိုၚ် နာဲလွဳဝၚ် ကေုာံ သၟာပရိုၚ် ဒဳဝဳဗဳ (၂) တၠ တအ်ဒးဒုၚ်ရပ်တုဲဂှ် နူကဵု သၟာပရိုၚ်ဂမၠိုၚ်တအ် ထ္ၜးဆန္ဒ ချဳဓရာၚ်အာတ်မိက်ကၠုၚ် ညံၚ်ဂွံဗလးကဵု သၟာပရိုၚ်ဒးဒုၚ်ရပ်စပ်လဝ်တအ်ဂှ်နွံရ၊ ဂကောံဂၠးကဝ်တအ်လေဝ် အာတ်မိက်ညံၚ်ဂွံဗလးကဵု သၟာပရိုၚ်တအ်နွံရ။

နာဲလွဳဝၚ် ဂှ် ကတ်လ္ၚတ်ပညာကွတ်ပရိုၚ် ဒေသပယျဵု ဝၚ်က ကဵု ဍုၚ်သေံ (Thailand) ရ၊ ဟိုတ်နူညး မံၚ် ပ္ဍဲကွာန်အောန်တုဲ ရဲဒေသကွာန်တအ်လေဝ် တီညးအောန်ရ၊ ဗွဲမဂၠိုၚ် သၟာပရေၚ်ဍုၚ်ကွာန် က္ဍိုပ်သ္ကိုပ်ပ ရေၚ်ဍုၚ်ကွာန်တအ် တီညးဂၠိုၚ်ရ။

စပ်ကဵုပရေၚ်ဂကောံရပ်လွဟ်ကောန်ဂကူကောန်ဍုၚ်အရၚ်ဂမၠိုၚ်ဂှ် နကဵုဇကု သၟာပရိုၚ် နာဲလွဳဝၚ် လ္ၚတ် အာဗက်လဝ်ပရိုၚ် အကြာဒေသ ဂကောံရပ်လွဟ်ကောန်ဂကူသ္ကုတ်သၟဝ်ကျာတအ် လၟိုန်ရ၊ ပေဲါသဘၚ်၊ အသေအဟာန်၊ သဘၚ်သဳကၠဳ စပ်ကဵု ဂကောံရပ်လွဟ်ကောန်ဂကူကောန်ဍုၚ်အရၚ်တအ် သ္ကုတ်သၟဝ် ကျာတေံဂှ် နကဵု ဇကုသၟာပရိုၚ် နာဲလွဳဝၚ် လုပ်အာဗက်ပရိုၚ်ရ၊ ဟိုတ်နူညးတေံ ချူကၠုၚ်ပရိုၚ် ပေဲါဗ္တိုက် သ္ကုတ်သၟဝ်ကျာဂှ်ကီု၊ နကဵုပရေၚ်ဆက်ဆောံညးတေံကီု ဗွဲမဂၠိုၚ် က္ဍိုပ်သ္ကိုပ်ကောန် ဂကူကောန်ဍုၚ် အရၚ် တအ်ဗွဲမဂၠိုၚ် ဍုက်ကေဝ်ကဵုညးတေံဂၠိုၚ်ရ။

နာဲလွဳဝၚ် ဂှ် ၜိုန်ဟွံဂွံဒၟံၚ် ပ္ဍဲကဵု တွဵုရးဍုၚ်မန်ကီုလေဝ် ဒှ်မံၚ်ဂဝိၚ် သွက်ဗော်ပရေၚ်ဍုၚ်ကွာန်မန်လၟိုန်တုဲ ဟီု ဓမံက်ကၠုၚ် ပရေၚ်ဗော်မန်တအ် မွဲဏှေအ်မွဲဏှေအ်ရ၊ ‘ပရေၚ်ဍုၚ်ကွာန်မန်ဂှ် ဗော်မန်တအ် ဒးကောံညး သ္ကအ်တွဵုဏောၚ်၊ ပဲါနူဂၠံၚ်ဏံတုဲတှေ် ဂၠံၚ်ဂွံဇၞးမာဲဂှ် ဂၠံၚ်တၞဟ်ဟွံမွဲပုဟ်’ ဗီုဏံ နာဲလွဳဝၚ် ကေၚ်ဟီု ဆဝ် ဗ္ၚုဟ်ဒၟံၚ် ကုညးချုလိက်ပရေၚ်ဏံ မွဲဏှေအ်မွဲဏှေအ်ရ။

သၟာပရိုၚ် နာဲလွဳဝၚ် ဂှ် ဒှ်ညးဟီု-ချူဓမံက်တပ်ပ်မွဲတုဲ လဆောဝ်မ္ဂး ညးတေံချူ ဟီုဏာဒဒလေပ်တုဲ ဇီု ကပိုက်ကၠုၚ်လ္ပာ် ဒပ်ပၞာန်အလဵုအသဳတအ် မွဲဏှေအ်မွဲဏှေအ်ရ၊ လ္တူက္ဍိုပ်သ္ကိုပ်ဗော်ပရေၚ်ဍုၚ်ကွာန်တအ် လေဝ် ညးတေံကေၚ်ထံက်ကၠုၚ် တပ်ပ်နွံတုဲ သၟာပရေၚ်ဍုၚ်ကွာန်လ္ၚဵု ဟွံစှေ်စိုတ်ကဵုညးတေံ နွံရ။

စပ်ကဵုပရေၚ်ဍုၚ်ကွာန်မန်ကီု၊ အကာဲအရာ ဒပ်ပၞာန်ကောန်ဂကူကောန်ဍုၚ်အရၚ်တအ်ဂှ် လ္ၚတ်လဝ်စုက် စုက်တုဲ ချူဓမံက်ပရိုၚ်၊ ဟီုဂး ပါ်ပဲါကၠုၚ်မွဲဒမြိပ်ရ၊ ပရေၚ်ဂကောံရပ်လွဟ်ကောန်ဂကူကောန်ဍုၚ်အရၚ် တအ်ဂှ် ပရေၚ်ဒပ်ပံၚ်ကောံသ္ကုတ်သၟဝ်ကျာကီု၊ ဒပ်ပံၚ်ကောံသ္ကုတ်သၠုၚ်ကျာကီု ချူ-ဟီု အခါတ်အကာဲ ကၠုၚ်မွဲဒမြိပ်ရ။

ဂျောန် (၂၆)ဂှ် နူကဵု ကုလသမဂ္ဂတအ် စၞောန်ထ္ၜးလဝ် ဒှ်တ္ၚဲ ဗ္တိုက်ပလီုသရိုဟ် ဂဥုဲၜူမာဲတုဲ ဒပ်ပၞာန်တ အာၚ်ပလံၚ် (TNLA) တအ်ကၠောန်ပေဲါစံၚ်ပလီု ဂဥုဲၜူမာဲ ပ္ဍဲဒေသပွိုၚ်ဍုၚ် (နမ့်ဆန်) တိဍာ် ဒပ်မဟာ (၂) ဒပ်တအာၚ်ပလံၚ် (TNLA) တအ် ကော်ဘိက်လဝ် သၟာပရိုၚ်တအ်ရ။

သၟာပရိုၚ် ဝှ်ကြံၚ် နူဌာန်ပရိုၚ် ဧရာဝတဳ နာဲလွဳဝၚ် ကေုာံ သၟာပရိုၚ် နူဌာန်ပရိုၚ် ဒဳဝဳဗဳ ဥုအေနာၚ် ကဵု ဥု ပျေအ်ဖုၚ်နာၚ် တအ်ဝွံ ဂိတုဂျောန် (၂၆) ဂှ် ဒပ်ပၞာန် တအာၚ်ပလံၚ်တအ် ကၠောန်ပေဲါ စံၚ်ပလီု ဂဥုဲၜူမာဲ ပ္ဍဲတွဵုရးဍုၚ်သေံ သ္ကုတ်ဗၟံက် သၟဝ်ကျာ အဃောကလေၚ်ကၠုၚ်နူ (နမ့်ဆန်မြို႕နယ်၊ မြို႕သစ်ကျေးရွာ) ဂှ် ဒပ်ပၞာန်အလဵုအသဳတအ် ထိၚ်ရပ်ထောံရ။

ပ္ဍဲတွဵုရးဍုၚ်သေံ မွဲဒမြိပ်ဂၠံၚ်ကွဳစက် (နမ့်ဆန်-သီပေါ) ကရပ်ကွာန် (ဘုရားကြီး) ကွဳစက် သၟာပရိုၚ်တအ် ဍိုက်ဗက်ကၠုၚ်လ္ပာ် (သီပေါ) ကွဳစက်လေန်ဃူဇြာ ကဵု ကွဳစက် ဝေစ် (WISH) ၜါဖ္ဍိုက်ဂှ် နူကဵုဒပ်ပၞာန်အလဵု အသဳတအ် ဗ္ဒောံစၟဳစၟတ်တုဲ ရပ်ထိၚ်ထောံ သၟာပရိုၚ်တအ်ရ၊ ပ္ဍဲဂှ် သၟာပရိုၚ် ဝှ်ကြံၚ် နူကဵု ဌာန်ပရိုၚ်ဧရာဝတဳ ချူဘာသာအေၚ်္ဂလိက် နာဲလွဳဝၚ် လေဝ်ဒးအာကီုရ။

လၟုဟ်မ္ဂး အလဵုအသဳတအ် ထိၚ်ရပ်လဝ် သၟာပရိုၚ်တအ် ပ္ဍဲကဵု တဳပဝ် (သီပေါ) တုဲ ဂိတုဂျူလာၚ် (၁၁)ဏံ မ္ဂး သွက်ဂွံပ္တိတ်ရုၚ်သၞောဝ်ဓဝ်ရောၚ် ဂးလဝ်ရ၊ သွက်ဂွံအာဆဵုကဵု သၟာပရိုၚ် နာဲလွဳဝၚ် ဂှ် ကောဇၞော်ညး နာဲ ခေန်မိုၚ် ကဵု ဒှ်ရဲညးဒၟံၚ်စုက်လုက် နာဲမျေအ်သဵု ၜါတၠဂှ် ဂိတုဂျူလာၚ် (၁)ဂှ် တိတ်အာနူဍုၚ်မတ်မလီုတုဲ အာဆဵုဂဗကဵု နာလွဳဝၚ် ပ္ဍဲထံၚ် တဳပဝ် (သီပေါ) တေံရ။

သၟာပရိုၚ် ဝှ်ကြံၚ် နာဲလွဳဝၚ် ဝွံ ဂွံအာယုက် (၃၉)သၞာံတုဲ ဒှ်ညးပလးမွဲရ၊ မိၚ်ပရိုၚ် နာဲလွဳဝၚ် ဒးဒုၚ်ရပ်ကဵု ဒပ်ပၞာန်အလဵုအသဳတအ်တုဲဂှ် ကလောမသ သ္ကအ်ရဲမိဿဟာဲညးဂမၠိုၚ် ဒှ်ဂဝိၚ်စံၚ်တူသွက် နာဲလွဳဝၚ် အိုတ်ရ၊ သ္ကအ်ရဲမိဿဟာဲ ဂကူမန် စိုပ်မံၚ်ဌာန်သ္ၚောဲဂမၠိုၚ်လေဝ် ဒှ်ဂဝိၚ်တုဲ ချူ-ဟီု ဂးတဴ ပရေၚ် နာဲလွဳ ဝၚ် အိုတ်ကီုရ။

ကၟိန်ဍုၚ်ဗၟာအဃော သဳကၠဳဓမံက်ဒၟံၚ်ရုပ်ရဴပရေၚ်ၜိုဟ်လလမ်ဂှ် အလဵုအသဳတအ် ထိၚ်ဒဝ်ရပ်စုတ်ထံၚ်ကု သၟာပရိုၚ်တအ်ဗီုဏံဂှ် ဂကောံဂၠးကဝ်တအ်အာရီုစူကၠုၚ်ကဵု အလဵုအသဳတအ်ရ၊ ဂိတုဂျူလာၚ် (၁၁)ဏံ ပ္တိတ်ရုၚ်တုဲ သာ်လဵု အလဵုအသဳတအ် ကဵုအာဒုဟ်ဒန်ဂှ် ညးဂမၠိုၚ် အဃောအာရီုမတ်စူဒၟံၚ်အိုတ်ရောၚ်။

About Mon News Agency

ဗှ်မာန်မံၚ်

က္လေၚ်သ္ၚဳဂၠိပ် NCA ထေက်

နကဵု ဒပ်ဂကောံရပ်လွဟ်ကောံဍုၚ်အရၚ်တံ ဗွဲကိုပ်ကၠာဟွံဒးဗလးလွဟ်မွဲသာ် ချုက်လိက်ကသုက် တုပ်စိုတ်ဒိုအ်ပန်ပှော်အလုံမွဲဍုၚ် (Nationwide Ceasefire Agreement- NCA) ဏောၚ်၊ ဒုၚ်သဇိုၚ်သွဟ် ပေါဲသဳကၠဳပရေၚ်ဍုၚ်ကွာန် အဆံၚ်ကောန်ဂကူနာနာတုဲ ကိစ္စအရာပံၚ်ပကောံ ဆေၚ်ကဵုပရေၚ်ဂီုကၠီုဂှ် …

Leave a Reply

%d bloggers like this: