ကောန်ဍုၚ်ဗၟာ ပ္ဍဲအမေရိကာန်ဂမၠိုၚ် ကလိဂွံအခေါၚ် လွဳလွတ်ဂဥုဲခိုဟ်ဏောၚ်

by | Apr 29, 2010 | ပရိုၚ် | 0 comments

တာရာမန်  :

လၟိဟ်သြန်ဒဝ်လာ ၂၅၀၀၀၀ နူအလဵုအသဳဝှိဒ္ဒရာ သွက်ဂွံဇိုန်ဏှၚ်ကဵုဒါန် ကုရုၚ်ဂဥုဲပ္ဍဲ ဝှတ်ဝုၚ်(ကၟိန် ဍုၚ်အမေရိကာန်) နကဵုရန်တၟံသွက်ဂွံလွဳလွတ်ကောန်ညးဒဒိုက်ကောန်ဍုၚ်ဗၟာ မဒှ်ညးနွံကဵုယဲကၠောံ ထၞာန်ဂမၠိုၚ်ရောၚ်ဂှ် လိက်ပရိုၚ်ဒေသဝှတ်ဝုၚ် ဂါဇြိတ်ထဳ ချူဗၟံက်လဝ်ပ္ဍဲစၟတ်တ္ၚဲအေဗရာ ၂၂ဂှ်ရ။

ပွမလွဳလွတ်ညးဒဒိုက်မစိုပ်ကၠုၚ်ဝှတ်ဝုၚ် ဗွဲမပြဟ်ပြေဟ် ကြဴနူညးတံစိုပ်ကၠုၚ်ဗက်ဂှ် ဍေံစဵုဒၞာကဵုနူယဲမ ကၠောန်ထၞာန်ကုညးမတန်တဴပ္ဍဲဍုၚ်တံဂှ်ရောၚ်ဂှ် သကိုပ်သကဇမၞော်ဍုၚ် ထီု ဟေန်နရဳ ဟီုသဂးဏာရ။ ယဲ တံဂှ် ဒှ်ယဲမပတံတဳဗဳ၊ ဂြိုဟ်ဂုဟ်၊ စၟစၟန်မပါနူစၞစဂမၠိုၚ်တံရ။

ဍုၚ်ဝှတ်ဝုၚ်ဝွံ ရုန်ဂစာန်ကၠုၚ်ဒၟံၚ် သွက်ဂွံရီုဗၚ်ကဵုကုကောန်ဍုၚ်ဗၟာဗၞတ်တြဴလ္ၚီတၠ မဒှ်ညးမဖျေံ သဇိုၚ်ပ္ဍဲအ လေန်ခံၚ်ထဳ Allen County ပတွဵုနူသၞာံ ၂၀၀၇ရောၚ်ဂှ် ဟေန်နရဳဟီုရ။

ညးဒဒိုက်တံဂှ် စပ်ကဵုပရေၚ်ထတ်ယုက်တုဲ တ္ၜန်တ္ၜောဲယှုက်ထုဲဂၠိုၚ်နူကဵု ညးဒဒိုက်ဂမၠိုၚ်မစိုပ် ကၠုၚ်အ လန်ကၠာကၠာတေံဏီရောၚ်ဂှ် အစာဂဥုဲဂမၠိုၚ် ဟီုအိုတ်ရ။

ညးလ္ၚဵုတအ် တၞးလိက်အခေါၚ်လွဳဂဥုဲ( insurance) ဟၟဲလေဝ်နွံ၊ ဒှ်အခက်အခုဲကဵုကွဳစက်ဂွံ အာရုၚ်ဂဥုဲ လေဝ်နွံ၊ ဒှ်အခက်အခုဲကဵုအရေဝ်ဘာသာအေန်ဂလိက်လေဝ်နွံ၊ ဟွံကၠိုဟ်ကေတ်သၞောတ်ပရေၚ် လွဳလွတ်ဂဥုဲလေဝ်နွံရောၚ်ဂှ် လိက်ပရိုၚ်ဂှ် ဟီုဗၟံက်လဝ်ရ။

ညးလ္ၚဵုတံ ဟိုတ်နူကဵုၚုဟ်မး ကုကမ္ပဏဳမကေတ်တာလျိုၚ်ပရေၚ်လွဳဂဥုဲဂမၠိုၚ်ဟွံမာန်ဂှ်တုဲ ဒှ်အခက်အခုဲ ကဵုအခိၚ်ကာလယဲဒိုက်ကၠုၚ်လေဝ်နွံဗွဲမဂၠိုၚ်ရ။ ပ္ဍဲဍုၚ်အမေရိကာန်ဝွံ လိက်ထံက်ဂ လာန်ဒံက်တာဟၟဲ မွဲသာ် အာရာန်ဂဥုဲပ္ဍဲဆေၚ်ဂွံဝါတ်လောန်၊ ဂဥုဲရာန်ပ္ဍဲဆေၚ်ဂွံမာန်တံဂှ် ဒှ်ဂဥုဲဂကူဓမ္မတာ မပတံဒှ်ယဲဗၞတ် ညိည ညံၚ်ရဴဒးဆာံတံဂှ်ရောၚ်။

ပ္ဍဲဍုၚ်အမေရိကာန်ဝွံ အခက်အခုဲစပ်ကဵုပရေၚ်ထတ်ယုက်ဂှ်လေဝ် နွံဒၟံၚ်ဇၞော်ဇၞော်ဂှ်တုဲ အစဳအဇန်အ လဵုအသဳအိုဝ်ဗာမာ အံၚ်ဇၞးအာဂှ် ကောန်ဍုၚ်ဗၟာတံ မိပ်စိုတ်သ္ဇက်ဟီုဟၟဲရ။

ရုၚ်ဂဥုဲဂှ် ဂပ်ဝ်ထေက်ကဵုမဒးသိုၚ်ခၞံ ပ္ဍဲဒေသမကြပ်ညောန်ကဵုဒၞာဲကောန်ဍုၚ်ဗၟာတံဂှ်ပဒတဴကီု၊ ဂပ်ဝ်ခါန် ကၞက်ပသေက်ပတိုန် ညးမကၠာဲဘာသာကောန်ဍုၚ်ဗၟာဂမၠိုၚ်၊ ညးမကဵုပညာပရေၚ်ထတ် ယုက်ကောန် ဍုၚ်ဗၟာဂမၠိုၚ်၊ အစာဂဥုဲကောန်ဍုၚ်ဂမၠိုၚ်ရောၚ်။

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.