ဂကောံကောန်ဍုၚ်အရၚ်ဂမၠိုၚ် သၠာဲဂတးလညာတ် ပရေၚ်ဒဳမဝ်ကရေဇြဳဍုၚ်ဗၟာ

by | Jun 15, 2010 | ပရိုၚ် | 0 comments

မာံအသး

ဂကောံကောန်ဍုၚ်အရၚ် စိုပ်ဍုၚ်မလေဝ်ယှာတံ သွက်ဂွံဒစဵုဒစးအာ ပေါဲရုဲမာဲ ၂၀၁၀ တုဲ ကၠောန်သ္ပကၠုၚ် ပေါဲသၠာဲဂတးလညာတ်မွဲရ။

ဂကောံ NLD(ဌာန်ဗၠးၜး)၊ ဂကောံဂအုပ်ဒဳမဝ်ကရေဇြဳဂကူရခေၚ်ကေုာံ ကံၚ်ဇြဳကောန်ဂကူဇြိုဝ်မဳ ပိဂကောံတံ သွက်ဂွံဒစဵုဒစးအာ ပေါဲရုဲစှ်မာဲအလဵုအသဳကၠောန်ဗဒှ်ကၠုၚ်ဏံ ပ္ဍဲဂိတုဂျောန် ၄ ဂှ် ချပ်ဂၞန်ဖျေံဗီုပြၚ် မဒှ်ရ။

ပ္ဍဲကောံဓရီုဏံဝွံ ညးစၞးကောန်ဂကူမန်၊ ကရေၚ်၊ ချေန်၊ ကချေန်၊ ကရေၚ်ဍာဲ၊ ယှာန်ကေုာံ ရခေၚ်တံ (၁၈) တၠတိုန်စိုပ်လဝ်တုဲ ပံက်အာကမ္မတဳဒစဵုဒစးပေါဲရုဲစှ်မာဲ ၂၀၁၀ မွဲဂကောံရောၚ် သာ်ဝွံ ဒု-ဥက္ကဌဂကောံဟံၚ်ပြာ်ဍုၚ်မလေဝ်ယှာ နာဲသဟာဲမန် ဟီုလဴထ္ၜးရ။

“အဓိကဟီုဏာဂှ် ကောန်ဍုၚ်အရၚ်ညးစိုပ်မံၚ်ဍုၚ်မ္ၚးတံ သွက်ဂွံဒစဵုဒစးအာရ ဆဂး နကဵုမန်ပိုဲဂှ် စပ်ကဵုမအရေဝ်ဝေါဟာပရေၚ်ဍုၚ်ကွာန်ဂှ် ဟွံဟီုဂးစကွေံကွေံပုဟ်၊ ဂၠံၚ်ဍာန်ဗီုဂွံချဳဒရာၚ်အာပရေၚ်ဍုၚ်ကွာန်ဂှ်နွံ” သာ်ဝွံ ညးတေံဆက်ဟီုလဴရ။

အကာဲအရာလၟုဟ်ဝွံ ဂကောံ NLD(ဌာန်ဗၠးၜး) စိုပ်ဍုၚ်မလေဝ်ယှာတံ ကဵုအာအရီုဗၚ်ဂကောံချဳဒရာၚ်မံၚ်အပ္ဍဲဍုၚ်ပိုဲတံဂှ်တုဲ ညံၚ်ဂွံဆက်စန်ဒက်အာကောဒေံကောန်ဍုၚ်အရၚ်တံကီု ဂကောံပိဂကောံဏံ သွက်ဂွံပံၚ်ကောံဒက်ပ္တန်အာ ဖျေံလဝ်သ္ဂုတ်သွာတ်သာ်ဏံနွံ သာ်ဝွံ ဥက္ကဌဂကောံ NLD(ဌာန်ဗၠးၜး) ဥူကျဝ်ကျဝ် ဟီုရ။

“စနူဂိတု ၅ ဏံတုဲပိုဲစချဳဒရာၚ်ကၠုၚ်ရ၊ ပ္ဍဲဍုၚ်မလေဝ်ယှာဏံ ဒၞာဲကောန်ဍုၚ်အရၚ်တံနွံ ပိုဲစှေ်မံၚ်ပရေၚ်စန်ဒက်နာနာရ” ဥက္ကဌဂှ် စက်ဟီုဏာရ။

ညးစိုပ်မံၚ်ဍုၚ်သၟာၚ်တံ ကောန်ဍုၚ်အရၚ်ဒှ်ဒှ် ဗော်ပရေၚ်ဍုၚ်ကွာန် သီုဖအိုတ် ညဳညဳသၟဟ်ဟ်ပံၚ်ကောံအိုတ်တုဲ သွက်ပရေၚ်ဒဳမဝ်ကရေဇြဳဍုၚ်ပိုဲဂှ် ဒးချဳဒရာၚ်အာ အသိၚ်ညဳညဳရောၚ်ဂှ် အခိၚ်စိုပ်ကၠုၚ်ရ၊ ကၟိန်ဍုၚ်ပံၚ်ကောံဖိတ်ဒရေဝ် ဍုၚ်ဒဳမဝ်ကရေဇြဳသွက်ဂွံမံက်ဂတဝ်ကၠုၚ်မာန်ဂှ် သၠာဲဂတလညာတ်ညးသ္ကံတုဲ ပရေၚ်ချဳဒရာၚ် (Campaign) နာနာ ဂွံပံၚ်ပစပ်အာညးသ္ကံမာန် ရန်တၟံတုဲကၠောန်ဗဒှ် ပေါဲသၠာဲဂတးလညာတ်ဏံရ။

“ဂကူဗၟာကဵု ကောန်ဍုၚ်အရၚ်တံ ဆီဂွံဒကးအာ အတိုၚ်အလဵုအသဳပၞာန်တံဖန်ဇန်မံၚ်ဂှ် ပိုဲတံသ္ၚဳဗက်အာမ္ဂး ပိုဲသ္ၚောဲခြာမံၚ်ကဵုပရေၚ်ဒဳမဝ်ဏီရောၚ်၊ ဟိုတ်ဂှ်ရ ဗီုပါ်ခြာလဝ်ဆီသာ်ဏံဂှ် ပိုဲဒးထ္ၜးသက်သဳပရေၚ် ညဳသၟဟ်တံရောၚ်ဂှ် ကောန်ညးဍုၚ်ကွာန်အိုဿီု ညံဂွံကၠိုဟ်ကၠးအာ” သာ်ဝွံ ဥက္ကဌ NLD(ဌာန်ဗၠးၜး) ဆဝ်ဗ္ၚုဟ်ဖတိုက်ဖအောဝ်ဏာရ။

Written by

Related Posts

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

ပ္ဍဲစင်အသေအဟာန်တ္ၚဲကောန်ဂကူမန် လ္ဒောဝ်တပ်တပ်ဂှ် ဒးပစူသၠုင်လဝ်အလာံကၟိန်ဍုင်ရောင် ဂျာန်နဝါရဳ ၃ တုဲ ကၠုင်ဂှ် နူကမ္မတဳကၠောန်ဗဒှ်တ္ၚဲကောန်ဂကူမန် ဗဟဵုတအ် ပတိတ်ကၠုင်လိက်စေဝ်ပၞောန် စပ်ကဵုအလာံတုဲ မၞိဟ်လ္ၚဵုဟွံ ပေင်စိုတ်ရ။

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲကဵုသၞာံ ၂၀၂၅ ဏံ ညံၚ်မိမညးဍုၚ်ကွာန် ကေုာံ သၟတ်ကွးဘာမန်တအ် သ္ဂောံစကာအာ လိခ်ပတ်မန် လတူလပှ်ကျာမာန်ဂှ် နကဵုညးတာလျိုၚ်ဌာနကမၠောန်ပတိုန်လိခ်ပတ်မန် လတူဓါတ်လပှ်ကျာ ဘာကဝ်လိက်မန်တအ် ဂစာန်ကၠောန်မံၚ် (Mon E-book project) မွဲနွံဂှ် ဂွံတီကေတ်ရ။

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

ကြဴနူကဵု ကမ္မတဳကၠောန်ဗဒှ်တ္ရဲကောန်ဂကူမန် မရနုက်ကဵု (၇၈)ဝါ ဗဟဵုတံ ပတိတ်ကၠုင်လိက် စေဝ် ပၞောန် အလာံပ္ဍဲတ္ရဲကောန်ဂကူမန်ဂှ်တုဲ ညးဂမၠိုင် ဟီုပါ်ပါဲကၠုင်နွံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.