ကောန်ဟဒေံ

ပ္ဍဲအခိၚ်ရာသဳြဗဲဏံ ရုၚ်ကၠောန်လိက်စၟတ်တတ်ကၠောံဍုၚ် နွံပ္ဍဲဍုၚ်ကအ်သံၚ်ဂှ် အလဵုအသဳတံ သွက်ဂွံပြံၚ်ပဆုဲဏာ လ္ပာ်ဍုၚ်ရနံၚ်နွံရ။

“အလဵုအသဳတံ ဂွိၚ်ဖေက်သၟာကမၠောန် ကၠောန်လိက်စၟတ်တံ ဒှ်အန္တရာဲတုဲ ဒးပြံၚ်မဆုဲဗီုဏံ မဒှ်ရ။ “နူကအ်သံၚ်ကဵု ရနံၚ်ဂှ် ဍိုက်ဂၠုၚ်အာကဵုကလေၚ်တေှ် ၜိုတ်မွဲနာဍဳဒှ်မံၚ်ဏောၚ် အခိၚ်ကသီုတေှ် လဗိုတ်ကျာဇၞော်၊ ကပှ်ဇၞော်တေှ် သွက်သၟာကမၠောန် ကၠုၚ်ကၠောန်လိက်စၟတ်တံ ဒှ်အန္တရာဲမာန်မံၚ် ဟိုတ်ဂှ်ရ ဒးဖျေံအစဳအဇန်ြပံၚ်ဏာလ္ပာ်သၚ်သေံရနံၚ်တေံ” သာ်ဏံ အတိုၚ်ညးယိုက်ဝန်အလဵုအသဳအပ္ဍဲရုၚ်ဂှ် ဟီုလဴကဵုလဝ်ဂှ် ရဲဍုၚ်ကအ်သံၚ်မွဲတၠ ကလေၚ်လဴကဵုရ။

သွက်မၞိဟ်ဟွံကေၚ်ဍိုက်ဂၠုၚ်တံလေဝ် ကပှ်ဇၞော်မ္ဂး ဟၜူတုဲ ဒှ်အန္တရာဲမာန်ရ။ အခိၚ်ြဗဲအိုတ် စိုပ်ကညၚ်မ္ဂး ရုၚ်ဂှ်ဍေံတံကလေၚ်မဆုဲပြံၚ် လပါ်ကအ်သံၚ်ပၠန်ဏောၚ် ညးဆက်ဟီုရ။

လောန်ကၠုၚ် မွဲသတ္တဟဂှ်လေဝ် ဟိုတ်နူကုဵြဗဲကျာဇၞော် ကပှ်ဇၞော်တုဲ ဂၠုၚ်ြဂိပ်မံၚ် ကအ်သံၚ်ကဵု ရနံၚ်တံ ဒးကၟာတ်ထောံ ဗွိုၚ် ၄ တ္ၚဲ ရောၚ် ညးမအာလဝ်တရဴမွဲတၠ ဟီုရ။

“သွက်ဍေံတံ ဂွံပြံၚ်ရုၚ်ဂှ် ရုၚ်လပါ်ဍုၚ်ရနံၚ်တေံ ပလေဝ်ပလေတ်လဝ်တုဲယျ ဆဂး တ္ၚဲလဵုဍေံတံ ြပံၚ်ဂှ် ဟွံတီ ချုိတ်ချုိတ်ပၠုိတ်ပၠုိတ်ဏီပုဟ်” သာ်ဝွံ ညးမဆဵုညာတ်လဝ် နမတ် သၟာကမၠောန် နူဍုၚ်ရနံၚ်မွဲတၠ ဟီုရ။

ရုၚ်ကၠောန်လိက်စၟတ်တတ်ကၠောံ ြပံၚ်စိုပ်ကၠုၚ် ဍုၚ်ရနံၚ်မ္ဂး သွက်သၟာကမၠောန်ကောန်မန်ဗၟာ နွံဒၟံၚ်ဍုၚ်သေံတံဂှ် အာကၠုၚ်လောဲသွာကီု၊ စရိတ်အာကၠုၚ်တံလေဝ် သက်သာညိဏောၚ် ညးမကၠောန်လဝ် လိက်စၟတ်တတ်ကၠောံဍုၚ်မွဲတၠ လဴကဵုရ။

သၞာံ ၂၀၀၉ ဂိတု မေ ၁၅ ဂှ် ဂၠုၚ်ဖဍိုက်လဝ် မၞိဟ် ၁၉ တၠ ဗကပ်အာ အကြာကအ်သံၚ်ကုဵ ရနံၚ်တုဲ မၞိဟ် ၁၁ တၠ ချုိတ်အာရ။

သွက်ဂွံပြံၚ်ရုၚ်လိက်စၟတ်တတ်ကၠောံဍုၚ် နူကအ်သံၚ်ကဵုရနံၚ်ဂှ် ညးတာလျုိၚ်အလဵုအသဳတံ ဖျေံလဝ်သကုတ်သွာတ် ပ္ဍဲကဵုကောံဓရီု နေပျဳဒဝ် တေံရောၚ် လိက်ပရိုၚ်အလဵုအသဳတံ ဗၟံက်ထ္ၜးလဝ်ရ။