စၠန်ထဝ် – ကၞုကိတ်ပလီုတၞံသြောံ ပ္ဍဲတကအ်ခၟိုၚ် (ပွိုၚ်ဍုၚ်ၜါသွာၚ်) မံက်ကၠုၚ် ပ္ဍဲကသီုသၞာံဏံဂှ် စဟွံထေက်ရောၚ်ဂှ် အမာတ်ကၠတ်ထဝ် တွဵုရးဍုၚ်မန် ဒံက်တာအံၚ်နာၚ်ဥူ ဗက်ဟီုတွံ ကဵုပညာ ကုကောန်ကွာန်ဒေသတံဂှ်ရ။
ကၞုဝါပလီုတၞံသြောံ
ကၞုဏံဂှ် ပါ်ဓါတ် ပ္ဍဲဌာနသုတေသန ပွိုၚ်ဍုၚ်အၚ်စိန်၊ ရးလ္ဂုၚ် တုဲယျရောၚ်၊ ယဝ်စဒးကၞုဏံမ္ဂး ယဲမဆီဗု ဍိုန်လျစှေ်၊ ယဲကွပ်လတူ ကၠေၚ်က္ဍဟ် ဂုဟ်၊ ယဲဗရုန်တံ ကတဵုဒှ်မာန်တုဲ လတေၚ်အာရီုလေဝ် လီုလာ်မာန်ရောၚ်ဂှ် ဒံက်တာအံၚ်နာၚ်ဥူ ဟီုရ။
“ပါ်ဓါတ်တုဲ စမ်ၜတ်တုဲ ဒှ်ယဲမာန်ဏောၚ် တီကၠုၚ်ဂှ်ရ ဒးဟီုတွံ ကဵုပညာကဵု ညးဍုၚ်ကွာန်တံ” သာ်ဝွံ ဒံက်တာအံၚ်နာၚ်ဥူ ဟီုရ။
ပ္ဍ္ဍဲဂိတုအံက်တဝ်ပါ ပထမသတ္တဟဏံဂှ် ဒံက်တာအံၚ်နာၚ်ဥူ ဟီုတွံကဵုပညာ ကုကောန်ကွာန် ဒေသတကအ်ခၟိုၚ်ဂှ်တုဲ လၟုဟ်ကောန်ကွာန်တံ ဟွံစကၞုတံဂှ်ရရောၚ်ဂှ် သၟာဗ္ၚမွဲတၠ ဟီုရ။
“ယဝ်ဆဵုဒးကၞုဏံတှေ် ကပှ်တုဲ ကၠဟ်ထောံလပါ်ၜဳညိဂှ် ညးဗ္ကန်လဝ်ကဵုပိုဲ၊ ကၠာတေံတှေ် ပိုဲသီုစ၊ သီုသွံ၊ ဆဂး မၞိဟ်စလဝ်ကၞုဏံဂှ် မုလေဝ် ဟွံဒှ်အန္တရာယ် မွဲသာ်ဏီပုဟ်” သာ်ဝွံ သၟာဗ္ၚ နာဲမိုၚ် ဟီုရ။
ကၞုဏံဂှ် ပ္ဍဲတကအ်ခၟိုၚ်မ္ဂး မပ္တံကဵု ပ္ဍဲကွာန်မဟေဲ၊ ၜါသွာၚ်၊ ကအ်မုဟ်ပန်၊ ကအ်ဍောတ်၊ ခရိုက်တၟိ၊ ကွာန်လှာ၊ ကၟာကှေ်၊ ဝါဍောတ်တံဂှ် ဂွံဆဵုကေတ် ဗွဲမဂၠိုၚ်ရောၚ် ဂွံတီကေတ် နူရုၚ်ပရေၚ်တဵုလွဳ ဍုၚ်ၜါသွာၚ်ရ။
ကၞုဏံဂှ် ဗွဲမဂၠိုၚ် ဂွံဆဵုကေတ် ပ္ဍဲတိဝါဗ္ၚ ဍာ်ဗတေက် ဍာ်ဖနုၚ် စပ်၊ တိဝါဗ္ၚ ဍာ်ဗတေက်တံရောၚ် ဂွံတီကေတ်ရ။
0 Comments