ဒဝ်အံၚ်သာန်သုကျဳ အာစိုပ်ဗဒိုပ်ညးဒဒိုက် မာဠ

by | Jun 6, 2012 | ပရိုၚ် | 0 comments

ဂျူရဳဆာဲ – က္ဍိုပ်သကိုပ် ဒဳမဝ်ကရေဇြဳ ဍုၚ်ဗၟာ ဒဝ်အံၚ်သာန်သုကျဳ မစိုပ်မံၚ်ဍုၚ်သေံ ၜၚ်ကံက်ဂှ် ပ္ဍဲဂိတုဂျုန် ၂ အခိၚ်နူဂယး ၁၀ နာဍဳ အာစိုပ်ဗဒိုပ်ညးဒဒိုက် မာဠ မၞုံပ္ဍဲပယျဵုသေံ-ဗၟာရ။
 

ဒေါ်အောင်ဆန်းစုကြည် မဟာချိုင်ခရီးစဉ် ပုံ- AP

ဒဝ်အံၚ်သာန်သုကျဳဝွံ စပ်ကဵုအခက်အခုဲ ညးဒဒိုက် မပ္တံကဵု ပရေၚ်မံၚ်စံၚ်၊ ပရေၚ်ဇွောံမစသုၚ်ရုမ်ဂပ် ကေုာံ အကာဲအရာ ပရေၚ်ပညာတံတုဲ သဳကၠဳကဵု ကမ္မတဳ မၞုံပ္ဍဲဗဒိုပ်မာဠ ၜိုတ်မွဲနာဍဳပြၚ်ရောၚ်ဂှ် သၟတ်မန် မတိုန်စိုပ်လဝ် ပေဲါသဳကၠဳမွဲတၠ ဟီုရ။
 
“ပ္ဍဲဖလာတ်ဗဝ် ညးဒုၚ်တၠုၚ်မံၚ် ဒဝ်သုကၠုၚ် ဂၠိုၚ်ကွေံကွေံ၊ ၜေတ်လေဝ် ဟွံမာန်ပုဟ်၊ ဂွံညာတ်ကေတ်မံၚ် နူသ္ၚောဲသ္ၚောဲ၊ မုဒှ်ဒှ်လေဝ် ဂွံဆဵုဂှ် အဲမိပ်စိုတ်ကွေံကွေံ” သာ်ဝွံ သၟတ်ဂှ် ဟီုရ။
 
သအာၚ်နူဂှ်ပၠန် အာလ္ၚတ်ဗဵု ရုၚ်ဂဥုဲ AMI မၞုံပ္ဍဲဗဒိုပ်ဂှ်တုဲ ၜိုတ်ဒေါဝ်တ္ၚဲ ၁၂ နာဍဳဂှ် ကလေၚ်တိတ်အာ နူဗဒိုပ်ဂှ်ရ။
 
ညးဒဒိုက် ဒုၚ်တၠုၚ်မံၚ် ဒဝ်အံၚ်သာန်သုကျဳ နွံကဵုလ္ၚီဏောၚ် ဂွံတီကေတ်ရ။
 
က္ဍိုပ်သကိုပ် ဒဳမဝ်ကရေဇြဳ ဍုၚ်ဗၟာ ဒဝ်အံၚ်သာန်သုကျဳဝွံ တိုန်စိုပ်သဘၚ်သဳကၠဳ ပရေၚ်ပိုန်ဒြပ်ဂၠးကဝ် မကၠောန်သ္ပ ပ္ဍဲဍုၚ်ၜၚ်ကံက် ပ္ဍဲဂိတုမေ ၃၀ ဂှ်တုဲ အာဆဵုဂဗ ဟီုဂလာန် ကုသၟာကမၠောန် ကောန်ဍုၚ်ဗၟာ မၞုံပ္ဍဲမဟ္ၚာဲဂှ်တုဲ အာဆဵုဂဗကဵု ညးဒဒိုက် ပ္ဍဲဗဒိုပ်ဂှ်ရ။
 
တရဴဍုၚ်သေံ ဒဝ်အံၚ်သာန်သုကျဳဏံဂှ် အပ္ဍဲပွိုၚ် ၂၄ သၞာံ တိတ်တရဴဍုၚ်မ္ၚး အလန်ကိုပ်ကၠာအိုတ် မဒှ်ရောၚ်။

Written by

Related Posts

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ဟိုတ်နူပရေင်ခက်ခုဲကၠေင်စက်တုဲ ဓာတ်လလဳဒေသရေဝ်သၟဝ်ကျာ ဖအောန်ဖျေံအခိင် ဗလးပၟတ်ရောင် နူကဵုတၠကမၠောန် ဗလးဓာတ်လလဳ ပတိတ်လလောင်လဝ်ရ။

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

လဂွံကဵုသၞောဝ်ဥပဒေ ညးဍုင်ကွာန်တံ ဇၟာပ်အာယုက်စိုပ် ဒးလုပ်ယိုက်ဂၠေင်သ္ပကောန်ပၞာန်ဗၟာဂှ် အုပ်ဓုပ်ကွာန်တံ နဲကဲညးကဵုညး ကၠတ်ဗက်မံင်ဩန်တုဲ ဂၠာဲလိင်ဗပေၚ်စုတ်လဝ်မၞိဟ် စၞးကွာန်နွံ ရောင် ညးလုပ်ဂကောံအုပ်ဓုပ်ကွာန် ပွိုင်ဍုင်ရေဝ်သၟဝ်ကျာ မွဲတၠ ဟီုလဴထ္ၜးရ။

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ၚဲကောန်ဂကူမန် မာ် (၁) စွေက်ဂှ် ၜိုန်ရဘာဟွံကၟာတ်ကၠာလေဝ် နကဵုဓဝ်သမ္တီဇကုကဵုဇကု ကွးဘာတံ ဟွံတိုန်ဘာအိုတ်ရောင် မိမတံကဵု ကွးဘာတံ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.