ဟိုတ်နူပၟတ်စံၚ်တုဲ ဖျာဇၞော်ဇြပ်ဗု တူအာရောၚ် တၠဆေၚ်ဖျာတံ ဟီု

by | Jan 30, 2013 | ပရိုၚ် | 0 comments

ဌာန်ပရိုၚ်ဗၠးၜးမန် – ဖျာဇၞော်ဍုၚ်ဇြပ်ဗု တူအာပၟတ်ဂှ် ဟိုတ်နူဇုက်ပၟတ်ယှတ် တူအာဟွံသေၚ်တုဲ မဒးတူအာ ဟိုတ်နူပၟတ်ကၠတ်စံၚ်ရောၚ်ဂှ် တၠဆေၚ်ဖျာတံ ဟီုအိုတ်ရ။

Caption-ဖျာဇၞော်ဍုၚ်ဇြပ်ဗု တူပၟတ်(ဗညာထဝ်လေဝ်)

Caption-ဖျာဇၞော်ဍုၚ်ဇြပ်ဗု တူပၟတ်(ဗညာထဝ်လေဝ်)

နူကဵုဆေၚ်သွံကပေါတ်ပလာတ်သတေတ် ဇုက်ပၟတ်ယှတ်အာတုဲ ပ္ဍဲဂိတုဂျာန္နဝါရဳ ၁၈ အခိၚ်သ္ဂာဗတမ်ဂှ် ဖျာဇၞော်ဇြပ်ဗု တူအာပၟတ်ရောၚ် ကိုပ်ကၠာတေံ ဟီုဂးမံၚ်ကၠာလေဝ် ကာလလုပ်စၟဳစၟတ် အပ္ဍဲဗွိုၚ်ဖျာ ပ္ဍဲဂျာန္နဝါရဳ ၂၂ ဂှ်မ္ဂး သ္ဂောံဆဵုကေတ် ခေါ်ဍေၚ်ကာဗာ် မဒှ်ကပေါတ်ပၟတ်တူလောဲသွာ အလုံဂၠံၚ်ဂေတ်ဖျာရောၚ်ဂှ် တၠဆေၚ်ဖျာတံ ဟီုအိုတ်ရ။

“ဟိုတ်နူဇုက်ပၟတ်ယှတ်တုဲ ပၟတ်တူအာ ဟွံသေၚ်ပုဟ်ဂှ် သီုညးဖအိုတ် ဒုၚ်လဝ်တဲရ။ ပၟတ်ကၠတ်စံၚ်ဏောၚ် ဟီုမံၚ်သီုဖအိုတ်ရ။ ပၟတ်ကၠတ်စံၚ်ဏံဂှ် ကၠုၚ်နူအစဳအဇန် ညးဂှ်ရော ထေက်ကဵုဒးတီဏောၚ်” သာ်ဝွံ တၠဆေၚ်ဖျာမွဲတၠ ဟီုရ။

စပ်ကဵုပၟတ်တူဏံတုဲ သွက်သ္ဂောံဒုၚ်စဳရေၚ်ကဵု သကိုပ်ဝန်ဇၞော်တွဵုရးမန် အပ္ဍဲဂိတုဖေဖဝ်ဝါရဳ ၁ မာန်ဂှ် ကမ္မတဳဂၠိုက်ဂၠာဲစၟဳစၟတ် မဒက်ပ္တန်လဝ်တၟိတံ ဗက်ပကောံပကေဝ်ဒၟံၚ် တၚ်နၚ်အိုတ်ရ။

ပ္ဍဲကမ္မတဳ ဒက်ပ္တန်လဝ်တၟိဏံဂှ် ဂကောံကမ္မတဳဖျာ၊ ဂကောံဒပ်ဗၠာဲသၟိၚ်၊ ဂကောံဒပ်ပရိုၚ်ဗၠာဲသၟိၚ် SB ကေုာံ ဂကောံစၟဳစၟတ်ဂၠိုက်ဂၠာဲတၟေၚ် (စ စ စ) တံ ပါလုပ်တုဲ ကောန်ဂကောံဌာနပရေၚ်ဖောအ်ဗြေဝ် (စည်ပၚ်) တံ အခေါၚ်ပါလုပ် ဟွံမွဲရောၚ် ဂွံတီကေတ်ရ။

ပ္ဍဲဂကောံကမ္မတဳစၟဳစၟတ်ဂၠိုက်ဂၠာဲကၠာတေံဂှ် ဌာနဓါတ်လလဳ၊ ဌာနကောပ်ကာဲပရေၚ်စက်၊ ဌာနပရေၚ်ဖောအ်ဗြေဝ် ကေုာံ ဌာနအုပ်ဓုပ်တံ ပါလုပ်အိုတ်ရ။

ဟိုတ်နူပၟတ်တူဏံတုဲ ရပ်ထိၚ်လဝ် ညး ၆ တၠ မပါလုပ်သီုက္ဍိုပ်ဖျာ ဥူသဵုတိၚ် အပ္ဍဲဗဒိုပ်ဗၠာဲသၟိၚ် ဍုၚ်ဇြပ်ဗုရောၚ် ဂွံတီကေတ်ရ။

“သွက်ဂွံသ္ပဒတန် ပရေၚ်ဒဒှ်ပၟတ်တူဏံ ချိုတ်ချိုတ်ပၠိုတ်ပၠိုတ်မာန်ဂှ် ပိုဲကဵု ဝန်ဇၞော်အလဵုအသဳတွဵုရးတံ ဂစာန်ဒၟံၚ်ဖိုဟ်ရ။ လၟုဟ်ပံက်လဝ်ဖျာယာယဳ အပ္ဍဲကၠအ်ပ္ကဴ။ သွက်ဂွံသိုၚ်ဗဒမ်ဖျာဂှ် ဒးကဵုမွဲဗဒမ် ပိဠက်ဒကေဝ်” သာ်ဝွံ ညးစၞးကၠတ်ထဝ်တွဵုရးမန် နူဒေသဆန္ဒမာဲ စၟတ် (၂) နာဲနာၚ်ဥူ ဟီုရ။

ဖျာဇၞော်ဇြပ်ဗုဝွံ နူအခိၚ်သ္ဂာဗတမ် ဂျာန္နဝါရဳ ၁၈ စဵုကဵု ၁၉ အခိၚ်ဖလာၚ်ယး ပၟတ်တူအာဂှ်ရ သှေ်ဆဗွဝ်ဗတေၚ်ဟေၚ်တုဲ ဆောံလေၚ်အာၚုဟ်မး ဂၠိၚ်ကဵုလၟိဟ်ပြကောဋိကိုဋ်ဒကေဝ်ရ။

ဟိုတ်နူပၟတ်ဏံတုဲ ဆေၚ်သွံကပေါတ်ပၟတ်ဓါတ်လလဳ ၂၇ ဆေၚ်၊ ဆေၚ်ထဝ် ၉၅ ဆေၚ်၊ ဆေၚ်သွံကပေါတ်နာနာ ၄၁ ဆေၚ်၊ ဆေၚ်သွံဂၠိက်ယာတ် ၂၁၅ ဆေၚ် ကေုာံ ဆေၚ်သွံကပေါတ်တၞဟ်တၞဟ် သီုဖအိုတ်ၜိုတ် ၆၀၀ ဆေၚ် ဆောံလေၚ်ပါအာပၟတ်အိုတ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.