နူရဲ ကူသာန်သွံရာန် ဂဥုဲၜူမာဲတံဂှ် ရပ်ဂွံဒၟံၚ်သီုလွဟ်

by | Sep 19, 2013 | ပရိုၚ် | 0 comments

မာံသုတ – အပ္ဍဲပရေၚ်ရပ်စပ်ဂွံမံၚ်ဂဥုဲၜူမာဲတံဂှ် လွဟ်တံလေဝ်ရပ်သီဂွံမံၚ်ကီုရောၚ် သာ်ဝွံညးတာလျိုၚ်ဗၠာဲသၟိၚ်(ပလိက်) တွဵုရးကရေၚ်မွဲတၠ ဟီုလဴကဵုရ။

 သီုဂဥုဲချေံ သီုလွဟ်ဗီုရပ်ဂွံလဝ်

သီုဂဥုဲချေံ သီုလွဟ်ဗီုရပ်ဂွံလဝ်

“ချိၚ်ဆကေတ်တှေ် အပ္ဍဲမွဲဂိတု ပရေၚ်ရပ်စပ်ဂဥုဲၜူမာဲ ၄ ဝါ က္တဵုဒှ်မ္ဂး ၜိုတ် ၃ ဝါဂှ် အမှုလွဟ်လက်နက်တံ ပါကၠုၚ်မံၚ်ရ၊ အတိုၚ်ရဲဒုၚ်ဝန်တံဟီုလဴကဵုဂှ်တှေ် မၞိဟ်လ္ၚဵုလ္ၚဵုတံဂှ် မွဲနဲမွဲဗီု ဆက်ကၠောံမံၚ်ကဵု မၞိဟ်နူဂကောံရပ်လွဟ်တံမွဲမွဲနွံမံၚ်” သာ်ဏံ ညးဆက်ဟီုရ။

ပ္ဍဲကဵုတွဵုရးကရေၚ်၊ ဍုၚ်ကြုၚ်ဒဵု ဒၞာဲသ္ၚိဒၟံၚ် ဉာဏ်ထောန်ဂှ် ညးတာလျိုၚ်ပလိက်ဗၠာဲသၟိၚ်တံ ကာလကၠုၚ်ရပ်ဂဥုဲချေံ ၁၇၇ မဂှ် သီုသီဂွံလွဟ်ပေတ်သတဝ် Czecholokia မွဲဇကိုအ်ဂးရ။

အပ္ဍဲကဵုပွိုၚ်မွဲတ္ၚဲဂှ်ပၠန် ဒၞာဲသ္ၚိဒၟံၚ် မနာန်ဖဝ် ရဲကွာန်အိန္ဒု၊ ပွိုၚ်ဍုၚ်ဘာအၚ်ဂှ်လေဝ် ရပ်ဂွံဂဥုဲချေံ ၂၆၆ မ၊ မွဲကရောံဂှ် သီုသီဂွံလွဟ်လက်နက်ဇမၠေံပေတ်သတဝ် မွဲဇကုကီုဂှ်လေဝ် ညးဆက်ဟီုလဴကဵုရ။

ဗၠာဲသၟိၚ်ရပ်စပ်ဂဥုဲၜူမာဲ(ဒပ်တၟေၚ်) ဍုၚ်ဗြဝတဳ တွဵုရးကရေၚ်မွဲတၠဟီုဂှ် “အပ္ဍဲကဵုဂိတုသေပ်တေမ်ပါ ၄ ဂှ် ပိုဲတံ ဗက်ရပ်ဂဥုဲၜူမာဲ အကြာဆေၚ်ဖျာ (Game) လ္တူဍုၚ်ဂှ်တှေ် ဂဥုဲချေံကဵု လွဟ်လက်နက်ဍောတ်တ်မွဲဇကု သီုကဵု မကမ်တံ ရပ်ဂွံလဝ်ကီုရ” သာ်ဏံ ညးဟီုလဴကဵုရ။

အပ္ဍဲကဵုဆေၚ်ဖျာ (Game) လ္တူဍုၚ်ဗြဝတီဂှ် ရပ်ဂွံဂဥုဲချေံတဆိပ် WY လၟိဟ်၂၀၁၅ မ ကေုာံ လွဟ်လက်နက် ပေတ်သတဝ် ဒဿမ ၂၂ ကဵု မကမ်ဂမၠိုၚ် နူညးလုပ်ဂကောံဒပ်ပၞာန်ကရေၚ် DKBA မွဲတၠ မဒှ်ရ။

တုပ်သာ်ဂှ်ကီု အပ္ဍဲဂိတုသေပ်တေမ်ဗာ ၁၅ အခိၚ်ဗ္တံဂှ် အပ္ဍဲရးဒေသဇၞော်လ္ဂုၚ် ပွိုၚ်ဍုၚ်မၚ်္ဂလ၊ ဍုၚ်ထံက်ကျ၊ အရာပ်ဗဂေါ ဒၞာဲသ္ၚိဒၟံၚ်တာန်သဝ်ဂှ် ဗၠာဲသၟိၚ်ပလိက်တံ ရပ်ဂွံဂဥုဲချေံတဆိပ် WY လၟိဟ် ၃၃၉၅၆ မကေုာံ သီုလွဟ်ပေတ်သတဝ်မွဲဇကိုအ်၊ မကမ်ပါ ၁၁ မဖျေဲမွဲဂှ် အပ္ဍဲကဵုလိက်ပရိုၚ် The Myawady Daily ထမံက်ထ္ၜးလဝ်နွံရ။

ဒပ်ဗၠာဲသၟိၚ်ပလိက် ပ္ဍဲရးဒေသဇၞော်သကိုၚ်၊ ခရိုၚ်ကလေဝ်၊ ပွိုၚ်ဍုၚ်တမူတံဂှ် ညးတာလျိုၚ်လ္ၚဵု ဆက်စပ်မံၚ်ကဵုပရေၚ်ကူသာန်သွံရာန်ဂဥုဲၜူမာဲကေုာံ လွဟ်ဟွံလုပ်သၞောဝ်ဂမၠိုၚ်တံနွံမံၚ်ဂွံပရိုၚ်တုဲ ဂကောံဗၠာဲသၟိၚ်ပလိက်နူနေဗျဳတဝ်တံ အာစၟဳစၟတ်ရပ်စပ် ကေတ်ထောံအရေဝ် ပ္ဍဲဂိတုဂျောန်လောန်ကၠုၚ်တေံ ကေၚ်က္တဵုဒှ်လဝ်နွံရ။

Written by

Related Posts

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ဟိုတ်နူပရေင်ခက်ခုဲကၠေင်စက်တုဲ ဓာတ်လလဳဒေသရေဝ်သၟဝ်ကျာ ဖအောန်ဖျေံအခိင် ဗလးပၟတ်ရောင် နူကဵုတၠကမၠောန် ဗလးဓာတ်လလဳ ပတိတ်လလောင်လဝ်ရ။

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

လဂွံကဵုသၞောဝ်ဥပဒေ ညးဍုင်ကွာန်တံ ဇၟာပ်အာယုက်စိုပ် ဒးလုပ်ယိုက်ဂၠေင်သ္ပကောန်ပၞာန်ဗၟာဂှ် အုပ်ဓုပ်ကွာန်တံ နဲကဲညးကဵုညး ကၠတ်ဗက်မံင်ဩန်တုဲ ဂၠာဲလိင်ဗပေၚ်စုတ်လဝ်မၞိဟ် စၞးကွာန်နွံ ရောင် ညးလုပ်ဂကောံအုပ်ဓုပ်ကွာန် ပွိုင်ဍုင်ရေဝ်သၟဝ်ကျာ မွဲတၠ ဟီုလဴထ္ၜးရ။

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ၚဲကောန်ဂကူမန် မာ် (၁) စွေက်ဂှ် ၜိုန်ရဘာဟွံကၟာတ်ကၠာလေဝ် နကဵုဓဝ်သမ္တီဇကုကဵုဇကု ကွးဘာတံ ဟွံတိုန်ဘာအိုတ်ရောင် မိမတံကဵု ကွးဘာတံ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.