ဂကောံလိုန်ကွဳလိုန် Green Bike လုပ်ဓရီုတက်ကျာ ဆေၚ်ကဵုသဘာဝပွဳပွူ ကုညးဒေသဖာလိန်ဏောၚ်

by | Jan 30, 2016 | ပရိုၚ် | 0 comments

ဂကောံလိုန်ကွဳလိုန် Green Bike သီုမချဳဒၟံၚ် ပရေၚ်သဘာဝပွဳပွူဂှ် ညးတံလုပ် သီုကွာန်အၚ်ဒၚ် ဒေသဖာလိန် ပွိုၚ်ဍုၚ်ရေဝ် တွဵုရးမန် ဒၞါဲဒးဒုၚ်ရန်လဝ် သွက်ဂွံသိုၚ်ပ္တန် ရုၚ်စက်ပၟတ်ဓါတ်လလဳ မစကာ စၞပရက်တၟံချး ဂှ်ဏောၚ်တုဲ စိုပ်အဂှ်မ္ဂး ညးတံ ဟီုဓရီုတက်ကျာ သဳကၠဳပရူ သဘာဝပွဳပွူ ကုရဲဒေသတံကီုဏောၚ်ဂှ်လေဝ် ဘုံမျာတ်ဟာန် နူဂကောံကွဳလိုန်ဂှ် ဟီုရ။

အစဳဇန် ဂရိပ်လိုန် ကွဳလိုန်ဂှ်ဝွံ ပ္ဍဲဂိတုဖေဖဝ်ဝါရဳ (၁) ဂှ် တိတ်နူဍုၚ်ဇြပ်ဗုတုဲ စဵုကဵု ဖေဖဝ်ဝါရဳ (၄) တေံ ဍိုက်လိုန်အာ နူရးမန် ဒဵုစိုပ် ရးတနၚ်သဳ တေံဏောၚ်ဂးရ။
“ ကၠာအိုတ် ဖေဖဝ်ဝါရဳ ၁ ဂှ် တိတ်နူဇြပ်ဗုတုဲ ပ္ဍဲမွဲဂရိပ်ဂၠံၚ်ဂှ် ဆဵုကွာန်မန်တှေ် လုပ်ဏောၚ်။ သဝ်တ္ၚဲဂှ်တှေ် အာတိက် ပ္ဍဲကွာန်အၚ်ဒၚ် မဒှ်ဒေသ ဒၞါဲသိုၚ်ရုၚ်စက်ပၟတ်ဓါတ်လလဳ စကာပၟတ်တၟံချးဂှ်ဏောၚ်။ တ္ၚဲယးတေံပၠန်မ္ဂး ဆက်အာကွာန်ဍာ်ဂမ္တဴ (ရာဖူး) ရးတနၚ်သဳတေံဏောၚ်။ နူဂှ်ဆက်လိုန်အာ ကွာန်ဇရၚ် ဇရေၚ်ဂှ်တုဲ တရဴပိုဲအာဂှ် အိုတ်ပ္ဍဲဖေဖဝ်ဝါရဳ ၄ ဂှ်ဏောၚ်” ဖုၚ်မျာတ်ဟာန် ကောန်ဍုၚ်ရေဝ် မချဳဒရာၚ်မံၚ် ပရေၚ်သဘာဝပွဳူ ဂှ်ဟီုထ္ၜးရ။

ဂကောံလိုန်ကွဳလိုန် Green Bike ဝွံ စိုပ်ကွာန်မွဲမွဲမ္ဂး လုပ်ဓရီုတက်ကျာ သဳကၠဳလှာဲလညာတ် ကုကောန်ကွာန်တံ စပ်ကဵု ပရေၚ်သဘာဝပွဳူဏောၚ်၊ အ္ခိၚ်ဗ္တံမ္ဂး ဒယှေ်အာဒွက် စပ်ကဵုသဘာဝ ပွဳပွူ ကရောံကောန်ကွာန်တံဏောၚ် ဂးရ။

ဂကောံလိုန်ကွဳလိုန် Green Bike နူဍုၚ်ဇၚ်မာဲ (Internet)

ဂကောံလိုန်ကွဳလိုန် Green Bike နူဍုၚ်ဇၚ်မာဲ (Internet)

“ရန်တၟံပိုဲ အဓိကဂှ် ဒၞါဲစိုပ်အာဂှ်တှေ် လ္ၚတ်ရံၚ်ဗဵုအာ သဘာဝ ဗွဲပွဳပွူ ဝုတ်ဒိုဟ် တံဂှ်ဏောၚ်။ ညးညးအဲအဲ ညံၚ်ဂွံဍိုက်ကွဳလိုန်ဂှ် ပိုဲစန်ဒက်ဏောၚ်” ဖုၚ်မျာတ်ဟာန် ဂးရ။
ပ္ဍဲအစဳဇန် တရဴလိုန်ကွဳလိုန် Green Bike ဏံဂှ် သၟာကွဳလိုန် ၜိုတ် ၁၅ တလ လိုန်အာကွဳလိုန်ဏောၚ် ဒှ်တုဲ ဒးလုပ်ကွာန် မူစိကွာန်ရောဂှ် ဟွံတော်လဝ် ကိုန်ဂစိုတ်ရ။ ဗီုဂပ်ဝ် ဒးရးဂှ် လုပ်အာတုဲ ဟီုဓရီု သဳ်ကၠဳအာဏောၚ် ဂးရ။

ယဝ်လိုန်ကွဳလိုန်မ္ဂး ယဲကောန်တၟံ၊ ယဲခယျာဍာတ်၊ဆီဍာတ်ဂှ် စဵုဒၞါမာန်ဏောၚ်၊ ခရိတ်ဒက အိုတ်သာ၊ ဟိုတ်နူ ဟွံဒးစကာ ကၠေၚ်ဍေန် ကၠေၚ်ဓါတ် ဒဳဇြေဝ်တံဂှ်ရ အရာဗဂိုဟ်ပြောဟ်ပ္တိတ်ယက် ကာဗောန်မဝ်နံက်သာ် အောန်စှေ်အာဏောၚ်၊ရမျှာၚ်ညာန် ဟွံသာယေန်ပ္ဍဲကတောဝ်ဂှ်လေဝ် အောန်စှေ်ဏောၚ်တုဲ ဍေံက္လေၚ်ပခိုဟ်ကဵု ပရေၚ်ထတ်ယုက်၊ပရေၚ်ဝေါဟာမၞိဟ် ကဵု သဘာဝ နွံမံၚ်ဗွဲဝုတ်ဒိုဟ် ပိုဲတံဏောၚ်” ဂကောံ လိုန်ကွဳလိုန်ဏံ ဒုၚ်ကေတ်လဝ် သာ်ဂှ်ရ။

အဓိက ပရေၚ်ချဳဒရာၚ် ဂကောံ Green Bike ဏံဂှ် ပ္ဍဲဒေသမွဲမွဲ ကလောန်ပြဝ မလေပ် ဇီုကပိုက် ထၟတ်ဒွံ သဘာဝ ဗွဲဝုတ်ဒိုဟ်ပိုဲ နွံကၠုၚ်မ္ဂး ဂကောံဏံ ပြာပ်အာဒဵုစိုပ် ဒၞါဲဂှ်ရ။ ဒှ်သာ်ဂှ်ရ ပ္ဍဲသၞာံ ၂၀၁၃ တေံ ပံၚ်ကဵု ဂကောံ ပ္ဍဲဒေသထဝါဲတေံတုဲ အာစိုပ်လဝ် ဒေသကိုန်အစဳဇန်ပရေၚ်ဖေါအ်ဗြေဝ် ကေုာံ နှေဟ်ဍာ်ဇြိုဟ်ထဝါဲတေံ ကီုရ။

Written by

Related Posts

သၟိင်ဍုင်ယုတ်ကြာန်မ္ဂး ကောန်ညးဍုင်ကွာန်လေဝ် စရိုတ်သဝ်စှ်ေမာန်

သၟိင်ဍုင်ယုတ်ကြာန်မ္ဂး ကောန်ညးဍုင်ကွာန်လေဝ် စရိုတ်သဝ်စှ်ေမာန်

ဂလာန်မ္ဂး “အဒါတ်ဗက်ဗျ ကောန်တုပ်ဗက်မိမ” ဂှ် ဒှ်ဂလာန်တၠပညာ ညးတမၠာတံရ။ ဗွိုင်လဵုပိုဲရံင်င် တၠုင်လအာတုပ်ဒၟံင်သာ်ဂှ် ကြပ်သီုဖအိုတ်ရ။ ဟီုကၠးကၠးမ္ဂး သီုဖအိုတ်ရဂှ်ဟွံသေင် ဗွဲတၟေင်ကၠာဲအာညိညိနွံရ။ ပ္ဍဲဂြောဝ်ဂတာမွဲမွဲ တၞဟ်ခြာနူမဇ နွံမွဲတွဵုရ။ ဂလာန်သာ်ဏံလေဝ်နွံရ။ ဍာံပြတဴဗွဲမလောန်ရ။ ပရေင်ပရောတံဏံ ယဝ်သ္ဒးချူဗွဲတြးမ္ဂး ပြးသၠဲတိတ်အာ ဗွဲမဂၠိုင်မာန်တုဲ လိက်ပရေင်ဏံ ချူပတဝ်ဏာကဵု သၟိင်အုပ်ဓုပ်ဍုင်ဗၟာတံ ကဵု ကောန်ညးဍုင်ကွာန် ကောန်ဍုင်ဗၟာတံ ဒဒှ်ကာလပစ္စုပ္ပန် လၟုဟ်ဏံရ။

အ္စာဘာစှ်ေနူကဝ်လိက်ကောန်ဂကူမန် ဒးတိုန်ဘာပၞာန်သ္ဇိုၚ်တုဲ ပ္ဍဲဘာကောန်ဂကူဂမၠိုၚ် ဒှ်ခက်ခုဲကဵုအ္စာ

အ္စာဘာစှ်ေနူကဝ်လိက်ကောန်ဂကူမန် ဒးတိုန်ဘာပၞာန်သ္ဇိုၚ်တုဲ ပ္ဍဲဘာကောန်ဂကူဂမၠိုၚ် ဒှ်ခက်ခုဲကဵုအ္စာ

အ္စာဘာစှ်ေနူကဝ်လိက်ကောန်ဂကူမန်တုဲတအ်ဂှ် ဒးတိုန်ဘာပၞာန်သ္ဇိုၚ်တုဲ ပ္ဍဲဘာကောန်ဂကူဂမၠိုၚ် ဒှ်ဒၟံၚ်ပရေၚ်ခက်ခုဲကဵု အ္စာရောၚ် ဂကောံကေၚ်ကာအ္စာဘာနူပွိုၚ်ဍုၚ်မွဲတၠ ဟီုလဴထ္ၜးရ။

ပ္ဍဲနန်ထၜူရဳ ညးတာလျိုင်ဗၠာဲသၟိင်သေံတအ် လုပ်စၟဳစၟတ်ရပ်ဂွံ သၟာကမၠောန်ဟွံလုပ်ကဵုသၞောဝ် (၂၀)တၠနွံ

ပ္ဍဲနန်ထၜူရဳ ညးတာလျိုင်ဗၠာဲသၟိင်သေံတအ် လုပ်စၟဳစၟတ်ရပ်ဂွံ သၟာကမၠောန်ဟွံလုပ်ကဵုသၞောဝ် (၂၀)တၠနွံ

ပ္ဍဲခရိုင်နန်ထၜူရဳ ကၟိန်ဍုင်သေံ ဒၞါဲကဵုဖျာတလာတ် (Bang Yai Market)အခိင်ဗ္တံဂှ် ညးတာလျိုင်ဗၠာဲသၟိင်သေံတအ် လုပ်စၟဳစၟတ်ရပ်ဂွံ သၟာကမၠောန်ဟွံလုပ်ကဵုသၞောဝ် လၟိဟ် (၂၀) တၠနွံရောင် ပရိုင်သေံတအ် ချူဓမံက်လဝ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.