ကမၠောန်မၚ်ရံၚ်စံၚ်ပရေၚ်ပန်ပှော်ဂှ် နွံပၟိက်သြန်ဒဝ်ဠာ ၂၁ ပြကောဋိကိုဋ်ဂး

by | Jan 13, 2016 | ပရိုၚ် | 0 comments

အကြာအလဵုအသဳ ကဵု ဂကောံရပ်လွဟ် ကောန်ဍုၚ်အရၚ် မထ္ပက်လဝ်စၟတ်တဲ NCA တံ ညံၚ်ဟဂွံဒှ်ပန်ညးသ္ကံ မွဲလှေ်ပၠန်ဂှ် ဒက်ပ္တန်ဂကောံမၚ်မွဲရံၚ်သ္ၚဳ ပရေၚ်ဒိုအ်ပန်ပှော် ကော်ဂး JMC အဆံၚ်အဆံၚ်တုဲ ဒးမၚ်မွဲရံၚ်သ္ၚဳအာ အကာဲ

ဌာနပရေၚ်ၜိုဟ်လလံ ဍုၚ်ဗၟာ(MPC)

ဌာနပရေၚ်ၜိုဟ်လလံ ဍုၚ်ဗၟာ(MPC)

အရာဒိုအ်ပန်ပှော်ဏောၚ်ဒှ်တုဲ ကလောန်သ္ဂောံဂေတ်ဂှ် နွံပၟိက်မံၚ်ကဵု သြန်ဒဝ်ဠာ ၂၁ ပြကောဋိကိုဋ်ဏောၚ် ဂွံတီကေတ်ရ။

အတိုၚ်တၚ်တုပ်စိုတ် ပ္ဍဲလိက်ကသုက် NCA ဂှ်ရ ထ္ပက်စၟတ်တဲ ဒိုအ်ပန်ပှော်တုဲ ဒပ်ၜါလ္ပာ်တံ ညံၚ်ဟဂွံဒှ်ပန်ညးသ္ကအ်ပၠန်ဂှ် ပံက်ကမ္မတဳ ပဒိုအ်ပရေၚ်ပန်ပှော် အဆံၚ်ကၟိန်ဍုၚ် ကော်ဂး JMCU တုဲ နူဂှ်မွဲတဆံၚ် ဆက်ပံက်အာ အဆံၚ်တွဵုရး အဆံၚ်ဒေသ ပၠန်တုဲ ဒးဖန်ဇန်အာ ကလောန် အရၚ်ဂွံ မၚ်မွဲရံၚ်သ္ၚဳ အကာဲအရာဒိုအ်ပန်ပှော် ဒဵုကဵုပွိုၚ် ၃ သၞာံဏီဏောၚ်ဒှ်တုဲ ကလောန်ဂွံဂေတ်ဂှ် နွံပၟိက်ကဵု သြန်ဒဝ်ဠာ ၂၁ ပြကောဋိကိုဋ်ဏီ ဒံက်တာ ယှိုဲခါ ညးအုပ်ကာလၟိဟ် (၁) ဂကောံ JMCU (ကမ္မတဳ ပဒိုအ်ပရေၚ်ပန်ပှော် အဆံၚ်ကၟိန်ဍုၚ်) ဂးရ။

“ကမ္မတဳ ပဒိုအ်ပရေၚ်ပန်ပှော် အဆံၚ်ကၟိန်ဍုၚ် ကော်ဂး JMCU ဂှ်ပိုဲပံက်လဝ်တုဲရ၊ ဆက်တုဲ အဆံၚ်တွဵုရး ကော်ဂး ဂကောံ JMCS ကီု အဆံၚ်ဒေသ ကော်ဂး JMCL ကီု ဒးထပ်ပံက်မံၚ်ဏီ။ ပံက်ဂကောံ အဆံၚ်ၚ် သာ်ဏံတုဲမ္ဂး ဒပ်ၜါလ္ပာ်တံ ညံၚ်ဟဂွံဒှ်ပန်ညးသ္ကအ်ဂှ် ဒးမၚ်ရံၚ်အာ ဟဂွံသ္ကုတ်မတ်ဏောၚ်၊ ဒှ်သာ်ဂှ်ရ သွက်ကလောန် မၚ်ရံၚ် ဂွံဒှ်ကလောန်ဂှ် ဒးကေတ်သြန်ဒဝ်ဠာ ၜိုတ် ၂၁ ပြကောဋိကိုဋ်ဏီ” ဒံက်တာ ယှိုဲခါ ဂးရ။

သြန်တံဏံ စကာပ္ဍဲအရာလဵုရောမ္ဂး ပ္ဍဲအရာ သက်ပယဵုတိဍာ်ဒပ်ကီု၊ ပ္ဍဲအရာပံက်ကမ္မတဳ အရၚ်ဂွံမၚ်ရံၚ် ညံၚ်ဟဂွံဒှ် ပန်ပှော် ညးသ္ကံဂှ်ကီု၊ ပ္ဍဲအရာသိုၚ်ခၞံ ဒၞါဲရုၚ်ကလောန်တံကီု ဂွံဒှ်ကလောန် မပ္တံသာ်ဏံဂှ် ဒးစကာသြန်တံဏံရ သာ်ဝွံ ညးတာလျိုၚ်ဂမၠိုၚ် နူဌာန MPC ဂးရ။

အတိုၚ်ဟီုလဝ်ဂှ်ရ သွက်ဂွံစကာသြန် ပ္ဍဲကလောန်တံဂှ် ရန်လဝ် သွက်ပိသၞာံတုဲ မွဲမွဲသၞာံမ္ဂး ဒဝ်ဠာအိုတ် အကြာ ရ / ၈ ပြကောဋိကိုဋ်ဏောၚ် ဂွံတီကေတ်ရ။

ပ္ဍဲဂိတုဇာန်နဝါရဳ ၈ ဂှ် ကမ္မတဳ JMCU ကဵု ညးစၞးကုလသမဂ္ဂ (UN) ကီု သီုကဵု ညးစၞး ၃၀ ပြၚ် နူဂကောံတၠဒါန် ဍုၚ်သ်အာၚ်တံ ဆဵုဂဗသဳကၠဳညးသ္ကအ် ပ္ဍဲရုၚ်ပရေၚ်ၜိုဟ်လလံ MPC ဂှ်တုဲ သဳကၠဳလဝ် ပရူသြန်ဘဏ္ဍာဂှ်ရ။

ပံက်ဂကောံ JMC တုဲ ဒပ်ၜါလ္ပာ်တံ ယဝ်ဒှ်ပန်ညးသ္ကအ်ဏီမ္ဂး နူဂကောံ မၚ်ရံၚ်မွဲ (JMC) ဏံ ရပ်စပ်ကေတ်အရေဝ်ဏောၚ်ဒှ်တုဲ ယဝ်စိုပ်အဆံၚ် ဒုဟ်ရာဇဝတ်မ္ဂး ကေတ်ဒုဟ် အတိုၚ်သၞောဝ် ရာဇဝတ်ရဏောၚ် ဒံက်တာယှိုဲခါ ညးအုပ်ကာ (၁) ဂကောံ JMCU ဂးရ။

သြန်သွက်ဂွံဓမံက်ရုပ်ရဴဂှ်ဝွံ နူညးတၠဒါန် ဍုၚ်သ်အာၚ်တံသၟးဟွံသေၚ် ညံၚ်သ္ဂောံဂွံမာန် နူဘဏ္ဍာဍုၚ်ဂှ်လေဝ် အာတ်မိက် ပ္ဍဲကၠတ်ထဝ်တေံကီုဏောၚ် ဂွံတီကေတ်ရ။

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.