သ္ဘၚ်သဳကၠဳ ပရေၚ်ၜိုဟ်လလံဍုၚ် ကၠောန်သ္ပ ပ္ဍဲဇာန်နဝါရဳ ၁၂ ဏံဂှ် ဗော်ဍုၚ်မန်တၟိ ဟွံတိုန် နာဲဟံသာ ဒုဥက္ကဌ ဗော်ဍုၚ်မန်တၟိ ဟီုလဴကဵု ဌာန်ပရိုၚ်ဗၠးၜးမန်ရ။
လဟီုညးမ္ဂး “ပေါဲဏံဂှ် ဍေံစပ်ဖျပ်မံၚ်ကဵု ဂကူဖ်အိုတ်ဏောၚ်။ ပ္ဍဲကောံဓရီု UNFC ကၠောန်ဏာ ပ္ဍဲဇာန်နဝါရဳ ရ ကဵု ၈ ဂှ် ဗော်ဍုၚ်မန်တၟိပိုဲ ဗလးဏာ ညးစၞးကီုရ။ ဂကောံဖ်အိုတ် ဟွံပါတှေ် ပိုဲဟွံတိုန်” ညးဟီုရ။
မူပၞောန် ပရေၚ်ဍုၚ်ကွာန် ဂကောံအလဵုအသဳကဵု ဒပ်ပၞာန်ဍေံတံ ပံၚ်ချူလဝ်ဂှ် ဂကောံရပ်လွဟ် ကောန်ဍုၚ်အရၚ်တံ ဒုၚ်တဲဟွံမာန်ရ။ ပေါဲသဳကၠဳ ပိက္ဍိုပ်အဓိကဂှ် ဟွံဒှ်တုဲ အလဵုအသဳဂှ် ကေတ်ဒၞါဲ ဓလီုလဝ်ဗွဲလ္တူရ ဒၟါနူဂှ်ရ သ္ဂုတ်သွာတ်လဝ် နကဵုဗော်လေဝ် ဟွံတိုန်ရ၊ နဒဒှ် UNFC လေဝ် ဟွံတိုန်ရ နာဲဟံသာဟီုရ။
နူကဵု ဗီုပြၚ်ပေါဲသဳကၠဳပရေၚ်ဍုၚ်ကွာန် ဒုၚ်သဇိုၚ်ကဵု ပိက္ဍိုပ်တက်ကျာ အတိုၚ်မပါဒၟံၚ် ပ္ဍဲလိက်ကသုက် ဒိုအ်ပန်ပှော်အလုံမွဲဍုၚ် NCA ဂှ် က္လေၚ်ပြံၚ် သ္ပထောံ ဗီုပြၚ် မသုန်က္ဍိုပ်တက်ကျာပၠန်ဟီုဂှ် ဟွံဇြိုဟ်နက်ကဵု ပရေၚ်ဒဳမဝ်ကရေဇြဳ ကေုာံ ပရေၚ်ကောန်ဍုၚ်အရၚ် မဒှ်ဟိုတ်တမ် ပြသနာ ပရေၚ်ဍုၚ်ကွာန် ဍုၚ်ဗၟာဏံရဏောၚ် ဂှ် ပ္ဍဲဇာန်နဝါရဳ ၅ တုဲကၠုၚ်ဏံ နူဂကောံပံၚ်ကောံ မချဳဒရာၚ်မံၚ် ပရေၚ်ဝေါဟာမၞိဟ်တံ ပ္တိတ်လိက်လလောၚ် ထံက်ထ်ၜးလဝ်ရ။
ဖျေံသ္ဂုတ်သွာတ် ကိစ္စပရေၚ်ဍုၚ်ကွာန်မ္ဂး နူဒပ်ပၞာန် ရပ်ပတေၚ်လဝ်အဝဵု တွဵုဂှ် ဟွံမိက်ကဵုဒှ်ရ။ ပ္ဍဲအရာပရေၚ်ဍုၚ်ကွာန်ဏံ သ္ဂုတ်သွာတ် မတိတ်ကၠုၚ် နူသွာၚ်ပရေၚ်ဍုၚ်ကွာန် ကေုာံ သွာၚ်ကောန်ဍုၚ်အရၚ်တံဂှ်ဟေၚ် ထေက်ကဵုဒှ် အဓိကဏောၚ်၊၊ ဒှ်သာ်ဂှ်ရ ပ္ဍဲပေါဲသဳကၠဳ ပရေၚ်ဍုၚ်ကွာန် စပ်ကဵုပရေၚ်ၜိုဟ်လလံကၟိန်ဍုၚ်ဏံ ဒှ်ဒၟံၚ်ညံၚ်ရဴ မပအပ်လဝ် အဝဵုသ္ဂုတ်သွာတ် ပ္ဍဲတဲဒပ်ပၞာန်ဂှ် ဟွံထေက်ကဵုဒှ်လးလးတုဲ စပ်ကဵုပါ်ပရအ်လဝ် လၟိဟ်ဗၞတ်ဗ်ၜတ် အရၚ်ညး အရၚ်အဲဂှ် ဒးက္လေၚ်သ္ၚဳဂၠိပ် ဒးက္လေၚ်ပဠေဝ် ထေက်ဏောၚ်၊ ကာလဂှ်ဟေၚ် ကြက်ရှ်သာ လိက်ကသုက် ပေန်လုၚ်ဂှ် ဓမံက်ရုပ်ရဴ ခိုဟ်ဟ် ဂေါဝ်ဝ်မာန်ဏေါၚ် ခေန်အုမ္မာ ဂးရ။
ပ္ဍဲအရာဖျေံလဝ်ဗီု စပ်ကဵုဗီုပြၚ် ဒးကေတ်တၚ်သ္ဂုတ်သွာတ် ကေုာံ မပါ်ပရအ်လဝ် လၟိဟ်ဗၞတ်ဗ်ၜတ် မၞိဟ်/ဂကောံ သွက်ဂွံတိုန်စိုပ် ပေါဲသဳကၠဳပရေၚ်ဍုၚ်ကွာန်ဂှ် ထေက်ကဵု ဒးက္လေၚ်သ္ၚဳဂၠိပ်ဏောၚ် နူဂကောံဂမၠိုၚ် မချဳဒရာၚ်မံၚ် ပရေၚ်ဝေါဟာမၞိဟ်တအ် ပ္တ္တိ်တ်လဝ် လိက်လလောၚ် လစွံစိုတ်ညးတအ် ပ္ဍဲစၟတ်တ္ၚဲ ဇာန်နဝါရီ ၅ တုဲကၠုၚ်ဏံရ။
ဒဝ်အံၚ်သာန်သုကျဳတုန် “သွက်ပရေၚ်ၜိုဟ်လလံဍုၚ်မ္ဂး လိက်ကသုက် ဒိုအ်ပန်ပှော်ကၟိန်ဍုၚ်ဂှ် ဒှ်ဆ လ္ဂာံပထမ ဟေၚ်ရ။ သီုဂကောံရပ်လွဟ် ကောန်ဍုၚ်အရၚ်ဖ်အိုတ် ညံၚ်ဂွံထ္ပက်စၟတ်တဲ မာန်ဂှ် ဒးဂစာန်အာဏီဏောၚ်။ ပ္ဍဲအကြာကောန်ဍုၚ်အရၚ်တံဏံ ဂကောံရပ်လွဟ် လုပ်ထ္ပက်စၟတ်တဲ လိက်ကသုက် NCA ကဵု ဟွံဂွံထ္ပက်စၟတ်တဲဏီတံ လညာတ် စိုတ်ဓါတ် ညံၚ်ဟဂွံပြးအာဂှ် ပၟိက်ဇၞော် ကွေံကွေံ” သာ်ဝွံ ညးဟီုဂးဏာ ပ္ဍဲဂလာန် ပံက်သ္ဘၚ်သဳကၠဳဂှ်ရ။
သ္ဘၚ်သဳကၠဳ ပရေၚ်ၜိုဟ်လလံဍုၚ် ဒုၚ်သဇိုၚ်ကဵု အလဵုအသဳ ကဵု ဂကောံရပ်လွဟ် ၈ ကောံဂှ် ပ္ဍဲဇာန်နဝါရဳ ၁၂ ဖါနူဂယး ကၠောန်ဗဒှ် ပ္ဍဲဍုၚ်နေပျဳဒဝ်တေံတုဲ ပ္ဍဲအစဳဇန် ဂလာန်ပံက် အသေအဟာန်ဂှ် သမ္မတကီု၊ ဂဥပ်ဒပ် က္ဍိုက်ပ်ပရေၚ်စဵုဒၞါကီု၊ ညးက္ဍိုက်ပ် ကၠတ်ထဝ် တံကီု၊ ဒဝ်အံၚ်သာန်သုကျဳကီု သီုကဵု က္ဍိုပ်သ္ကိုပ် ကောန်ဍုၚ်အရၚ်တံ တိုန်စိုပ် ဟီုဂလာန် သေဲသေဲ အိုတ်ကီုရ။