ပ္ဍဲကဵုတွဵုရးဍုၚ်မန်ဂှ် မၞိဟ်ယဲကဝ်ဝေဒ်ဂၠိုၚ်တိုန်မံၚ်ကဵုအသိၚ်တုဲ မွဲတ္ၚဲဓဝ် စဵုကဵု (၃၁) တၠမံက်ကၠုၚ်လဝ်ဂှ် အ္စာသဝ် (၂) တၠလေဝ် ပါလုပ်မံၚ်ကီုရောၚ် ဂွံတီကေတ်ရ။
ဂိတုသေပ်တေမ်ဗာ ၂၀ မၞိဟ်ယဲကဝ်ဝေဒ် (၃၁) တၠ ပါလုပ်မံၚ်တုဲ ပွိုၚ်ဍုၚ်ၜဳကလေၚ်ဂှ် (၂၁) တၠ၊ ပွိုၚ်ဍုၚ်မတ်မလီု (၈) တၠ ပွိုၚ်ဍုၚ်သဓီုကဵု ပွိုၚ်ဍုၚ်ကျာ်မြဟ်တံ ပါလုပ်မံၚ် (၁) တၠရ။
“အ္စာသဝ်ဝန် (၂) တၠဂှ်တှ်ေ မၚ်ရံၚ်မံၚ်မၞိဟ်ယဲ ပ္ဍဲကဵုဌာနမၞိဟ်ယဲမ္ၚး (ပြၚ်ပလူနာဌာန) အဟိန်စၟဳစၟတ်မံၚ် မၞိဟ်ယဲတံဂှ် မၞိဟ်ယဲမွဲဂှ် ကောန်ဍေံပါကၠုၚ်ရ။ ကောန်ဍေံဂှ် မံၚ်လဝ် ပ္ဍဲကဵုအကြာသ္ၚိမၞိဟ်ယဲကဝ်ဝေဒ် အရာပ်ကုန်စက္ကာဲဂှ်ရ။ အေညအ်ဂှ် သၞာဲဒဴပရေၚ်ထတ်ယုက် (၇) တၠဂှ် စၟဳစၟတ်လဝ်တုဲ သဝ်ဝန် (၂) တၠဂှ် ဆဵုအာစၟယဲရ” သာ်ဝွံ ဂဥုပ်ရုၚ်ဂဥုဲဍုၚ်မတ်မလီု ဒံက်တာကျဝ်မျေအ် ဂးရ။
သဝ်ဝန်ဒးဒုၚ်ကၠောံယဲကဝ်ဝေဒ် (၂) တၠဂှ် ဒးဒုၚ်ကၠောံယဲ နူကဵုမၞိဟ်မၚ်ယဲ မဒှ်ကောန်ဗၠာဲ တၠယဲကဝ်ဝေဒ် နူကဵုအရာပ်ကုန်စက္ကာဲရောၚ် ဂွံတီကေတ်ရ။
နူကဵုဌာနလွဳပရာမၞိဟ်ယဲမ္ၚးဂှ် အ္စာသဝ်ဝန် (၂) တၠ ဆဵုအာစၟယဲဂှ်ရ ဌာနဂှ် ကၟာတ်လဒဵုလဝ် ဗွဲယာယဳရောၚ်။
ပ္ဍဲကဵုတွဵုရးဍုၚ်မန်ဂှ် မၞိဟ်ယဲကဝ်ဝေဒ် စဵုကဵု (၁၅၈) တၠ ဆဵုဂဗလဝ်စၟယဲရောၚ် ဌာနက္ဍိုက်ပ်ပရေၚ်ထတ်ယုက်တံ လလောၚ်လလောၚ်တြးလဝ်ရ။
0 Comments