အလန်ဏံဝွံ စပ်ကဵု “ရုၚ်ဂဥုဲပ္ဍဲကဵုဍုၚ်လ္ဂုၚ်တေံ အရၚ်ဂွံစွံမၞိဟ်ယဲကဝ်ဝေဒ် ဒၞာဲဟွံမွဲတုဲ ဒးစွံလဝ် လ္တူခုၚ်ဂဇအ်ဂှ်” ပရိုၚ်ဏံ ပရိုၚ်အလီမွဲပိုဒ်ရောၚ်။
ပရိုၚ်တိုန်မံၚ် ပ္ဍဲကဵုမုက်လိက်ပရေၚ်မၞိဟ် Facebook ဂှ် Page တံဂှ် Group တံ ဂကောံ ဍာံမံၚ် Vs ဟွံဍာံပုဟ်ဂှ် စၟဳစၟတ်ကဵုမံၚ်တၚ်နၚ်တံရ။
ပရိုၚ်ဏံဂှ် နူကဵုအကံက်မနွံယၟု Than Tun Aung ဂှ် ပ္တိုန်ကၠုၚ်လဝ်တုဲ “ဟစ်တိုၚ်- အွန်လိုၚ်း သတၚ်းဌာန” ဂှ် ကလေၚ်တြးပၠန်ရ။ ဌာန်ပရိုၚ်တြးပရိုၚ်ဏံဂှ်လေဝ် ကၠတ်ကူဆာဲပရိုၚ်ညးတၞဟ်တုဲ ဒုၚ်လဝ်ယၟု မဳဒဳယာမွဲကီုရ။
ပရိုၚ်တိုန်လဝ် ပ္ဍဲကဵုမုက်လိက် “ဟစ်တိုၚ် – အွန်လိုၚ်းသတၚ်းဌာန” ဂှ် မၞိဟ်ဍဵု Like and react လၟိဟ် (၁၃၀၀) ပြၚ်တုဲ မၞိဟ်ကလေၚ်ပါ်ပရအ် (890 Share) နွံရောၚ်။
မုဟိုတ်ပရိုၚ်ဏံ ပရိုၚ်အလီရောဂှ် မိက်ဂွံထံက်ထ္ၜးနကဵုသက်သဳရ။
ဒဒှ်ရ မၞိဟ်ယဲတံသွက်ဂွံမံၚ်ဒၞာဲဟွံမွဲကီု ဒးစွံလဝ်မၞိဟ်ယဲကဝ်ဝေဒ်တံ ပ္ဍဲကဵုခုၚ်ပလာတ်သတေတ်တံကီု အကာဲအရာသာ်ဝွံ နကဵုမုက်လိက် ဌာနပရေၚ်ထတ်ယုက်ကဵု ဝေၚ်ဇြဟတ်တံဂှ် ချူဓမံက်လဝ် ဟွံဆဵုဏီရ။
စပ်ကဵုကိစ္စဏံတုဲ ဌာနပရိုၚ်လုပ်သၞောဝ်တံလေဝ် နကဵုလၟေၚ်ကမၠောန်တၚ်နၚ်ပရိုၚ် ချူဓမံက် ပ္တိုန်ထ္ၜးလဝ်လေဝ် ဟွံဆဵုဏီရ။
ဗီုရုပ်ပြးမံၚ်လ္တူမုက်လိ်က်ပရေၚ်မၞိဟ်ဏံဂှ် ကၠာဟွံဂွံဖျေံဒၞာဲ ပ္ဍဲကဵုရုၚ်ဂဥုဲဆေၚ်စပ်တံဏီ အဃောမၚ်မံၚ်မွဲလစုတ်ရောၚ်ဂှ် အ္စာသဝ်မွဲတၠ ကေတ်မံၚ်လျိုၚ်ပ္ဍဲရုၚ်ဂဥုဲ ဥက္ကလာသၟဝ်ကျာဂှ် ချူသောၚ်ကလး ပ္ဍဲကဵု Facebook ကီုရ။
ညးစၞးကၠတ်ထဝ် ရးဒေသဇၞော် ပွိုၚ်ဍုၚ်ဥက္ကလာသၟဝ်ကျာ ဥုဇြဝ်လွေန်လေဝ် အတိုၚ်ညးသၟာန်သၟုက်လဝ် ညးတာလျိုၚ်ရုၚ်ဂဥုဲတံဂှ် အ္စာသဝ်ဝန်တံ ကလေၚ်ဟီုနၚ်လဝ် ပရိုၚ်အလီရောၚ်ဂှ် သ္ပဒတန်ဟီုဂးကၠုၚ်လဝ်ရ။
ဟိုတ်ဂှ်ရ ပရိုၚ်ဏံဂှ် ပရိုၚ်ဍာံဍာံဟွံသေၚ် ပရိုၚ်အလီမွဲပိုဒ်ရောၚ် မုက်လိက်စၟဳစၟတ်ပရိုၚ် “ဟုတ်တယ် Vs မဟုတ်ဘူး” ဓမံက်ထ္ၜးလဝ်ရ။
