စပ်ကဵုအကာဲအရာ ပရေၚ်ပံက်ဘာတုဲ သ္ပသၟာန်သွဟ်လဝ် နာဲရတ်ဂကူ (အ္စာဇြေ) ကမ္မတဳပရေၚ်ပညာကောန်ဂကူမန်

by | Jun 18, 2021 | ပရိုၚ်, သၟာန်သွဟ် | 0 comments

မိလတိုပ် ပတိုန်ထ္ၜးလဝ်ရ။

သၟာန် ။ ။ စိုပ်အခိၚ်ပံက်ဘာရတှေ် အကာဲအရာ ဘာကောန်ဂကူ ဗီုလဵုဖျေံလဝ် အစဳဇန်ပံက်ဘာ အ္စာလဴစကဵုညိ။
သွဟ် ။ ။ နကဵုဘာကောန်ဂကူမန်ဂှ် စိုပ်အခိၚ်တှေ် အစဳဇန်ပံက်ဘာဂှ် ပိုဲကၠောန်မံၚ်ရရ။ စနူဂိတုဂျောန် (၁) ဂှ်တှေ် စဒုၚ်တဲ ပံက်အာဘာဏောၚ်။ ဆဂး ဟိုတ်နူယဲကိုဝ်ဝေဒ်ဂှ် ဘာလ္ၚဵု ပံက်လ္ဇုဲနွံ၊ ဘာလ္ၚဵု ဟွံဒှ်ပံက်လဝ်နွံတုဲ ဨဘာတအ်ဂှ်ဂှ် ကဵုဗ္တောန်အာမံၚ် နဲကရတ်တုဲ ဂိတုဂျောန်အိုတ်ဏံဂှ် သွဟ်လိက်တုဲ စိုပ်ဂိတုဂျူလာၚ်တေံမ္ဂး ဆက်ပံက်အာပၠန်ဏောၚ်။
သၟာန် ။ ။ ဟိုတ်နူအကာဲအရာ ပရေၚ်ဍုၚ်ကွာန်တုဲတှေ် မိမကွးဘာလ္ၚဵု ဒှ်မံၚ်ဂဝိၚ် ဂွံပအပ်ဘာလေဝ်နွံ၊ ပ္ဍဲဘာကောန်ဂကူမန်ရော?
သွဟ် ။ ။ ဟိုတ်နူအကာဲအရာဲ ပရေၚ်ဍုၚ်ကွာန်က္တဵုဒှ်မံၚ် နစကတအ် ထိၚ်လဝ်အဝဵုတုဲတှေ် ဘာကောန်ဂကူမန်နွံ မံၚ် ပ္ဍဲတိဍာ်ဗော်ဍုၚ်မန်တၟိ အုပ်ဓုပ်လဝ်တအ်ဂှ်တှေ် အတိုၚ်ဗီုပြၚ်တြေံဂှ်ရ လၟေၚ်ဍာံပံက်အာဏောၚ် ဂိတုဂျောန်ဏံ စပံက်ဏောၚ်။
သၟာန် ။ ။ ဘာဗွိုၚ်တိဍာ်ဗော်ဍုၚ်မန်တၟိဂှ် ပံက်အာအတိုၚ်တြေံရောၚ်ဟီုတှေ် ဘာနွံဗွိုၚ်ပ္ဍဲဍုၚ်တံရော ဗီုလဵု ဆက်ပံက်အာနွံ။
သွဟ် ။ ။ ဘာနွံမံၚ်ဗွိုၚ်အလဵုအသဳဏံဏောၚ် ပလိုတ်ဍာံကာဂှ်လေဝ် အစဳဇန်ပိုဲ ပံက်အာနွံ၊ ဆဂး မိမညးဍုၚ်ကွာန်တအ် လ္ၚဵုဂွိၚ် ဒှ်ဓဝိၚ်နွံမံၚ် ပိုဲဂွံမိၚ်ကေတ်၊ ဨဂှ်ရ ပိုဲဒးမၚ်ရံၚ် အကာဲအရာ မွဲလစုတ်ခိုဟ်ဟာဟွံတီ ကသေအ်လဝ်ညးသ္ကအ်နွံလေဝ်၊ ဆဂး ဘာဂှ် ပိုဲပံက်ဏောၚ်၊ ဘာပံက်ဏောၚ်ဟီုဂှ် ဘာလ္ၚဵု ဒၞာဲဗၠးၜးမံၚ်ရဂှ်ဏောၚ်တှေ် ပံက်အာအတိုၚ်ဓမ္မတာဂှ်ရ။ ဘာလ္ၚဵုဒၞာဲခက်ခက်ခုဲခုဲနွံဂှ်တှေ် ဟွံပံက်ဏီဂှ်မွဲသာ် ပရေၚ်ဗ္တောန်လိက်ဂှ် ပိုဲကၠောန်အာဏောၚ်။ ပရေၚ်ဗ္တောန်လိက်ဂှ် ဗ္တောန်ပ္ဍဲသ္ၚိ ပဗီုဂှ်ကၠာ ပိုဲချပ်လဝ်ဗီုဂှ်နွံ။
သၟာန် ။ ။ မိမကွးဘာလ္ၚဵု ဟိုတ်နူပရေၚ်ဒှ်ဂဝိၚ်တုဲတှေ် လ္ၚဵု မိက်ဂွံကၠောံပြံၚ်ဘာကောန်ဂကူနွံ ယဝ်ပြံၚ်ကၠောံဘာ ကောန်ဂကူတှေ်ရော မုဗီုလဵုအ္စာတံဖျေံလဝ်ဗီုနွံ။
သွဟ် ။ ။ ယဝ်စွံဘာကောန်ဂကူဏောၚ်တှေ် ပိုဲကဵုလဝ်စၞောန်ကဵု အ္စာဘာမန်ပိုဲနွံမံၚ်ရ၊ ဘာဏံဂှ် ကောန်ၚာ်အဝဲမံၚ်ဘာဂှ် ဘာလဵုလေဝ် ပိုဲဟွံတးပဲါမံၚ်ရ၊ ကၠုၚ်နူဘာဗၟာ ကၠုၚ်မံၚ်ဘာမန်လေဝ် ဒုၚ်မံၚ်တဲရ၊ ဆဂး ဟၜတ်ပိုဲကဵုပိုဲဂှ် လၟိဟ်ၜိုတ်လဵု ဒုၚ်တဲထေက်ဂှ်တှေ် ဖျေံကေတ်သ္ဂုတ်သွာတ်ကေတ်တ်ရ ပိုဲဖျေံကဵုစၞောန်ဗီုဂှ်။
သၟာန် ။ ။ ပ္ဍဲအခိၚ်ပံက်ဘာဏံ မုအ္စာမိက်ဂွံဟီုဆဝ်မ္ၚုဟ်ကဵု မိမကွးဘာတံနွံကီု။
သွဟ် ။ ။ မိက်ဂွံဆဝ်မ္ၚုဟ်ကဵု မိမကွးဘာတအ်ဏောၚ်ဟီုတှေ် စွံဘာမန်ဂှ် လ္ပဒှ်ဓဝိၚ်ညိ၊ ပိုဲဖန်ဖက်လဝ်နွံမံၚ်ရ၊ ဒၞာဲအကာဲအရာဍေံဟွံကဵုဂှ်ဏောၚ်တှေ် ညံၚ်ဟွံဒးဒှ်ဓဝိၚ်တှေ် အ္စာၝောံပိုဲဗ္တောန်အာလိက် ပ္ဍဲသ္ၚိဏောၚ်၊ အကာဲ အရာခိုဟ်တှေ် အာဗ္တောန်ကေတ် ပ္ဍဲဘာပၠန်။ အေဂှ်ရ ကောန်ကွးဘာတအ် ပညာညံၚ်ဂွိုအ်ဆောံလေၚ်အာဂှ်တှေ် မိမကွးဘာတအ် စွံဘာအပ်ဘာကဵု ကောန်ၚာ်တအ်ညိ ကသေအ်ကၟဝ်ဏာရ။

Written by

Related Posts

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

ရန်ကဵု သ္ဂောံထ္ၜုတ်ပ္တန် တ္ရဲစၟတ်သမ္တီမန် မဆေင်စပ်ပရေင်တိဍာ် ကေုာံ အဂႅလကျှဏ်ဂကူမန် ဂးတုဲ နူကဵုဂကောံ ပြဝါတိဍာ်မန်တအ် ဗက်ကံက်ကေတ်မံင်လညာတ် အကြာညးဍုင်ကွာန်မန်တအ်နွံရ။

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.