မိလတိုပ်၊ မာတ် ၁၃၊ ၂၀၂၂

ဂိတုအေဗရဴ (၁၀) ဏံမ္ဂး သွက်ဂွံကၠောန်ဗဒှ်အာ အသေအဟာန် စၟတ်သမ္တီသဘၚ်ရတုထဝ် ဗွိုက်လ္တက်ကယျိုၚ်မန် (ပေၚ် ၅၀ သၞာံ) ပ္ဍဲသာန်ယှိုၚ်ဟဝ်တေဝ် ဍုၚ်မတ်မလီုရောၚ် ဂွံတီကေတ်ရ။
အသေအဟာန် စၟတ်သမ္တီသဘၚ်ရတုထဝ် ဗွိုက်လ္တက်ကယျိုၚ်မန်ဝွံ သီုကဵုထ္ၜးပျးအာ ဗွိုက်လ္တက်ကယျိုၚ်မန် ခေတ်အဆက်ဆက်နွံရ။
ပရေၚ်ဓမံက်ရုပ်ရဴ ဗွိုက်လ္တက်ကယျိုၚ်မန်ဝွံ ညးစပတံရေၚ်တၠုၚ်လဝ်တံဂှ် လၟုဟ်မ္ဂး စိုပ်ကၠုၚ်အဝဲတတိယ အိုတ်ရတုဲ လ္ၚဵုမ္ဂး စုတိအာလေဝ်နွံရ။ ပ္ဍဲတ္ၚဲပရဲ တ္ၚဲတၟေၚ်ကီု၊ ဗွိုက်လ္တက်ဒၟံၚ် လၟေၚ်ဇၟာပ်တ္ၚဲကီုရလေဝ် လက္ကရဴနူ သၞာံ (၁၉၇၁) တုဲ သၟတ်မန်တံဗွဲမဂၠိုၚ် မၞိဟ်တီဒဒှ်ဝၚ်ဏံ အောန်စှေ်ကၠုၚ်ရ။
ဗွိုက်လ္တက်ကောန်ဂကူမန်ဂှ် စတံနူ (၁၉၇၁) သၞာံ၊ ဂိတုအဝ်ဂါတ် (၂၁) တေံ ကမ္မတဳလိက်ပတ်ယေန်သၞာၚ်မန်လ္ဂုၚ် (ဂကောံကွးဘာတ္ကသဵုဂမၠိုၚ်) စဗၟံက်ရုပ်ရဴ စပ်ကဵုဗွိုက်လ္တက်ကယျိုၚ်မန်တုဲ သၞာံ (၂၀၂၁) ဂိတုအဝ်ဂါတ် (၂၁) ဂှ်မ္ဂး ဗွိုက်လ္တက်ကယျိုၚ်ကယျဝ်မန် (ခေတ်ပစ္စုပ္ပန်ဏံ) သ္ပဂွံဒတန် ပေၚ်ကၠုၚ် (၅၀) သၞာံရ။
ပရေၚ်ထ္ၜးပျး ဗွိုက်လ္တက်ကယျိုၚ်မန်ဝွံ ကာလေကၠာန်ဗဒှ်လဝ် စၟတ်သမ္တီပေၚ် (၄၀) သၞာံ၊ ဒစးဒုၚ် သဘၚ်ရတုထဝ်ဝွံ တုဲကၠုၚ် (၁၀) သၞာံ (၂၀၁၁) တေံလေဝ် ကေၚ်ကၠောန်လဝ် ပ္ဍဲကဵုယှိုဲမျေအ်မိုရ်ထောန် (ရေႊမြၚ့်မိုရ်ထွန်း) ဟဝ်တေဝ် ဍုၚ်မတ်မလီုနွံရ။
ဗွိုက်လ္တက်ကယျိုၚ်ယေန်သၞာၚ်မန်ဝွံ ဒုၚ်သ္ဇိုၚ်ကဵု ကေတ်အဆက်အဆက်တေံတုဲ စတံနူသၞာံ (၁၉၇၁) ဂှ် ရုဲစှ်သ္ပကၠုၚ်ဒတန်ရ။ ပ္ဍဲသၞာံ (၂၀၂၁) ဂိတုသေပ်တေမ်ဗာ (၁၁) တုဲကၠုၚ်ဂှ် ပေၚ်ကၠုၚ် ပွိုၚ် (၅၀) သၞာံတုဲ စိုပ်ကၠုၚ် သဘၚ်ရတုထဝ်ရ။