၁၃၈၆ သၞာံ၊ ဂိတုဖဝ်ရဂိုန်အိုတ် (28.3.2025) အခိင်ဒေါဝ်တ္ၚဲ (၁၂း၅၀) နာဍဳဂှ် တိချဳ M 7.7 ပ္ဍဲဒေသသဂါင်၊ မန္တလေဝ် မၞုံလဒေါဝ်ၝောံဍုင်ဗၟာတုဲ မပတံကျာ်စေတဳ၊ ဘုတ်၊ ဘာ၊ ရုင်၊ သ္ၚိဌာန်၊ ဒဒန်၊ ဂၠံင်ဍာန်ဂမၠိုင် လီုလာ်အာတုဲ သင်ပဝ်၊ မၞိဟ်ချိုတ်၊ ဒးဂွဵုဂွိုက် လၟိဟ်ဂၠိုင်ကဵုလ္ၚီရ။ ခေတ်ဏံ ဒှ်ဒၟံင်ခေတ်လပှ်ကျာ အေန်တာနေတ်တုဲ ဗီုရုပ်မၞိဟ်တံ ဒှ်မံင်ဒဒိုက် ဘဲဒဏ်သဘာဝ အလန်ဏံဂှ် မွဲဒမြိပ်ဓဝ် ပြးအလုံလိုက်မွဲရ။

စပ္တံနူဂိတုမာတ်မံက်ဏံတုဲ ဒပ်ဗၠာဲသၟိင်ထိင်ဒဝ်ကောပ်ကာဲကွဳစက်ယာန် (ယာဉ်ထိန်းရဲ) တံ ပတေင်ဂရတ်ပတိုန် ပရေင်စၟဳစၟတ် ရပ်ကွဳစက်၊ ကွဳလိုန်ဓာတ်တုဲ တပ်မံင်ဒန်ဩန်ဂှ် ဒှ်အစဳ ဇန် သွက်ဂွံဂၠာဲဗပေင်ကောန်ပၞာန် နဲတၟိမွဲပၠန်ရောင် ပရိုင်ကြပ်ကဵု ညးတာလျိုင်ဗၠာဲသၟိင် ဍုင်မတ်မလီုမွဲတၠဂှ် ဟီုလဴထ္ၜးရ။

ဂကောံဒက်မိတ်ကောန်ဂကူမန်(သဟာဲမန်) ဖျေံသ္ဇိုၚ် ဍုၚ်သေၚ်ကာပေါဝ်ဝွံ ရန်ကဵုဂွံဒှ်အထံက်အရီု သွက်ပရေၚ်ပညာမန် ဂွံဇၞော်မောဝ်အာ ပ္ဍဲအနာဂတ်ဂတတေံမာန်တုဲ ကဵုအာလာပ်ပညာ (scholarship) ကုကွးဘာကဝ်လိက်ကောန်ဂကူမန်တံနွံရောၚ်ဂှ် ဂွံတီကေတ်လဝ်ရ။