က္ဍိုပ်သ္ကိုပ်ဂကူမန် ညောန်အောန်ကၠုၚ်ရဟာ

by | Oct 11, 2018 | ဂလာန်ညးဒါန်လိက်, ပရိုၚ် | 0 comments

ဥက္ကဌဇၞော် နာဲၚိုဲတိၚ်၊ ဒှ်ဥက္ကဌ ဗော်ကောန်ဂကူမန် လက္ကရဴအိုတ် စုတိအာ ပ္ဍဲကဵုစၟတ်တ္ၚဲ (၂) ဂိတုအံက်တဝ်ပါ သၞာံ (၂၀၁၈) ဏံတုဲ က္ဍိုပ်သ္ကိုပ်ဂကူမန် ဂတာပ်လ္ပာ်ခေတ်ဗၠးၜး နူလက်ထက်အၚ်္ဂလိက် စဵုကဵုလက်ထက်ခေတ်ဒဳမဝ်ကရေဇြဳ သ္ကုတ်လပါ်အဏံဂှ်တှေ် ညးဂှ် ဒှ်က္ဍိုပ်သ္ကိုပ်လက္ကရဴအိုတ်မွဲရောၚ်။ က္ဍိုပ်သ္ကိုပ်ကလိလောန်အာတုဲတုဲတံ နွံတဴဗွဲမဂၠိုၚ် မပတံကဵု နာဲတိၚ်မိုၚ်၊ နာဲထောန်တိၚ် တံဂှ် ဒှ်က္ဍိုပ်သ္ကိုပ်ဝှ်ကြံၚ် ဆဂး ပြဟ်လလုဲအာတုဲကီုရောၚ်။

တုပ်တဴညံၚ်ရဴ ပၞာန်အပ္ဍဲဍုၚ်ကီု က္ဍိုပ်သ္ကိုပ်မန် ပ္ဍဲကဵုတိဍာ်ပၠန်ဂတး ပ္ဍဲဗော်ဍုၚ်မန်တၟိလေဝ် ညးစုတိအာ ဗွဲမဂၠိုၚ်တုဲဒှ်ရောၚ်။ ဥက္ကဌဇၞော် နာဲယှုဲိကျေန်၊ နာဲနလ္လာ၊ နာဲထေန်တံဂှ် ဒှ်ညးဂတာပ်ခေတ်လ္ပာ်အတေံတုဲ ဘဝညးတံ အတိ်ုၚ်မွဲဘဝဂှ် ဓလိုက်လဝ် ပ္ဍဲကဵုတိဍာ်ပၠန်ဂတးတုဲ ဒုၚ်ဒဒိုက်တဝ်စၞေဟ်ကၠုၚ်သၞတုဲ အာတ်မိက်ကၠုၚ် သွက်ပရေၚ်ဗၠးၜးရ။ က္ဍိုပ်သ္ကိုပ်သ္ကုတ်လက္ကရဴ ညးတံညိ ပြဟ်ဂလုဲအာဂှ် နာဲရဿ မဒှ်ရ။
က္ဍိုပ်သ္ကိုပ်တြေံ (၃)တၠ

က္ဍိုပ်သ္ကိုပ်ဂကူပိုဲ အပ္ဍဲဍုၚ်ကီု၊ က္ဍိုပ်သ္ကိုပ်ပၠန်ဂတးကီုတံဂှ် စိုတ်ဓာတ်ညးတံ တုပ်သၟဟ်မံၚ်ရ၊ စိုတ်ဓာတ်ညးတံ ကြံၚ်မ္ၚိုဟ်ညံၚ်ရဴပသဲက္ဍိုၚ်ကီုရ။ က္ဍိုပ်သ္ကိုပ်အပ္ဍဲဍုၚ်တံဂှ် ဟွံဖေက်ထံၚ် ဟွံဖေက်ချိုတ်ရ။ အခိၚ်အလဵု သၟိၚ်ပၞာန်တံ ကၠုၚ်ၚ် ကၠုၚ်ရပ်ရောၚ် ဒှ်တှေ် ညးတံ ဗက်အာကီုရ။ အာစာဇၞော် နာဲထောန်တိၚ်မ္ဂး အခိၚ်တေံ ကေၚ်မိၚ်လဝ် သီုကဵုပလေဝ်လဝ် ယာတ်စာ်ကီုတုဲ အခိၚ်ဒးစိုတ် ကော်ညးတံ ညးတံ ဗက်အာကီုရ။ သတ္တိစိုတ်ဓာတ်ညးတံ အိုဟ်တဴဗွဲမလောန်ရ။ တုပ်တဴညံၚ်ရဴ သာ်ဂှ်တုဲ ၜိုန်ရ ဒပ်ပၞာန်ဗၟာတံ ဗတိုက်ထပက်လုပ်ကၠုၚ် ပ္ဍဲကဵုတိဍာ်မန် နကဵုဒြဟတ်ပၞာန် ဇၞော်ကဵုဒြဟတ် ဒးစုက်လုက်ကၠုၚ်ကဵု လမျီု ဂၠိုၚ်ကဵုသာ်ကီုလေဝ် က္ဍိုပ်သ္ကိုပ်မန်တံ ဟွံယှအ်ဇဲ ဒုၚ်ခဳလဝ် ပရေၚ်ပၠန်ဂတးညးတံဂှ် ပၠန်ဂတးမန်ဂှ် ဟွံယောၚ်ယာအာ ပေၚ်အာ လၟိဟ် (၆၀) သၞာံပြၚ်ကီုတုဲ လက္ကရဴအိုတ် စဵုကဵုအလဵုအသဳဗၟာကဵု ဒပ်ပၞာန်ဗၟာတံ ဒးတက်ကျာ နွံကီုရ။

က္ဍိုပ်သ္ကိုပ်မန်ပိုဲအခိၚ်တေံ စပတံနူကဵု နာဲၚိုဲတိၚ်၊ နာဲယှိုဲကျေန်တံဂှ် သြဇာညးတံ နွံဆဗၞတ် ပ္ဍဲကဵုဂကူပိုဲတံသၟး ဟွံသေၚ်၊ ဂကူကောန်ဍုၚ်အရေၚ်တၞဟ်ဟ်တံလေဝ် ကဵုက္ဍိုပ်ကဵုညးတံပေၚ်ၚ်ရောၚ်။ နာဲၚိုဲတိ်ၚ်ဂှ် ဒှ်က္ဍိုပ်သ ္ကိုပ် ဂကောံကောန်ဍုၚ်အရေၚ် UNLD လတုဲ လက္ကရဴဏံ ဒှ်က္ဍိုပ်သ္ကိုပ် UNA တုဲ ပၠကၠုၚ်တရဴ ကုကောန်ဍုၚ်အရေၚ်တံရ။ နာဲယှိုဲကျေန်ဝွံ ဒှ်ဥက္ကဌ ဂကောံဒပ်ပံၚ်ကောံ NDF ကေုာံ DAB တံတုဲ ပၠကၠုၚ်တရဴ သွက်ပၠန်ဂတးရပ်လွဟ် ဒပ်ပံၚ်ကောံရ။

တ္ၚဲဏံ ပ္ဍဲကဵုဂကူမန်ပိုဲ မ္ၚးနူကဵု ဥက္ကဌကဵု ဒုဥက္ကဌဗော်ဍုၚ်မန်တၟိ နာဲထဝ်မန်ကဵု နာဲဟံသာတံတုဲ ညးမအာဂတ ပၠတရဴကောန်ဍုၚ်အရေၚ်တံ မာန်ဂှ် အောန်တဴကွေံရ။ လၟေၚ်စၠောံပၞး က္ဍိုပ်သ္ကိုပ်တံဂှ် ယောၚ်ယာမံၚ်ရောၚ်။ အဓိက အပ္ဍဲဍုၚ်မ္ဂး က္ဍိုပ်သ္ကိုပ်ပ္ဍဲကဵုဗွိုၚ်ဇကုဂှ် နွံဆဗၞတ်ထေက်ကြိုက်ကီုလေဝ် က္ဍိုပ်သ္ကိုပ်အလုံဂကူ ဂွံပၠတရဴ အလုံကောန်ဍုၚ်အရေၚ်ဂှ် အောန်ရ။ က္ဍိုပ်သ္ကိုပ်တၟိတၟိ နွံကဵုဍာ်ဒကေဝ်တံ အောန်တဴမံၚ်ရောၚ်။ မွဲသာ်ပၠန်ဂှ် ပရေၚ်ဒတောဲကဝါ် ညးသၟတ်တံ ဂွံဒှ်တိုန် က္ဍိုပ်သ္ကိုပ်ဂှ် အောန်တဴကွေံရောၚ်။

သၟတ်တံ အခိၚ်တ္ၚဲဏံပၠန်လေဝ် ပၟိက်နွံ သွက်ဂွံကၠောန်ပရေၚ်ဍုၚ်ကွာန်ဂှ်လေဝ် အောန်တဴဗွဲမလောန်ရောၚ်။ သၟတ်တံ စိုတ်လုပ်စပရေၚ်ဍုၚ်ကွာန် အောန်တဴဂှ် ဟိုတ်ဍေံ နွံညိညရ။ မွဲအခိၚ်တေံ ပ္ဍဲကဵုလက်ထက် သၟဝ်တၠအဝဵုပၞာန်ဂှ်မ္ဂး ကၠောန်ပရေၚ်ဍုၚ်ကွာန်ဂှ် အန္တရာဲဇၞော်တဴဗွဲမလောန်တုဲ ညးကၠောန်ပရေၚ်ဍုၚ်ကွာန်ဂှ် အောန်ရ။ လတုဲ လက္ကရဴဏံ သၟတ်တံ ညာတ်ကေတ် ဗော်ပရေၚ်ဍုၚ်ကွာန်ကီု သၟာပရေၚ်ဍုၚ်ကွာန်တံကီု ဒြဟတ်ပရေၚ်ညဳသၟဟ် အောန်တဴတုဲ သၟတ်တံ ဟွံမိက်သၠေက်အာ ပ္ဍဲကဵုအကြာညးတံကီုရ။
တ္ၚဲဏံ စိုပ်အခိၚ် ဒးက္လေၚ်ဝဳၜံၚ်ပတိုန် က္ဍိုပ်သ္ကိုပ်ပၠန်ရောၚ်။ အခိၚ်ခိုဟ်လေဝ် ဟီုစဂွံရောၚ်။

တ္ၚဲဏံ အတိုၚ်အလုံကောန်ဂကူမွဲ ဒြဟတ်ဗော် (၃) ဗော်တံ ပံၚ်ကောံညးသကအ်တုဲရောၚ်။ ကၠောန်ပရေၚ်ဍုၚ်ကွာန် အခိၚ်တ္ၚဲဏံဂှ် ဟွံဒှ်ဒဝိၚ် ဗီုကဵုအခိၚ်ကၠာကၠာတေံရောၚ်။ ဟိုတ်ဂှ်ရ ပ္ဍဲကဵုဗော်မန်ဏံ သၟတ်မန်တံ သွက်ဂွံလုပ်ကၠုၚ်ဂှ် ဒးပံက်ကဵုပၞော်ရောၚ်၊ ဒးဆက်လွဳၜံၚ်ကဵု ဒတောဝ်တၞောဝ်တၟိတုဲ သၟာပရေၚ်ဍုၚ်ကွာန်မန်တံ သွက်ဂွံဗိုၚ်ပၠတရဴ ကုကောန်ဍုၚ်အရေၚ်တံဂှ် ပၟိက်ဇၞော်တဴ ဗွဲမလောန်ရောၚ် ပတိုန်ထ္ၜးဏာရအဴ။

Written by

Related Posts

သၠုင်ပ္တိုန်လဝ်ဩန်ဂိတုကီုလေဝ် ဂၠာဲသၞာဲဒဴဝါတ်တုဲ ကမၠောန်ဒှ်ခက်ခုဲ

သၠုင်ပ္တိုန်လဝ်ဩန်ဂိတုကီုလေဝ် ဂၠာဲသၞာဲဒဴဝါတ်တုဲ ကမၠောန်ဒှ်ခက်ခုဲ

အပ္ဍဲကဵုကာလ အကာဲအရာ ပရေင်ဍုင်ကွာန်ရုသံင် ပေဲါပၞာန်ကတဵုဒှ်ဒၟံၚ်ဇဳဒိုဟ်ဏံဂှ် သၠုင်ပ္တိုန်လဝ်သြန်ဂိတုကီုလေဝ် ဂၠာဲသၞာဲဒဴဝါတ်တုဲ တၠကမၠောန်ပြင်ပလံင်ဩန် နကဵုမိုဝ်ဗာင် ဒေသလ္ရဵုတံ ဒှ်မံင်ခက်ခုဲနွံရောင် တၠကမၠောန်မွဲတၠဂှ် ဟီုရ။

ဂၠံင်ဇၞော်ရေဝ်-ဇြပ်ဗု ပေါဲဗတိုက်ကတဵုဒှ်မံင်တုဲ ညးဍုင်ကွာန်တံ အာကၠုင်စွံသတိ

ဂၠံင်ဇၞော်ရေဝ်-ဇြပ်ဗု ပေါဲဗတိုက်ကတဵုဒှ်မံင်တုဲ ညးဍုင်ကွာန်တံ အာကၠုင်စွံသတိ

စနူအခိင်လိုက်ဝှ်ဏံတုဲ ဂၠံၚ်ဇၞော်ရေဝ်-ဇြပ်ဗု မွဲဒမြိပ်ဂှ် ပေါဲဗတိုက်ညိင်သ္ရိတ်ကၠုင်မံၚ်ဗွဲမလအ်လဂှ် တ္ရဲဏံ (ဒဳဇြေမ်ဗာ ၁၇) အခိင်နူဂယးပြဟ်ဏံ ကရပ်ကွာန်တၟိ တၟံကၞေင်ဂှ် ပေါဲဗတိုက်ကလေင်စဒှ်ပၠန်တုဲ ညးဍုင်ကွာန်တံ အာကၠုင် စွံသတိညိ ညးဒေသမွဲတၠ ဟီုရ။

ပဟေဠိ ဍာ်တၞး ကော် တၞးဘိၚ် (ၜါဲကထမ်)

ပဟေဠိ ဍာ်တၞး ကော် တၞးဘိၚ် (ၜါဲကထမ်)

တုဲကၠုၚ်မွဲၜါတ္ရဲဏံ နူကဵုရုၚ်ကုမ္မဏဳ ဍာ်ခေါ် (Coca Cola) (ဍာ်ဍာတ်ဍာတ်) တံ ကဵုကၠုၚ်ပရိုၚ် ကုတၠဆေၚ်ဖျာဂမၠိုၚ် အကြာဏံ ဍာ်ခေါ်သွက်ဂွံပိုတ်အာ မွဲချိုန်ခဏနွံရောၚ် နူကဵုညးစၞးရုၚ်ကုမ္မဏဳဍာ်ခေါ်ဂှ် ဒစးဒုၚ်လဴကဵုလဝ်ပရိုၚ် ကဵုတၠဆေၚ်ဖျာ မၞုံလ္တူဍုၚ်၊ အကြာကွာန် အရာပ်တံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.