ညးစၞးကၠတ်ထဝ်တံ အာတ်မိက်တုဲ ကၠောန်ဗဒှ်ကောံဓရီုကၠတ်ထဝ် အလန်ဒုတိယရောၚ်

by ဌာန်ပရိုၚ်ဗၠးၜးမန် | May 26, 2016 | ပရိုၚ် | 0 comments

ကၠတ်ထဝ်တွဵုရးဍုၚ်မန်အလန်ဒုတိယ ကောံဓရီုလၟေၚ် ပထမတုဲဒှ်အာလဝ် ဂွံဗၞတ်ပွိုၚ် (၃) ဂိတုဂှ် ညးစၞးကၠတ်ထဝ် တံ အာတ်မိက်စိုပ်ကၠုၚ်တုဲ ကၠောန်ဗဒှ်အာကောံဓရီုကၠတ်ထဝ် လၟေၚ်ဒုတိယရောၚ် ဒု-ဥက္ကဋ္ဌကၠတ်ထဝ်တွဵုရး ဒံက် တာအံၚ်နာၚ်ဥု ဟီုရ။

ရုၚ်ကၠတ်ထဝ်တွဵုရးဍုၚ်မန် (MNA)

“ဂွံဒှ်ကော်ကၠတ်ထဝ်ဏံဂှ်လေဝ် ဟိုတ်နူညးစၞးကၠတ်ထဝ် ၜိုတ် (၈)တၠ ထပက်စၟတ်တဲတုဲ အာတ်မိတ်ကၠုၚ်တုဲ ဒှ် ကော်အာ” သာ်ဝွံ ဒံက်တာအံၚ်နာၚ်ဥု ဟီုရ။

ကၠတ်ထဝ်တွဵုရး ကောံဓရီုအလန်ဒုတိယဝွံ သွက်ဂွံကၠောန်ဗဒှ်အာ ပ္ဍဲဂိတုဂျောန် (၂) ဂှ် နွံတုဲ နူကဵုညးစၞးကၠတ် ထဝ်တအ် သွက်ဂွံပတိုန်ဂလာန်နွံဒၟံၚ် (၅) တၚ် ကေုာံ တၚ်သၟာန်နွံ(၁၈)တၚ်ယျရောၚ် ညးဆက်ဟီုရ။

ညးစၞးကၠတ်ထဝ်ဍုၚ်ရေဝ် ဆန္ဒမာဲလၟိဟ် (၁) ဒံက်တာမေန်သိုဝ်လေန်ဂှ် “အဲတှေ် စပ်ကဵု (မွန်ပြည်နယ်စည်ပၚ် သာယာရေးအဖွဲ႕) တအ် ဗီုလဵုရေၚ်တၠုၚ်မံၚ်ဂှ်မွဲ ညအ်ဂှ်တၚ်သၟာန်မွဲ ၊ ဂလာန် (အဆို) ဂှ်မွဲ အဲရန်လဝ် ၜါဏံ” သာ်ဝွံ ညးဟီုရ။

ဂလာန်ဗတိုက်ဖအောဝ်အလဵုအသဳတွဵုရးဍုၚ်မန် ဓာတ်ပၟတ်လလဳပွိုၚ်ဍုၚ်ရေဝ် ညံၚ်ဂွံဂွံအာ ပြဟ်ပြဟ်မာန်ဂှ် ညးပ တိုန်အာ ပ္ဍဲကၠတ်ထဝ်ဏံရောၚ် ညးလဴထ္ၜးရ။

စပ်ကဵုပၟတ်ဓာတ်လလဳဂှ် ပ္ဍဲပွိုၚ်ဍုၚ်တ္ကအ်ခၟိုၚ်လေဝ် ပြသၞာစပ်ကဵုပၟတ်ဒှ်ကၠုၚ်မွဲမွဲသာ်မ္ဂး ပရေၚ်ကေတ်တာလျိုၚ်ကီု ညးဂှ်ဒးပသောၚ်ကဵုပြသၞာတံကီု၊ ဂွံချူလိက်တေၚ်ကုညးလဵုရောဂှ် သၟာန်အာ ပ္ဍဲကၠတ်ထဝ်ကီုရောၚ် ညးစၞးကၠတ် ထဝ် တ္ကအ်ခၟိုၚ် ဆန္ဒမာဲလၟိဟ်(၂) ဒဝ်ကျဳကျဳမျ ဟီုကဵုသၞံၚ်တိုၚ်ရ။

ဒဝ်ကျဳကျဳမျဂှ် “အရၚ်ဂွံသၟာန်စပ်ကဵုပြသၞာပၟတ်တ္ကအ်ခၟိုၚ်ဏံနွံမံၚ်၊ လၟုဟ်ဂှ် ဒှ်မံၚ်ပရေၚ်ကေတ်တာလျိုၚ် ဟွံမွဲပုဟ်၊ အဲပလေဝ်လဝ်သၟာန်သၟးရ၊ သၟာန်ဍေံ ဣဏံမွဲရ” သာ်ဝွံ ညးဟီုရ။

ပ္ဍဲလက်ထက်အလဵုသဳတၟိဏံ ကၠတ်ထဝ်တွဵုရးမန်အလန်ဒုတိယ ကောံဓရီုအလန်ပထမဂှ် တုဲကၠုၚ်ပ္ဍဲဂိတုမတ်တေံ ကၠောန်လဝ် ပွိုၚ်(၆)တ္ၚဲနွံတုဲ ကၠတ်ထဝ်တွဵုရးမန်အလန်ဒုတိယ ကောံဓရီုအလန်ဒုတိယဏံ ကၠောန်အာပွိုၚ် (၂)တ္ၚဲ ရောၚ် ဂွံတီကေတ်ရ။

← လိက်တၟံ (မြစေတီ) ဂှ် ဒးဒုၚ်စၟတ်သမ္တီပါလုပ်စရၚ်ဂၠးကဝ်တုဲ လိက်ပတ်မန်တဴတက်တိုန်ရောၚ် ဂကောံသုတေသန ဝၚ်မန်တံ ဟီု ရမျာၚ် စံၚ်ပ္တိတ်ထောံသၟုဟ်ဓါတ်နူကဵုပၠံၚ်ဂှ် ညးကွာန်တံ ဖေက်လကိုတ် →

Written by

More Posts by

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.