မၞိဟ်မွဲမွဲ နူစအဝဲမံၚ်ဘာ စဵုကဵုစိုပ်အဝဲမၞိဟ်လဒေါဝ် သ္ဂောံနွံကဵုလညာတ် သမ္တီ ပညာ နာနာသာ်မာန်ဂှ် မ္ဒးလ္ၚတ် မ္ဒးဆိုက်ပဒက်ကဵု ပွမဗှ်လိက်ရ။ ပွမဗှ်လိက်ဟေၚ် သွက်အံၚ်ဇၞးဘဝဇကု သ္ဂောံစိုပ်အာ ဂၠံင်တရဴ မဍာံပြမာန်ရ။ သ္အာင်နူဂှ်ပၠန် ပွမဗှ်လိက်ဂှ် ဖန်ဗဒှ်ကဵု ပရေင်ယဝီုကောန်တၟံ မြက်နူပကတိဂှ်လေဝ် သ္ဂောံသိင်အောန်စှ်ေအာကီု သီုကဵုပရေင်ဖျုန်လတေင်ကောန်ကၞိ မကြံင်မ္ၚိုဟ်မံင်တံဂှ် သာဍိုန်စှ်ေတုဲ ဖဍိုက်ဗပေင်ကဵုပရေင်ရုပ်သာ် သွက်သ္ဂောံဍိုက်ပေင် ကျေဝ်ဆာဲကၠုင်ရ။

ၚုဟ်ထဝ်သွက်ဂွံတိုန်ဂှ် ဂၠံင်ဟွံမွဲ နူကဵုဥက္ကဌဂကောံတၠကမၠောန်ထဝ်လ္ဂုင် ဥူမျိုဝ်မျေအ် ဟီုကီုလေဝ် ၚုဟ်ထဝ် မ္ၚးဏံနတဲဍာံဍာံဂှ် တိုန်ဒှ်မံင် လျိုၚ်မွဲဒ္ကေဝ် စဵုကဵု ၆၀ ကိုဋ်ပြၚ်ရောင် ဂွံတီကေတ်ရ။

လက္ကရဴနူသၞာံ ၁၉၉၅ သွက်ဂွံတက်ကျာသဳကၠဳ ဒက်ပ္တန်အာဇြဟတ်ပရေင်ပညာ၊ ပရေင်ပိုန်ဒြပ်၊ ပရေင်ထတ်ယုက်တုဲ ဗော်ဍုၚ်မန်တၟိ ဒေါံကၠုင်ပန်ပှော်ကဵု တၠအဝဵုပၞာန်ဗမာတအ်ရ။ နူဗော်ဍုၚ်မန်တၟိ ဒေါံကၠုၚ်ပန်ပှော်တုဲဗက် စပ္တံနူရုင်ဆက်ဆောံဗော်ဍုၚ်မန်တၟိ၊ ရုင်ပိုန်ဒြပ်ဗော်ဍုၚ်မန်တၟိကီု အာစိုပ်ဖျေံကၠုင် လ္တူဍုင်ဇၞော်ဗီုကဵုဍုင် လ္ဂုၚ်၊ မတ်မလီုတအ်တုဲ နူဂှ်မွဲအဆံၚ် ကၠောန်ကၠုင်ပေါဲဆဵုဂဗ သောင်ကလး ကုညးဍုင်ကွာန် လ္တူဂၠံင်တရဴဗော်တအ်ရ။ ဟီုဍန်ဍန်မ္ဂး စနူတ္ၚဲဝွံတုဲ အခေါၚ်အရာဂကူမန် ၜိုတ်ကေတ်ဂွံ ၜိုတ်ကၠောန်ဂွံဂှ် ကၠောန်အာကေတ်အာရောင် ပ္တဝ်ကၠုၚ်က္ဍိုပ်ရ။