Eng
ဗမာ
အ္စာသဝ်နာဲစောန်တၟးဂှ် “ဗော်ဍုၚ်မန်တၟိဂှ် စပ်ကဵုဂဥုဲၜူမာဲတုဲ ဗတိုက်သရိုဟ်၊ ရပ်မံၚ်ဏောၚ်။ ပိုဲတံ ဒးစိုတ်မံၚ်ကွေံကွေံရ။ ပ္ဍဲကဵုဍုၚ်ပိုဲလေဝ် အနာဂတ်တေံ ဒှ်ကၠုၚ်ကၟိန်ဍုၚ်ဖေဝ်ဒရေဝ်ဏောၚ်။ အခိၚ်ဂှ်တှ်ေ သၟတ်ပိုဲတံ စောဲလာံမံၚ်ကဵုဂဥုဲၜူမာဲတှ်ေ အနာဂတ်တေံ ခိုဟ်ဟွံမာန်ပုဟ်။ သွက်ဂွံခိုဟ်စ အဓာန်ဂတဂှ်ရ ပိုဲကၠုၚ်ကဵုဒါန်လၟုဟ်ဏံ” သာ်ဝွံ ညးဟီုရ။
“ရဲဂွံကၠောန်ပရေၚ်ပိုန်ဂြပ်တုဲ ရာန်ကေတ် ကၠအ်သ္ၚိၚုဟ် ကဵုဠက်ကိုဋ်ဂှ် ဍေံအောန်ကွေံကွေံရ၊ ၚုဟ်အကြာ(၁၀၀)ကဵု (၁၅၀)ဂှ်ရ မၞိဟ်ရာန်နွံညိညိ၊ တုဲပၠန်ဂၠံၚ်ဍာန်လေဝ်ဍေံကၟာတ်လဝ်တှ်ေ ကဵုရဲဒေသတံကီု ရဲလ္ဂုၚ်ကီုတှ်ေ ပရေၚ်သွံရာန်ဂှ်ဍေံဟွံဒှ်” သာ်ဝွံ နာဲထောန်လောန်ဟီုရ။
ကြဴနူကဵုပေဲါရုဲမာဲတုဲ မၞိဟ်ယဲကဝ်ဝေဒ် ပ္ဍဲကဵုတွဵုရးဍုၚ်မန်ဂှ် ဂၠိုၚ်တိုန်ကၠုၚ်မံၚ်တုဲ ပ္ဍဲကဵုဂိတုနဝ်ဝေမ်ဗာမွဲဂိတုဂှ် ၜိုတ် (၆၀၀) တၠကဵု ပ္ဍဲကဵုဂိတုဒဳဇြေမ်ဗာဏံ (၁၀၀၀) တၠပြၚ် ယဲမံက်ကၠုၚ်လဝ်ရောၚ် ဂွံတီကေတ်ရ။