မုက်လိက်ပရေင်မၞိဟ် မဆက်စပ်ဒၟံင်ကဵု ကမ္ပဏဳဒပ်ပၞာန်ဗၟာ Mytel လၟိဟ်ၜိုတ် (၁၀၀၀) အကံက်ပြင်တအ်ဂှ် နူကဵု Facebook ကၟာတ်ပလီုထောံလဝ်နွံရောင် တ္ရဲဏအ် (ဂျာန္နဝါရဳ ၉) ဂကောံ Justice For Myanmar (JFM) လလောင်ပ္တိတ်ပရိုင်ရ။

ကိစ္စမလလောင်တြးလဝ် ဒက်ပ္တန်ကၟိန်ဍုင်ကဝ်ဒူလေဝ်ဂှ် ဟွံကိတ်ညဳကဵု ဒဒှ်ပကတိရုပ်ဂမၠိုင်တုဲ သီုဟွံဒှ်အထံက်အရီုကဵု တိုင်ပ္ကဴရန်တၟအ် ပၠန်ဂတးကောန်ဂကူကရေင်တအ်ရောင် ဂိတုဂျာန္နဝါရဳ စၟတ်တ္ရဲ ၈ ဂှ် ဗော်သွးကောန်ဂကူကရေင် KUN ဟီုဓမံက်ကၠုင် နကဵုလိက်လလောင်တြးရ။

ကွဳလိုန်ဓာတ်တိတ်နူဍုၚ်ကြုက်ဂှ် ပံက်ကဵုလဝ်အခေါၚ်ကၠောန်လာၚ်ဇြေန်တုဲ ၚုဟ်မးသက်သာနူကွဳလိုန်ဓာတ်သေံ ကဝက်ပြၚ်လေဝ် သွံရာန်ဟွံလောဲနူကွဳလိုန်ဓာတ်သေံရောၚ် တၠဆေၚ်သွံရာန်တအ် ဟီုရ။

သွက်ညးဒေသရေဝ်တအ် သ္ဂောံစုတ်မာဲ ပ္ဍဲပေါဲရုဲမာဲသကုတ် (၂) ဂှ် သှ်ေဒၟံင်(၃)တ္ၚဲဏီရ။ ၜိုန်ဒှ်သာ်ဂှ်ကီုလေဝ် ညးဂှ်မလုပ်ပြိုင်ရုဲမာဲဂှ် စဵုကဵုလၟုဟ် (ဂျာန္နဝါရဳ ၉ ဏအ်) ဟွံဆဵုမုက်မတ် ညးစၞးမလုပ်ပြိုင် ပ္ဍဲပေါဲရုဲမာဲတအ်ဏီရ။ ပေါဲရုဲမာဲ မဒုင်ယၟု “ပေါဲရုဲမာဲသၞောတ်ဒဳမဵုကရေဇြဳဗော်ဇဳ မၞုံကဵုသၠးပွးဓဝ်ယာ” ဗီုဗီုဏအ်ဂှ် ပ္ဍဲဂၠးတိဏအ် နွံဆပေါဲရုဲမာဲ ကဝ်မယှေန်ပၞာန်ဗၟာဏအ် မွဲဟေင်ရောင် ခယျကေတ်ရ။

ပ္ဍဲကၟိန်ဍုၚ်ဗၟာဝွံ ဟိုတ်နူရုၚ်ကလုတ်ဍုၚ်သၟာၚ်တအ် မွဲဍုၚ်တုဲမွဲဍုၚ် နုက်တိတ်ကၠုၚ်ဒၟံၚ်ဂှ်တုဲ စပ်ကဵုပရေၚ်ရီုဗၚ်မၞိဟ်ကီု ပရေၚ်ရီုဗၚ်ထံက်သွာၚ်နာနာတအ်လေဝ် ဒးဇီုကပိုက်ကၠုၚ်မံၚ်နွံရောၚ် ဂကောံချဳဒရာၚ် ဂွံလဝ်အရီုဗၚ်နူရုၚ်ကလုတ်အမေရိကာန် ပ္ဍဲဍုၚ်မန်မွဲတၠ ဟီုလဴထ္ၜးရ။

တုဲကၠုၚ်ဒဳဇြေမ်ဗာ (၃၁) ဏံဂှ် နူကဵုဌာနဝန်ဇၞော်ပရေၚ်ပိုန်ဒြပ်ကဵု သၠာဲဂတးသွံရာန် လစှေ်နူကမ္မယှေန်ပၞာန်တအ် ပ္တိတ်ကၠုၚ်မူဝါဒ ပရေၚ်ပၠုပ်ယာန်ကွဳစက်ဂှ် ပ္ဍဲသၞာံ (၂၀၂၆) ဏံလေဝ် ၚုဟ်ကွဳစက်သွက်ဂွံစှေ်အာ ဟွံမွဲဏီရောၚ် အကြာရဲသွံရာန် ကွဳစက်တအ် ဟီုမံၚ်အိုတ်ရ။

ပ္ဍဲအကြာကာလပေါဲရုဲမာဲ သကုတ် (၂) သွက်ဂွံကၠောန်ဗဒှ် ပ္ဍဲဂိတုဂျာန်နဝါရဳ (၁၁) ဏံဂှ် လ္ပာ်ဒပ်ပၞာန်ဗၟာတအ်ကီု၊ ဂကောံပၠန်ဂတးတအ်ကီု ချဳဒရာၚ်ကၠုၚ်ပရေၚ်ပၞာန်သီုၜါလ္ပာ်နွံတုဲ ညးဒေသပွိုၚ်ဍုၚ်ရေဝ်တအ် ဒှ်မံၚ်ဂဝိၚ်ဖေက်ဒှ်ပေဲါပၞာန်နွံရောၚ် ညးဍုၚ်ကွာန် လတူဍုၚ်ရေဝ်မွဲတၠ ဟီုရ။

နကဵုတၚ်ရန်တၟံ သွက်ဂွံကဵုဒြဟတ်ဓရိုဟ် သၠုၚ်ပ္တိုန်အသိၚ်ဗှ်လိက်တုဲ ကၠောန်ဗဒှ်ဝိုၚ်သဳကၠဳ လိက်ပတ်မန်ရောၚ် ညးတာလျိုၚ်ဂကောံအ္စာကၞေဟ်မန်မွဲတၠ ဟီုရ။

အခိၚ်ၚုဟ်ထ္ၜိုတ်ပရေံဏံဂှ် တၠကၠအ်တၞံဇၞော်ဇၞော်တအ် မိက်ဂွံသွံထဗိုၚ်ဆုထ္ၜိုတ်ကီုလေဝ် မၞိဟ်ရာန်ဟွံမွဲတုဲ တၠကၠအ်တအ် ဆိုအ်ဗမံၚ်ဖိုဟ်ရောၚ် တၠကၠအ်ထ္ၜိုတ်မွဲတၠ ဟီုရ။

ပေါဲရုဲမာဲ (၂၀၂၅) သကုတ် (၁) တုဲကၠုၚ်ဏံဂှ် ဟိုတ်နူညးစၞးဗော်ညဳသၟဟ်မန် ဂွံဒုၚ်ရုဲစှ် အောန်လောန်အာဂှ်တုဲ ကောန်ဗော်ညဳသၟဟ်မန်တအ် ဓဝ်ပတှ်ေအောန်စှ်ေကၠုၚ် လတူပေါဲရုဲမာဲတုဲ ဂၠာဲမၞိဟ်စၞးမၚ်ရုၚ်မာဲ ဝါတ်ကၠုၚ်နွံရောၚ် ကောန်ဗော်တအ် ဟီုရ။