အခိၚ်အခါဟွံသေၚ် ကၠိက်က္တဵုဒှ်ယဲတုဲ ချိုတ်ဂၠိုၚ်မံၚ်ရောၚ် တၠကမၠောန်လွဳကၠိက် မိအေတာန် နူပွိုၚ်ဍုၚ်ဇြပ်ဗု ဟီုထ္ၜးဂှ် ဂွံတီကေတ်ရ။

လ္ပာ်ဒပ်ကမ္မယှေန်ပၞာန်တအ် သၠုၚ်လဝ်အဆံၚ်ကွတ်ပညာနဲကဲဒရုၚ် Drone တုဲ ဂကောံပၠန်ဂတးဂမၠိုၚ်တအ် ဗတိုက်ပၞာန် နကဵုဒရုၚ် Drone ဂှ် ဒးဒေါံဇူကၠုၚ်လဝ်ရောၚ် ညးတာလျိုၚ်ကရောၚ်ပၞာန် နွံမုက်ပၞာန်မွဲတၠ ဟီုရ။

အလံၚ်အမာတ်လုပ်ပြိုၚ်ပေါဲရုဲမာဲ သၞာံ (၂၀၂၅) ဏံဂှ် စှ်ေချဳဒရာၚ်စန်ဒက်မာဲ ပ္ဍဲဗလးတိ ဟွံမွဲဏီရောၚ် ညးပူဗိုၚ် အလံၚ်အမာတ်ဗော်ညဳသၟဟ်မန်မွဲတၠ ဟီုရ။

ရုၚ်ဂဥုဲပုဂ္ဂလိက လ္တူဍုၚ်လ္ၚဵု ထ္ၜးယဲဝေဒနာမွဲမွဲသာ်မ္ဂး ကဵုဇြဟတ်ဓရိုဟ်ပါ်ကရေက်တုဲ အာတ်မိက်ကေတ်ဩန်သၟးနွံဂၠိုၚ်ရောၚ် ညးတၠခန္ဓယဲဝေဒနာပါ်ကရေက်လဝ် နူဇြပ်ဗုမွဲတၠ ဟီုရ။

ပ္ဍဲဍုၚ်မန် ဟိုတ်နူရာန်ကၠေၚ်ဝါတ်တုဲ ကွဳစက်ပရဟိတ ရီုဗၚ်ပရေၚ်မၞိဟ်လ္ၚဵု ဒးဒေါံဇူလဝ်နွံရောၚ် ဂကောံပရဟိတ ရေၚ်တၠုၚ်ရီုဗၚ်ပရေၚ်မၞိဟ်ဍုၚ်မန်မွဲတၠ ဟီုထ္ၜးရ။

ပ္ဍဲကၟိန်ဍုၚ်သေံ၊ ဍုၚ်အယုဒ္ဓယဂှ် ဟိုတ်နူဘဲဍာ်ဇၞော်ဍာ်ကလိုပ်က္တဵုဒှ်တုဲ မၞိဟ်ချိုတ်အာ (၁၄)တၠ၊ သ္ရိမံင်ဗၞတ် (၆)ဠက်မ ဗၠိုက်တၞီဒၟံၚ်နွံရောၚ် ဂွံတီကေတ်နူအတိုၚ်တၚ်နၚ်ပရိုၚ်သေံတအ်ရ။

ပ္ဍဲဍုၚ်မန် ဗြဲဟွံသေၚ်ကဵုအခိၚ် တရိုပ်ဂူဒၟံၚ်ဂၠိုၚ်ကဵုတ္ၚဲတုဲ သြောံရတ်လဝ်တုဲလ္ၚဵုဂှ် လီုလာ်၊ ဝါလ္ၚဵု သီုကဵုကၠုတ်တိတ်ကၠုၚ်မံၚ်နွံရောၚ် တၠဝါမွဲတၠဂှ် ဟီုလဴထ္ၜးရ။

ညးဍုင်ကွာန်တအ် စိုတ်လုပ်စကဵုပေါဲရုဲမာဲအောန်၊ မၞိဟ်ကၠုင်ကျောဝ်စရင်မာဲအောန်ကီုလေဝ် လတူအကာဲအရာ လၟေင်ကမၠောန်ပေါဲရုဲမာဲဂှ် ဂွံပတိုန်လိက်ဒုင်စဳရေင်ကဵု အဆံင်လတူမာန် ဒးဗက်ဂၠာဲလိင်ကော်ကေတ်မၞိဟ်တုဲ တက်ဗီု ပတိုန်ဏာလိက်ဒုင်စဳရေင် ဆဒှ်ကဵုဒှ်ရောင် ညးပါလုပ်ဂကောံကမ္မယှေန်ပေါဲရုဲမာဲဍုင်မန်မွဲတၠ ဟီုထ္ၜးရ။

ပ္ဍဲဆေင်သွံကၠေင်စက်ဂမၠိုင် ပံက်လဝ်ဆေင်လေဝ် တၠဆေင်တအ် ဟွံသွကဵုကၠေင်တုဲ ညးဍုင်ကွာန်တအ် ဒှ်မံင်ခက်ခုဲကဵု ကၠေင်သုင်စောဲစက်ရောင် တၠကွဳစက်နူဍုင်ဇြပ်ဗုမွဲတၠ ဟီုရ။

ပ္ဍဲကဵုဒေသအဂၞဲအာယှ အလဵုအသဳကြုက်တအ် ဗက်ဗတိုက်သရိုဟ်ကၠေံဒၟံင် ကမၠောန်လီဠာန်သြန် လ္တူလပှ်ကျာတအ် အဆက်က်ရ။ ညးမဆက်စပ်ပါလုပ် အပ္ဍဲကမၠောန်ဂှ် ဗေဝ်သုက်ၛိင် ကေုာံ ကောန်မၞုံယၟုဗေဝ်ယေန်ၛာန် ပံင်ဖအိုတ်မၞိဟ်မသုန်တၠ ပ္ဍဲကဵုဂိတုနိုဝ်ဝေန်ပါ ၄ ဂှ် ကြုက်တအ် ကဵုဒုဟ်ဒဏ် ဖျေံပၟိင်ဂစိုတ်ရ။