Tag: ပရိုၚ်

ပရိုၚ်ပတောံကော်(fake news)ဏံဂှ် ဍေံဇီုကပိုက်မံၚ်ကဵုညးဒေသတအ်ပေၚ်ၚ်ဏောၚ်။ မုပရောဟီုတှေ်facebookလၟုဟ်ဂှ် ပ္ဍဲအကာဲအရာပရေၚ်ဍုၚ်ကွာန်ကဵုဒှ်၊ ပရေၚ်ပိုန်ဒြပ်ကဵုဒှ်၊ ပရေၚ်မၞိဟ်တအ်ကဵုဒှ် ပိုဲတအ်ကျောဝ်သုၚ်စောဲမံၚ် social media လ္တူမုက်လိက် facebook ဏံဂၠိုၚ်မံၚ်ဂှ်ရ ပရိုၚ်ဗၠေတ်အာမွဲသာ်ဂှ်ဗက်တှေ် လကြဴဖဵုဍေံဂှ် ဍေံဒးအာတၟာဟလိုၚ်ရ။

ပ္ဍဲကၟိန်ဍုၚ်ပိုဲဝွံ စပ္တံနူဂံၚ်ဇဳပၞာန်တအ် သီုထောံအဝဵုဂှ်တုဲ စပ်ဌာနပရိုၚ် mediaတအ်တုဲ ပရေၚ်စဵုဒၞာတအ် နွံကၠုၚ်မံၚ်ကီုလေဝ် ပရိုၚ်ကောလဟာလ၊ ပရိုၚ်ဗၠေတ်တ်တအ်ဂှ် မံက်ပြးတိတ်ကၠုၚ်မံၚ် အကြာညးသုၚ်စောဲ social media တအ်  ဗွဲမဂၠိုၚ်ဏီဂှ် ပိုဲဂွံဆဵုကေတ်မံၚ်ရ။

ကွးဘာဒ္စာံပန်မ(၈၈၈၈)တြေံ ဥုမေန်ကိုနာင်ဝွံ ဒဒှ်ရ CDMတအ်ဂှ် ဒးဒုၚ်ဟောံဗြီုအာယျဂးတုဲ ပရိုင်ပတောံဂှ် မံက်ပြးတိတ်ကၠုင်မံင်အကြာညးသုင်စောဲ မုက်လိက်facebookတအ်ဂှ် ဂွံဆဵုကေတ်ရ။ အရေဝ်ဏံဂှ် ဥုမေန်ကိုနာင်ဟီုလဝ် ပ္ဍဲကဵုကောံဓရီု Spring Flowers Internationalဂးတုဲ ထမံက်ထ္ၜးလဝ် ပရိုင်ပတောံဏံဂှ်ရ။ ဍာံဍာံဂှ်တှေ် ဥုမေန်ကိုနာင်ဝွံ စပ်ကဵုပရိုင်ပတောံဏံဂှ်တုဲ ညးလေဝ်ဟွံဟီုလဝ်မွဲသာ်ဏီရ။

အကံက်facebookဇကု ဂီုကၠီုကီု၊ ဟွံဂီုကၠီုဟာဂှ် နကဵုနဲကဲsecurity စၟဳစၟတ်အကံက် ဂးတုဲ postဂှ် ပြးတိတ်ကၠုၚ်ဒၟံၚ် လ္တူမုက်လိက် facebookဂှ် ဂွံဆဵုကေတ်ရ။ Postပြးတိုန်ကၠုၚ်မံၚ်ဂှ်တှေ် တက်စုတ် မလိက်အၚ်ကလိက် Gg သၟဝ်postဂှ်မ္ဂး အကံက်ဇကုဂီုကၠီုမာန်၊ ဟွံမာန်ဂှ် ဂွံတီကေတ်မာန်ရောၚ်။ တုဲပၠန် ပ္ဍဲကဵုpostဂှ်တှေ် သီုကဵုလဝ်ကသပ်ကဵု ညးသုၚ်စောဲ facebookတအ်ဂှ် ဂွံဆဵုကေတ်ရ။ Postပတိုန်လဝ်ဂှ် ဒှ်မံၚ်ပရိုၚ်ပတောံ၊ ပရိုၚ်ဗၠေတ်တ်မွဲဟေၚ်ရ။

ရဲကၠောန်ဗဒှ်ပရိုင်ပတောံတအ် နဲကဲလဵုမွဲ ဍေံတအ်ကၠောန်စလေပ်ဂှ်တှေ် မိက်ဂွံကဵုနကဵုလညာတ်ကီုရ။ နဲကဲဍေံတအ်ကၠောန်ဖန်ဗဒှ်စလေပ်ဂှ်တှေ် ပိုဲတအ်ဂၠိုက်ဂၠာဲ သ္ရဳဂၠိပ်ရံင်တုဲ နွံမံင်ဗီုပြင်နဲကဲ တင်မသုန်(၅)တင်ရ။