Tag: ပရိုၚ်

ပရိုၚ်ပတောံဟီုဂှ် နကဵုအဲတှေ်ဍေံဟွံဍိုက်ပေၚ်ကဵုတၚ်နၚ်တအ်၊ ပရိုၚ်ဒးဒှ်ဟွံဍာံတအ် မွဲသာ်ပၠန်ဂှ် ပရိုၚ်ပတောံဟီုဂှ် ပရိုၚ်ဖန်ဗဒှ်သွက်မၞိဟ်တအ် ဂွံဒှ်သံသယကီု ဂွံဒှ်ထေၚ်ဗၠေတ်ညးသ္ကအ်ကီု ညံၚ်သ္ဂောံဒှ်ပြဒညှာအကြာပွဳပွူဂှ်တှေ်ပရိုၚ်ပတောံမွဲကီုရ။ မွဲအဆက်ဓရ်ဟီုပရိုၚ်ပတောံကဵဵုဒှ်၊ ပရိုၚ်ကဵုဒှ် ပရိုၚ်ဟီုမ္ဂးတှေ် ဒးဒုၚ်သဇိုၚ်ကဵုတၚ်နၚ်၊ ဒးဒက်ပတိုန်လဝ်ကဵုတၚ်နၚ်မွဲဏောၚ်အဲကၠိုဟ်ရ။ ဟိုတ်ဒှ်ရ ပရိုၚ်ပတောံဟီုဂှ် တၚ်နၚ်ပတောံလေဝ်ပိုဲဟီုစဂွံရ။

အကြာပရေၚ်ဍုၚ်ကွာန်ဟွံညိၚ်ဝတ်ဏီဏံဂှ် ယဝ်ခါရပိုဲတအ် ဆဵုဒးအာပရိုၚ်ပတောံမွဲမွဲ ပတှေ်ဒးအာလ္တူပရိုၚ်ပတောံလ္ပာ်ပရေံပရေံဂှ်တှေ် ဒှ်ကၠုၚ်အန္တရာယ် သွက်ပရေၚ်ပညာ၊ ပရေၚ်ပိုန်ဒြပ်၊ ပရေၚ်ဂကူ ပိုဲတအ်မာန်ရောၚ်။

နူဌာနပရိုၚ် ဒး၊ ဟွံဒး၊ ဒးချပ်ပိုဲတအ်ကလေၚ်စၟဳစၟတ်ရံၚ်တုဲ ပရိုၚ်ဒဒှ်ရပၞာန်ရုယှာတအ်ရပ်ဏာဏံဂှ် ဒှ်မံၚ်ပရိုၚ်ဗၠေတ်တ်မွဲဂှ် ပိုဲစၟတ်သ္တီလဝ်ရ။ မုဟိုတ်ဂွံစၟတ်သ္တီလဝ်ပရိုၚ်ပတောံမွဲဂှ်တှေ်ဗီုပတိုန်လဝ်တအ်ဂှ် ဂၠိုက်ဂၠာဲရံၚ်နကဵုနဲကဲ​စၟဳစၟတ်ဗီုပ္ဍဲ “google”ဂှ်တုဲ ပရိုၚ်ပြးတိတ်ကၠုၚ်မံၚ်လၟုဟ်ဏံဂှ် ကလေၚ်စၟဳစၟတ်ရံၚ်တၚ်နၚ်ပရိုၚ်တအ်ဂှ်တုဲ ဒဒှ်ရပရိုၚ်ဗၠေတ်တ်မွဲဏောၚ်ဂှ် ညးတာလျိုၚ်ဂကောံ(နေတိုး) “North Atlantic Treaty Organization-NATO”တအ် ကလေၚ်သောၚ်ကလးလဝ်ကဵုဌာနပရိုၚ် “Reuters”တအ်နွံရ။

ခေတ္တညးဒေါံဇူယိုက်ဂၠေၚ်ဝန် အလဵုသဳ(CDM)တအ်ဂှ် ညံၚ်သြန်လၟေၚ်ဂိတုဂွံသၠုၚ်တိုန်အာမာန်ဂှ် က်တာဇြဝ်ဝေသဵု (ဒေါက်တာဇော်ဝေစိုး)တအ် ချပ်စီဇန်မံၚ်ဂးတုဲ Postပတိုန်လဝ်သီုကဵုဗီုမွဲတၞးဂှ် ပြးတိတ်အာ အကြာညးသုၚ်စောဲ မုက်လိက်facebookတအ်မွဲအလန်ပၠန်ရ။ စပ္တံနူရဲကၠောန်ဗဒှ်ပရိုၚ်ပတောံတအ် ပတောံပတိုန်လဝ် လိက်လလောၚ်တြးရုၚ်အလဵုသဳပတောံဂှ်တုဲ နူဂှ်မွဲကဆံၚ် ပရိုၚ်ဂှ်စပြးတိတ်အာရ။   

မခတိုဟ်(ဗုံး) ဗတိုဟ်လဝ်တုဲ ကျာ်ပ္ဍဲဍုၚ်(ပုဂံ)လ္ရဵုဂှ် လီုလာ်အာမာန်မံၚ်ဂးတုဲ ရဲကၠောန်ဗဒှ်ပရိုၚ်ပတောံတအ် ကလေၚ်နိသဲလဝ် တၚ်နၚ်ဗၠေတ်တ်တုဲ ဖန်ဗဒှ်ပရိုၚ်ပတောံ

ပ္ဍဲကၟိန်ဍုၚ်ပိုဲဝွံ မဒှ်ဍုၚ်တြေံမွဲဒၞာဲ ညးမကော်ခဴစဍုၚ် ဗကာံ (ပုဂံ)ဂှ် ဟိုတ်နူကဵုမခတိုဟ်(ဗုံး)ဗတိုဟ်လဝ် ဗဒါဲကျာ်(မဟာဓမ္မရာဇိက)ဂှ်ရ ကျာ်လ္ရဵုဂှ် လီုလိုက်အာမာန်မံၚ်ရောၚ်ဂးတုဲ ပရိုၚ်တၚ်နၚ်ဒဒှ်ဍာံလဝ်တအ်ဂှ် ရဲချဳဒရာၚ်တအ်ကီု၊ ရဲထံက်ဂလာန်လ္ပာ်ပၞာန်တအ် ဗီုဍေံတအ်မိက်ဂွံဒှ်ဂှ် ကလေၚ်နိသဲထောံတုဲ ပရိုၚ်ပတောံမွဲပိုဒ် ကလေၚ်ပါ်ပရအ်မံၚ်ညးသကအ် လ္တူsocial mediaတအ် မွဲအလန်ပၠန်ရ။