အလဵုအသဳဍုၚ်ဗၟာတ္ၚဲဏအ်ဝွံ ထ္ၜးအမာတ်ကောန်ဍုၚ်အရၚ်တအ်တုဲ တုပ်တဴညံၚ်ရဴ ဒက်ပတန်ပရေၚ်ညဳသၟဟ် ကောန်ဍုၚ်အရၚ်တအ်ညံၚ်ၚ် ဖန်ဗဒှ်လဝ်ရ။ ဆဂး အမာတ်ကောန်ဍုၚ်အရၚ်တအ်ဂှ် ဆၜိုတ် ဒးဒုၚ်ထ္ၜးစဒၟံၚ် ရုပ်ဟေၚ်ရ။ မုအဝဵုညိဓဝ်ဟေၚ် ဍေံတအ် ပအပ်ကဵုလဝ် ဟွံသေၚ်ကီုရ။
နူကဵုစတမ် အလဵုအသဳတအ် ပါ်လဝ်အဝဵုဂှ် ဒုၚ်သဇိုၚ်လ္တူ ပရေၚ်ညဳသာသၟဟ်သၟန် ကောန်ဍုၚ်အရၚ်တအ် ဟွံသေၚ်ရ၊ ပ္ဍဲကဵုကောန်ဍုၚ်ရၚ်တအ် ဟီုဂှ် ဂကူဗၟာတအ်ဂှ်လေဝ် ပါလုပ်ဒၟံၚ် မွဲဂကူကီုရ။ ဆဂး ဂကူဗၟာတအ်ဂှ် လၟိဟ်ဂၠိုၚ်နူကဵု ကောန်ဍုၚ်အရၚ်တအ်ဂှ် ဒှ်ဍာံရ၊ ဆဂး ယဝ်ရ ကေတ်လဝ်အခေါၚ်တၟေၚ် ဍိုက်လဝ် လ္တူစးကောန်ဍုၚ်အရၚ်တံမ္ဂး နတဲနဇိုၚ် ဒက်ပတန်တိုန် ပရေၚ်ညဳသာသၟဟ်န် အကြာကောန်ဍုၚ်အရၚ်တအ်ဂှ် ဒှ်ဟွံမာန်၊ ကောန်ဍုၚ်အရၚ် မ္ၚးနူကဵုဂကူဗၟာတအ်ဂှ် ညဳသာဒၟံၚ်အိုတ်ရ၊ ဂကူဗၟာ သ္ပလဝ် ဒြဟတ်ကဵု ဒပ်ပၞာန်တအ်ဟေၚ် ဒှ်ဒၟံၚ်ပဋိပက္ခကဵု ကောန်ဍုၚ်အရၚ်တအ်ဏံရောၚ်။
တ္ၚဲဏအ် အလဵုအသဳတိုန်ဂွံအဝဵုဂှ် သ္ပလဝ်သဇိုၚ် သ္ပလဝ်ဒြဟတ်ကဵုဒပ်ပၞာန်ဗၟာတအ် ပေၚ်ၚ်ရ၊ လ္တူကောန်ဂကူကောန်ဍုၚ်အရၚ်တအ်ဂှ် ဆလအ်လေဝ် ဍေံတအ်ဟွံစွံကဆံၚ်တုပ်ကဵု ဍေံတအ်ရ၊ ကောန်ဍုၚ်အရၚ်တအ် အာတ်မိက်ကၠုၚ် အခေါၚ်အရာညးတအ် ပွိုၚ် (၆၀) သၞာံဂှ် နကဵုအလဵုအသဳဏအ် သွက်ဂွံသ္ပစၟတ်သမ္တီ ဟွံသေၚ်ရ။ သောၚ်ဂှ်တှေ် လ္တူအမာတ်ကောန်ဍုၚ်အရၚ် ဍေံတအ်ခါန်ကၞက်လဝ် ဒၞာဲဝန်ဇၞော်ဂှ် မုဍေံတအ် သ္ပစရော။
ပ္ဍဲကဵုတွဵုရး ကောန်ဍုၚ်အရၚ်မွဲမွဲ တွဵုရးဍုၚ်မန်ကဵုဒှ် တွဵုရးဍုၚ်ကရေၚ်ကီုဂှ် ညးစၞးနူဗော်ကောန်ဍုၚ်အရၚ်တအ်နွံရ။ ပ္ဍဲကဵုတွဵုရးဂှ်ပၠန်၊ ယဝ်ရဂကူဍောတ်တ်တအ် နွံမ္ဂး အမာတ်ညးတအ် နွံရ၊ ပ္ဍဲကဵုဒက်ခၞံပ္တိုန် အလဵုအသဳတွဵုရးတအ်မ္ဂး အမာတ်ကောန်ဍုၚ်အရၚ် လ္ၚဵုတအ်ဂှ် ဒးဒုၚ်ခါန်ကၞက်ပ္တိုန် နဒဒှ်ဝန်ဇၞော်မွဲမွဲဒၞာဲရ။ ပ္ဍဲတွဵုရးဂှ်ပၠန်ရ အမာတ်သ္ပစၞး ကဵုကောန်ဍုၚ်အရၚ် ဍောတ်တ်တအ်ဂှ် ဒးဒုၚ်ခါန်ကၞက် “ဝန်ဇၞော်ကောန်ဍုၚ်အရၚ်” ကီုရ။
အတိုၚ်ရမျာၚ် နူကဵုအမာတ်ကောန်ဍုၚ်အရေၚ်ကဵု ဝန်ဇၞော်ကောန်ဍုၚ်အရေၚ်တအ်မ္ဂး ပ္ဍဲကဵုညးတအ် သွက်ဂွံဓမံက်ရုပ်ရဴကမၠောန်ချိုတ်တ်ပၠိုတ်တ်ဂှ် မုအဝဵုချိုတ်တ်ပၠိုတ်တ်လေဝ်ဟၟဲ မွဲသာ်ပၠန်ဂှ် စပ်ကဵုဘဏ္ဍာတအ်ဂှ် မုလေဝ်ဟွံဂွံအထံက်အပၚ်ရ၊ ဝန်ဇၞော်သ္ပစၞးကဵု ကောန်ဍုၚ်အရၚ်ဍောတ်တ်တအ်ဂှ် စဵုကဵုလၟုဟ် ဒၞာဲကၠောန်ကမၠောန်ကီု ခုၚ်ကၠောန်ကမၠောန်ကီု၊ ဘဏ္ဍာ သွက်ဂွံကၠောန်ကမၠောန်ကီု မုလေဝ်ချိုတ်တ်ပၠိုတ်တ် ဟွံမွဲဏီ ဂွံတီကေတ်ရ။
အမာတ်ကောန်ဍုၚ်အရၚ် ဒှ်ဒၟံၚ်ဝန်ဇၞော် ပ္ဍဲကဵုအလဵုအသဳတွဵုရး ဂမၠိုၚ်တအ်လေဝ် ကမၠောန်ကမိတ် စဵုကဵုနွံကွေဟ်ဟ် ဟွံသေၚ်ရ။ လ္ၚဵုဂှ်ဂွံလဝ် ဝန်ဇၞော်ပရေၚ်မၞိဟ်၊ လ္ၚဵုဂှ် ဝန်ဇၞော်ဓာတ်လလဳ၊ လ္ၚဵုဂှ် ဝန်ဇၞော်ကေၚ်ကာသၟာကမၠောန် ရဴဝွံ နွံတဴအိုတ်ရ။ ဆဂး ပ္ဍဲကဵုဝန်ဇၞော်တံဏံ မုအဝဵုလေဝ် ဟၟဲရ။ ဆၜိုတ်ဂွံဂေတ်ကၚ် ပ္ဍဲအကြာကွာန်တုဲ မုကောန်ဍုၚ်ကောန်ကွာန်တအ် ဟီုးဂးဒၟံၚ် နွံရောဂှ် ပ္တိုန်ထ္ၜး ပ္ဍဲကောံဓရီုအလဵုအသဳတွဵုရး မဆေၚ်စပ်တံတုဲ တၚ်နၚ်တအ်ဂှ် မွဲကဆံၚ်ပၠန် ဒးထပ်ပ္တိုန်ထ္ၜးဏာကဵု အလဵုအသဳဗဟဵုတေံ ပၠန်ရ။ နူကဵုအလဵုအသဳဗဟဵုတေံ တုပ်စိုတ်ဖျေံနၚ်ကဵု ပရေၚ်ကမၠောန်မ္ဂး နူကဵုဝန်ဇၞော်တအ်ဏအ် အခေါၚ်ဓမံက်ရုပ်ရဴနွံရ။
မွဲသာ်ပၠန်ဂှ် လ္တူဝန်ဇၞော်တွဵုရးတအ်ဂှ် နူကဵုအလဵုအသဳဗဟဵုတေံ ဗီုဒးစိုတ်ပဆုဲပြံၚ်မာန်ရ။ နုက်ပ္တိတ်လေဝ်မာန်ရ။ ယဝ်ရဗော်ကောန်ဍုၚ်အရၚ်ဒှ်ဒှ်၊ အမာတ်ကောန်ဍုၚ်အရၚ်ဒှ်ဒှ် ဒစဵုဒစး ဒးကဵုအလဵုအသဳဗဟဵုမ္ဂး ခုၚ်အဝဵု ဝန်ဇၞော်ကောန်ဍုၚ်အရၚ်တအ် ချဳအာမာန်မံၚ်ရ။
သရုပ်ဟီုမ္ဂး ရံၚ်အာကဵုအကာဲအရာ ပရေၚ်ဍုၚ်ကွာန် ကၟိန်ဍုၚ်ပိုဲတေံ ပေၚ်ဗၞတ် (၃) ဂိတုပြၚ်ၚ် ဏအ်မ္ဂး အဝဵုတွဵုရးကီု၊ အဝဵုဝန်ဇၞော်တွဵုရးကီု မုလေဝ်ဟွံမွဲချိုတ်တ်ပၠိုတ်တ်တုဲ သွက်ဂွံထ္ၜးစကဵု ညးဂမၠိုၚ်ခိုဟ်ရောၚ် ဒက်ပ္တန်လဝ် အလဵုအသဳတွဵုရး ခါန်ကၞက်လဝ် အမာတ်ကောန်ဍုၚ်အရၚ်တံရောၚ် ရဴဝွံ မ္ဒးပ္တိုန်ထ္ၜးဏာရအဴ။