ကွဳစက်ဇီု ပ္ဍဲမဟာချာဲ ကောန်မန်ဗွဲမဂၠိုၚ် ဒးဝပ်၊ ချိုတ်

by | Apr 5, 2011 | ပရိုၚ် | 0 comments

ရာၚ်မြဟ် – နူတနေံဏံ ပ္ဍဲခရိုၚ်သမုတ်သာဃန် မဟာချာဲဂှ် ကွဳစက်ဇီုတုဲ မၞိဟ်ဗွဲမဂၠိုၚ် ချိုတ် ဒးဝပ်အိုတ်ရ။ ပ္ဍဲဝွံ သၟာကမၠောန် ကောန်မန် ဗွဲမဂၠိုၚ် ပါမံၚ်ရောၚ် ဂွံတီကေတ်ရ။

သမ္ဘာ ညးမစုတိအာမွဲတၠ ဂၠိုက်သ္ၚောံမံၚ် ပ္ဍဲဒၞာဲစွံလဝ်ဇွ ဘာဝါတ်ပျေက် ဍုၚ်မဟ္ၚာဲ (ဗီု-သမဂ္ဂသမာကမၠောန် ရမည)

သမ္ဘာ ညးမစုတိအာမွဲတၠ ဂၠိုက်သ္ၚောံမံၚ် ပ္ဍဲဒၞာဲစွံလဝ်ဇွ ဘာဝါတ်ပျေက် ဍုၚ်မဟ္ၚာဲ (ဗီု-သမဂ္ဂသမာကမၠောန် ရမည)

သအာၚ်နူသၟာကမၠောန် ကောန်မန်တုဲ သၟာကမၠောန် ထဝါဲ၊ သၟာကမၠောန် ဗၟာတံလေဝ် ပါမံၚ်ကီုရောၚ် နူဂကောံ ရီုဗၚ်သၟာကမၠောန် Rak Thai Foundation နာဲလျးမန် ဟီုရ။

“ပ္ဍဲမၞိဟ်ချိုတ်အာဂှ်ကီု မၞိဟ်ဒးလဝ်ဝပ်တံဂှ်ကီု ကောန်မန်ရ ဂၠိုၚ်၊ ဆဂး လၟိုဟ်ဂှ်တှေ် ဟွံတီချိုတ်တ်ပၠိုတ်တ်ဏီပုဟ်” သာ်ဝွံ နာဲလျးမန် ဟီုရ။

နူတနေံ ပ္ဍဲဂိတု အေဗရာ ၄ အခိၚ်နူဂယး ၜိုတ် ရ နာဍဳဂှ် ကွဳစက်သၠာစှ်မွဲဖ္ဍိုက် လုပ်ဇီုကွဳစက် ဖ္ဍိုက်သၟာကမၠောန် ၃ ဖ္ဍိုက်ဂှ်ရ အောန်အိုတ် မၞိဟ် ၉ တၠ ချိုတ်အာ ဇဖန်ဂှ် (လွာဲဂှ်) တုဲ သၟာကမၠောန် ၁၀၈ တၠ ပါကၠုၚ် ပ္ဍဲကွဳစက်တံဂှ်လေဝ် ဒးအာဘဲဝပ်အိုတ်ရ။

မၞိဟ်ဒးဝပ်ဂၠိုၚ် ၃၀ တၠတံဂှ် ပတိုန်ဏာလဝ် ရုၚ်ဂဥုဲ သမုတ်သာဃန်၊ ရုၚ်ဂဥုဲ ဇြဳဝေတ်္ၚာဲ ၅ ကဵု ရုၚ်ဂဥုဲမဟာချာဲဂမၠိုၚ်တုဲ ဒးဝဳမံၚ် နဒဒှ် မၞိဟ်ယဲအပ္ဍဲအိုတ်ရ။

“မၞိဟ်ပါကၠုၚ် ပ္ဍဲကွဳစက် သီုပိကွဳစက်ဂှ် ဒးဝပ်ဖအိုတ်ရ၊ လ္ၚဵုဂှ် တဲကဝ် လ္ၚဵုဂှ် ဇိုၚ်ကဝ် လ္ၚဵုပၠန်ဂှ် ရုပ်သာ်လေဝ် ဟတီဟွံဒးရ။ မၞိဟ်ဒးအောန် ထေက်ကဵုဒးဇိၚ် ညိညတံဂှ်တှေ် နူရုၚ်ဂဥုဲ ဍေံကဵုစဴထောံဖအိုတ်ရ။ မၞိဟ်ဒးလဝ်ဂၠိုၚ်ၚ်တံဂှ် ဟွံအောန်ပုဟ်။ ချိုတ်ဟာ ဂျိုၚ်ဟာဂှ် ကေတ်ဟွံဒးဏီ” သာ်ဏံ သၟာကမၠောန်မန်မွဲတၠ မစိုပ်မံၚ် ရုၚ်ဂဥုဲ သမုတ်သာဃန်ဂှ် ဟီုရ။

(ဗီု-သမဂ္ဂသမာကမၠောန် ရမည)

(ဗီု-သမဂ္ဂသမာကမၠောန် ရမည)

မၞိဟ်ချိုတ်အာလဝ်တံဂှ် သွက်ဂွံစၟဳစၟတ်ဂဥုဲ ပတိုန်ဏာရုၚ်ဂဥုဲ ဍုၚ်ၜၚ်ကံက်တေံတုဲ ရ တၠဂှ် နူရုၚ်ဂဥုဲ ကဵုအခေါၚ်စံၚ်ဇွရောၚ်ဂှ် နာဲကောတၠရတ် မဒှ်ဒါရာ်တာ သမဂ္ဂ သၟာကမၠောန် ရာမည ဟီုရ။

Written by

Related Posts

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

ပ္ဍဲစင်အသေအဟာန်တ္ၚဲကောန်ဂကူမန် လ္ဒောဝ်တပ်တပ်ဂှ် ဒးပစူသၠုင်လဝ်အလာံကၟိန်ဍုင်ရောင် ဂျာန်နဝါရဳ ၃ တုဲ ကၠုင်ဂှ် နူကမ္မတဳကၠောန်ဗဒှ်တ္ၚဲကောန်ဂကူမန် ဗဟဵုတအ် ပတိတ်ကၠုင်လိက်စေဝ်ပၞောန် စပ်ကဵုအလာံတုဲ မၞိဟ်လ္ၚဵုဟွံ ပေင်စိုတ်ရ။

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲကဵုသၞာံ ၂၀၂၅ ဏံ ညံၚ်မိမညးဍုၚ်ကွာန် ကေုာံ သၟတ်ကွးဘာမန်တအ် သ္ဂောံစကာအာ လိခ်ပတ်မန် လတူလပှ်ကျာမာန်ဂှ် နကဵုညးတာလျိုၚ်ဌာနကမၠောန်ပတိုန်လိခ်ပတ်မန် လတူဓါတ်လပှ်ကျာ ဘာကဝ်လိက်မန်တအ် ဂစာန်ကၠောန်မံၚ် (Mon E-book project) မွဲနွံဂှ် ဂွံတီကေတ်ရ။

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

ကြဴနူကဵု ကမ္မတဳကၠောန်ဗဒှ်တ္ရဲကောန်ဂကူမန် မရနုက်ကဵု (၇၈)ဝါ ဗဟဵုတံ ပတိတ်ကၠုင်လိက် စေဝ် ပၞောန် အလာံပ္ဍဲတ္ရဲကောန်ဂကူမန်ဂှ်တုဲ ညးဂမၠိုင် ဟီုပါ်ပါဲကၠုင်နွံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.