စပ်ကဵုပေဲါပၞာန်ကချေၚ်တုဲ လပါ်အလဵုအသဳ တာလျိုၚ်နွံဂၠိုၚ်ရောၚ် ဒံက်တာမေန်သဵုလေန် ဟီု

by | Jan 30, 2013 | ပရိုၚ် | 0 comments

မာံလုၚ်၊ အေမဳ – စပ်ကဵုပေဲါပၞာန်ကချေၚ် ကတဵုဒှ်ဒၟံၚ်လၟုဟ်ဏံဂှ် လပါ်အလဵုအသဳဗၟာကီု လပါ်ဂကောံဗၠးၜးကချေၚ် KIO ကီု တာလျိုၚ်နွံသီုၜါလပါ်ကီုလေဝ် လပါ်အလဵုအသဳဂှ် တာလျိုၚ်နွံဂၠိုၚ်ရောၚ်ဂှ် ညးအုပ်ကာနာနာ ဗော်ဒဳမဝ်ကရေသဳမန် ဒံက်တာမေန်သဵုလေန် ဟီုရ။

ညးအုပ်ကာနာနာ ဗော်ဒဳမဝ်ကရေဇြဳမန် ဒံက်တာစောန်တၟး

ညးအုပ်ကာနာနာ ဗော်ဒဳမဝ်ကရေဇြဳမန် ဒံက်တာစောန်တၟး

“ပြသၞာ ပေဲါပၞာန်ကချေၚ်ဏံဂှ် ပြံၚ်လှာဲမံၚ် မွဲတုဲမွဲ အကြာပွိုၚ်နာဍဳရဏောၚ်။ သ္ပပတမ်နူစၟတ်တ္ၚဲ ၁၈ ဏံတုဲ နူရုၚ်သမ္မတကၟိန်ဍုၚ် ဒေံါပန်ပှော်ဏောၚ် ဟီုမံၚ်ကီုလေဝ် နဇိုၚ်နတဲဂှ် ဟွံဒှ်ကၠုၚ်ပုဟ်။ ဆက်ဗတိုက်မံၚ်ဖိုဟ်။ သီကေတ်မံၚ် ကုန်ဒဵုမွဲမတုဲမွဲမပၠန်။ အလဵုအသဳ အုပ်ဓုပ်ဍုၚ်ဂှ် ညံၚ်ရဴဇြဟတ်ဇကုဇၞော်သၠဲကီု လစွံစိုတ်လေဝ် ဒးသၠဲလးဏောၚ်” သာ်ဝွံ ဒံက်တာမေန်သဵုလေန် ဟီုရ။

သအာၚ်နူဂှ်ပၠန် “ကော်ကဵုတဲထဝ် ဟွံဂွံတှေ် သွက်ဂွံကဵုမကမ်ရနွံ” စပ်ကဵုဂလာန်ဝေါဟာ ဥူလှဇြိုဲ မဒှ်ညးစၞးကၠတ်ထဝ် ကောန်ဂကူ မဟီုလဝ် ပ္ဍဲကောံဓရီုကၠတ်ထဝ် ပ္ဍဲဂိတုဂျာန္နဝါရဳ ၂၄ ဂှ်တုဲ ပ္ဍဲအခိၚ်ကာလဒက်ပ္တန်မံၚ် ဓဝ်ပတှေ် အကြာကောန်ဍုၚ်အရၚ်ဏံဂှ် ထေက်ကဵုဒးဗစာလဟီု ထၟတ်ဒွံလောဲသွာရောၚ်ဂှ်လေဝ် ညးဆက်ဟီုရ။

စပ်ကဵုပရေၚ်ၜိုဟ်လလမ်ထာဝရ အပ္ဍဲဍုၚ်ဂှ် သွက်သ္ဂောံဒက်ပ္တန် ဓဝ်ပတှေ် သီုၜါလပါ်၊ သွက်သ္ဂောံဖျေံကဵုမူသဇိုၚ် ခိုၚ်ခိုၚ်ကၠိုက်ကၠိုက်တုဲ ကာလညးစၞး ၁၆ တၠတံ သဳကၠဳပတိုန်ထ္ၜးဂှ် ဥူလှဇြိုဲ ဟီုဂးပတိုန်ထ္ၜး အတိုၚ်လတူဂှ်ရ။

ထပက်ဒၟံၚ်ပၞာန်ကဵု ဒပ်ပၞာန်ဗၠးၜးကချေၚ် (KIA) တုဲ ဃောကဵုမံၚ်ဇြဟတ်ဓရိုဟ်ဏံဂှ် မိက်ဂွံသဳကၠဳအာ ပရၚ်ၜိုဟ်လလမ် နကဵုကံၚ်ဇြဳ ဖက်ဒရေဝ် ဂကူကောန်ဍုၚ်အရၚ် ညဳသၟဟ် (UNFC) ရောၚ်ဂှ် ပ္ဍဲဂိတုဂျာန္နဝါရဳ ၂၀ ဏံ ဂကောံဗၠးၜးကချေၚ် (KIO) ပတိတ်လိက်လလောၚ်တြး ဟီုဂးကၠုၚ်နွံတုဲ သဳကၠဳပတိုန်ထ္ၜးကၠုၚ် ပ္ဍဲကၠတ်ထဝ် သာ်ဂှ်အိုတ်ရ။

ဂကောံလလောၚ်ပရိုၚ် အလဵုအသဳဂှ် နကဵုစၟတ်တ္ၚဲ ဂျာန္နဝါရဳ ၁၈ လလောၚ်ပ္တိတ်ပရိုၚ်တုဲ သ္ပပတမ်နူဂျာန္နဝါရဳ ၁၉၊ သၞာံ ၂၀၁၃ အခိၚ်နူဂယး ၆းဝဝ နာဍဳတုဲ ဒေံါအာပရေၚ်ထပက်ပၞာန် ဒေသလဂျာယာန်ရောၚ် ၜိုန်ဟီုလဝ် နွံကီုလေဝ် ဒပ်ပၞာန်ဗၟာတံ ဆက်ထပက်ဒၟံၚ်ပၞာန် ပေဲါဗတိုက်သီဗဒိုပ်ရောၚ်ဂှ် ဓမံက်ထ္ၜးကၠုၚ် ပ္ဍဲဌာန်ပရိုၚ်ဂၠးကဝ်အိုတ်ရ။

တုပ်တဴသာ်ဂှ်ကီု ပ္ဍဲတၚ်လလောၚ်ပရိုၚ် ဌာနဝန်ဇၞော် ပရေၚ်စဵုဒၞာ အလဵုအသဳဗၟာ မလလောၚ်ပတိတ် ပ္ဍဲဂိတုဂျာန္နဝါရဳ ၂၉ ဂှ်မ္ဂး ၜိုန်ရဒေံါလဝ် ပရေၚ်ထပက်ပၞာန် ပ္ဍဲဒေသလဂျာယာန်ကီုလေဝ် ဟိုတ်နူလပါ် KIA တံ ကၠုၚ်သ္ပပခက် ပန်ပှော်ကၠုၚ် ဒၞာဲဒပ်ပၞာန်ဗၟာတံ ဖျေံသဇိုၚ်တုဲ မဒးကတဵုဒှ်ပေဲါဗတိုက်ရောၚ်ဂှ် ဓမံက်ထ္ၜးကၠုၚ်လဝ် နွံရ။

သအာၚ်နူဂှ်ပၠန် စပ်ကဵုပဋိပက္ခပၞာန် မကတဵုဒှ်ဒၟံၚ် ပ္ဍဲတွဵုရးကချေၚ်ဂှ်တုဲ ဂကောံအပ္ဍဲဍုၚ် မ္ၚးဍုၚ်လ္ၚဵု၊ ရုၚ်ကလုတ်လ္ၚဵု ကေုာံ ဌာန်ပရိုၚ်လ္ၚဵုတံဂှ် ညးဍုၚ်ကွာန်တံ သ္ဂောံအထေၚ်ဗၠေတ် လတူအလဵုအသဳ ကေုာံ ဒပ်ပၞာန်ဗၟာတုဲ လလောၚ်ပတိတ်မံၚ်ပရိုၚ် ဗၠေတ်ဗၠေတ်မှာမှာရောၚ်ဂှ်လေဝ် ဟီုစောဲစပ်လဝ်ကီုရ။

ဂကောံဗၠးၜးကချေၚ် KIO ဂှ် ပ္ဍဲသၞာံ ၁၉၉၄ တေံ ဒေံါပန်ပှော်ကဵု အလဵုအသဳပၞာန်ဗၟာရ။ ကြဴနူအလဵုအသဳတၟိ ဥူတိၚ်သိၚ် တိုန်တုဲ စနူသၞာံ ၂၀၁၁၊ ဂိတုဂျုန် ၉ ဂှ် ဒေံါပန်ပှော်လီုတုဲ ကတဵုဒှ်ကၠုၚ် ပေဲါဗတိုက်ရပ်လွဟ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.