ကၠောန်ဗဒှ်ဂၠံၚ်ဍာန် သွက်ဖောအ်ဗြေဝ်က္ဆံၚ်ကွာန်

by | Jul 12, 2013 | ပရိုၚ် | 0 comments

ကောန်ဍုၚ် – ပ္ဍဲကဵုကွာန်ကအ်ပှ်လှ်၊ ပွိုၚ်ဍုၚ်လှာဒကှ်၊ တွဵုရးကရေၚ်ဂှ် သွက်ပရေၚ်ဖောအ်ဗြေဝ် ဒေသကွာန်ကီု၊ မွဲကွာန်ကဵုမွဲကွာန် ညံၚ်သ္ဂောံအာကၠုၚ်ကၠောံက္ဍ လောဲသွာရေၚ်သ္ကံကီု ရန်တၟံတုဲ နူကဵုနာဲဗၠာဲ က္ဍိုက်ပ်ပံၚ်တောဲကဵု ညးအုပ်ဓုပ်ကွာန် ကေုာံ ကောန်ကွာန်တံတုဲ လးကၠောန်လဝ်ဂၠံၚ်တိ သမ္မထိုက် မၞုံကဵု သွာၚ်ပါ်တိတ်ပိသွာၚ်ရောၚ် ဂွံတီကေတ်ရ။

ဗီုလးလဝ်ဂၠံၚ်(IMNA)

ဗီုလးလဝ်ဂၠံၚ်(IMNA)

ဂၠံၚ်တိသမ္မထိုက်ဝွံ စကၠောန်ဓမံက်လဝ်ရုပ်ရဴ နူကဵုစၟတ်တ္ၚဲ (၁-၁-၂၀၁၃) တေံ မဒှ်တုဲ အနာံသြိုဟ်ဍေံ (၈) ဟတ်၊ ဇမၠိၚ်ဂၠံၚ်ဂှ် အပံၚ်သီုဖၟိုတ် မၞုံၜိုတ် (၃၀၀) ပေ မဒှ်တုဲ နူကဵုကွာန်ကအ်ပှ်လှ် ပ္တပ်လးဏာကဵု လ္ပာ်ကွာန်ဒဵုထောၚ်ဂှ် မွဲတၞုၚ်၊ ပ္တပ်ဏာလ္ပာ်ကွာန်ကွိက်ခွိဂှ် မွဲတၞုၚ် ကေုာံ လ္ပာ်တိတ်အာကဵု ကွာန်ဂၞကျာ်သၟိၚ် (ဗဵုကဒဝ်) ဂှ် မွဲတၞုၚ် ရဴဝွံ ကၠောန်လးလဝ်ဂၠံၚ်ပိသွာၚ်ရောၚ်ဂှ် ညးက္ဍိုက်ပ်ကၠောန်ဂၠံၚ်တိသမ္မထိုက် နာဲဗၠာဲ ဟီုရ။

“ဆေၚ်စပ်ကဵု ကၠောန်ဂၠံၚ်ဏံတုဲ ဒးဗက်သြန်လ္တူညးဍုၚ်ကွာန်ဂှ် ဟွံမွဲရ။ ၜိုတ်စေတနာကောန်ကွာန်တံနွံဂှ်ရ ညးတံစုတ်ကၠုၚ်ကဵုပိုဲ၊ မသြန်လေဝ် ဂွံတၟာဂလိုၚ် သီုသြန်ထံက်ပၚ်အဲ သီုသြန်စေတနာဂှ် ဗ္ဒဲါကၠံပြၚ်ၚ်ကီုရ။ ဆဂး ပြဟ်ဟ်ဏံ ဟိုတ်နူမသြန်တံဂှ် ဟွံသှေ်ရတုဲ ဒးဇူဒီုလဝ်ကၠာရ။ တုဲပၠန် လ္ပာ်ပိုဲကသပ်အောန်အာမွဲဂှ် ဆေၚ်ကဵုကၠောန်ဂၠံၚ်ဏံတုဲ ဟွံဂွံချပ်လဝ်ကဵု ဗော်ဍုၚ်မန်တၟိဂှ်ရ ယောၚ်ယာမ္ဂး ဒုဟ်နွံလ္ပာ်ပိုဲရ” ဂှ်လေဝ် နာဲဗၠာဲ ဆက်ဟီုရ။

ဂၠံၚ်တိသမ္မထိုက်ဝွံ ဇမၠိၚ်မွဲဟတ် မညဳသၟဟ်ကဵု အနာံသြိုဟ် (၈) ဟတ်မ္ဂး ဒတုံသြန် ၚုဟ်မး (၁၀၀၀၀) ဒ္ကေဝ်ဂှ်ရ မၞိဟ်ကဵုလဝ်ဒါန် ပေၚ် (၁၀၀၀၀) ဒ္ကေဝ်မ္ဂး ဒှ်ညးကဵုလဝ်ဒါန်ဂၠံၚ် မွဲဟတ်ရောၚ်တုဲ သြဝ် အိုဟ်တၟိုဟ်ကေတ် ကုသဵုဇကုဇကုအိုတ်ညိဂှ်လေဝ် နူကဵုကမ္မတဳကၠောန်ဂၠံၚ်တံ ဓမံက်ထ္ၜးလဝ် ပ္ဍဲကဵုလိက်တၞးသောၚ်စရၚ်ညးတံဂှ်ရ။

ဒေသပွိုၚ်ဍုၚ်လှာဒကှ်ဂှ် နွံမံၚ်အကြာၜဳၜါ မကော်ဂး ၜဳဝၚ်ရူ ကဵု ၜဳဇမိ သီုမဒှ်တိဍာ် ဗော်ဍုၚ်မန်တၟိ သြဇာတဴမွဲတုဲ နူကဵုဗော်ဍုၚ်မန်တၟိ ပံၚ်တောဲကဵု ခမဳသၚ်၊ ညးဍုၚ်ကွာန် ဒေသတံတုဲ ကၠောန်ဗဒှ်လဝ် ဂၠံၚ်ဍာန်ဇၞော်လးတၟံပိတၞုၚ် နူကွာန်ဒဵုထောၚ် စိုပ်သမ္မယျာ မွဲတၞုၚ်၊ နူကွာန်ကွိက်ခွိ အာကဵုသၞေဟ်သွံ၊ တံၚ်ဒဳမွဲတၞုၚ် ကေုာံ နူကွာန်ဒဵုထောၚ် အာလ္ပာ် ကွာန်ဝေသာလဳမွဲတၞုၚ် နွံရ။

အပ္ဍဲကဵုပွိုၚ်ဍုၚ်လှာဒကှ်ဂှ် လၟိဟ်ကွာန် ဗ္ဒဲါ (၃၀) ကွာန်မၞုံတုဲ ကွာန်ကအ်ပှ်လှ်ဝွံ လၟိဟ်သ္ၚိ နွံၜိုတ် (၆၀၀) ပြၚ်၊ ဗွဲမဂၠိုၚ်ဂှ် ကၠောန်တဴကမၠောန် တဵုကၠအ်၊ ခွာတ်ထၜိုတ်ရောၚ် ဂွံတီကေတ်ရ။

Written by

Related Posts

ယဝ်ဒးလုပ်ပြိုင်ပေါဲရုဲမာဲမ္ဂး ညးစၞးအလံင်အမာတ် ဗော်ညဳသၟဟ်မန် ဂၠာဲဝါတ်မာန်

ယဝ်ဒးလုပ်ပြိုင်ပေါဲရုဲမာဲမ္ဂး ညးစၞးအလံင်အမာတ် ဗော်ညဳသၟဟ်မန် ဂၠာဲဝါတ်မာန်

ကၠာသၞာံ ၂၀၂၅ ဟွံအိုတ်ဏံ ယဝ်ရပေါဲရုဲမာဲဒှ်ဍာံမ္ဂး ညးစၞးအလံင်အမာတ် ဗော်ညဳသၟဟ်မန် ဂၠာဲဝါတ်ညိရောင် ကမ္မတဳ ကေင်ကာဗဟဵုလ္ၚဵု အခါတ်အကာဲရ။

ပၠန်ဂတးပိုဲဂှ်လေဝ် “ဗၠတေအ်ဗၠတေအ်” ၊ ပရေင်ဍုင်ကွာန်ဂှ်လေဝ် ညံင်ဗြဲဂူ “ဖြေအ်အ်”

ပၠန်ဂတးပိုဲဂှ်လေဝ် “ဗၠတေအ်ဗၠတေအ်” ၊ ပရေင်ဍုင်ကွာန်ဂှ်လေဝ် ညံင်ဗြဲဂူ “ဖြေအ်အ်”

အလန်ဏံ ဍုင်အမေရိကာန် ကလေင်ဒှ်ပၞာန်အပ္ဍဲဍုင်မာန်မံင်ရောင်ဂှ် တၠပညာလ္ရဵုတအ် တော်ဆဗှ်လဝ်နိမိတ်ပရဟ်ဟီုလဝ်နွံဂှ် စွံရံင်သတိမဂး တီကေတ်မာန်ရ။ ပ္ဍဲပရိုင်ဍုင်အမေရိကာန်တ္ၚဲဏံ ချူလဝ်နာနာသာ်ဂှ် အကြာသမ္မတကဵုညးစဍုင်ကာလဳဝှဝ်နဳယျာ Governor အရေဝ်ဂၠိုင်ညးသကအ် စပ်ကဵုအရာစကာအဝဵုတွဵုရးကဵု အဝဵုကၟိန်ဍုင်၊ သမ္မတစကာအဝဵုကၟိန်ဍုင် ၜက်တိတ်အာနူ မပိုင်ကၞာတ်လဝ်ဂှ်တုဲ၊ အဝဵုတွဵုရးဂှ် ဒးဆောံလေင်အာ။ အရာမဒးစကာအဝဵု စပ်ကဵုဂွံစကာဇြဟတ်ဒပ်ပၞာန် ဂွံလိုန်ပိန်ကၠေံ ရဲထ္ၜးဆန္ဒတအ်ဂှ် ဒးတတ်ရုင်ညးစဍုင်ကာလဳဝှဝ်နဳယျာကၠာရောင်။ သၟိင်စဍုင်ကာလဳဝှဝ်နဳယျာ ဟွံအာတ်မိက်မွဲသာ် ပလံင်နင်ဒပ်ပၞာန်တအ်ဂှ် ဗၠေတ်နူသၞောဝ်ရောင် မပ္တံသာ်ဏံ သေက်ဇဵုကယျာန်ဓဝါတ်ညးသကအ်အိုတ်ရ။ ပိုဲကေင်တီလဝ်မွဲသာ်ဂှ် အဝဵုတွဵုရး ပ္ဍဲကၟိန်ဍုင်အမေရိကာန်ဂှ် ဇၞော်မံင်ဂှ်တုဲ အဝဵုကၟိန်ဍုင်ဂှ် ဍောတ်မံင်ရောင်။ တုဲပၠန် အကာဲအရာပစ္စုပ္ပန်ဝွံဂှ် ပိုဲသ္ရေဝ်မၠာ်ရံင်မဂး ဂတဏံ သွက်ဂွံလုပ်ပြိုင်သမ္မတပၠန်ဂှ် သၟိင်စဍုင်ကာလဳဝှဝ်နဳယျာဂှ် ဒှ်ပူဂဵုဒယှ်တှ်အိုတ်မွဲ သွက်ဂွံသ္ပစၞး ကဵုဗော်ဒဳမဝ်ကရိတ်ဂှ်တုဲ ယဝ်ရဟွံဖျေံကၠေံညးတေံ နူလၟုဟ်မဂး သွက်ဗော်ရဳပါဗ္ဗလဳကေန်ဂှ် အန္တရာဲနွံရောင်။

သၟိင်ဍုင်ယုတ်ကြာန်မ္ဂး ကောန်ညးဍုင်ကွာန်လေဝ် စရိုတ်သဝ်စှ်ေမာန်

သၟိင်ဍုင်ယုတ်ကြာန်မ္ဂး ကောန်ညးဍုင်ကွာန်လေဝ် စရိုတ်သဝ်စှ်ေမာန်

ဂလာန်မ္ဂး “အဒါတ်ဗက်ဗျ ကောန်တုပ်ဗက်မိမ” ဂှ် ဒှ်ဂလာန်တၠပညာ ညးတမၠာတံရ။ ဗွိုင်လဵုပိုဲရံင်င် တၠုင်လအာတုပ်ဒၟံင်သာ်ဂှ် ကြပ်သီုဖအိုတ်ရ။ ဟီုကၠးကၠးမ္ဂး သီုဖအိုတ်ရဂှ်ဟွံသေင် ဗွဲတၟေင်ကၠာဲအာညိညိနွံရ။ ပ္ဍဲဂြောဝ်ဂတာမွဲမွဲ တၞဟ်ခြာနူမဇ နွံမွဲတွဵုရ။ ဂလာန်သာ်ဏံလေဝ်နွံရ။ ဍာံပြတဴဗွဲမလောန်ရ။ ပရေင်ပရောတံဏံ ယဝ်သ္ဒးချူဗွဲတြးမ္ဂး ပြးသၠဲတိတ်အာ ဗွဲမဂၠိုင်မာန်တုဲ လိက်ပရေင်ဏံ ချူပတဝ်ဏာကဵု သၟိင်အုပ်ဓုပ်ဍုင်ဗၟာတံ ကဵု ကောန်ညးဍုင်ကွာန် ကောန်ဍုင်ဗၟာတံ ဒဒှ်ကာလပစ္စုပ္ပန် လၟုဟ်ဏံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.