ပ္ဍဲတွဵုရးဍုၚ်မန် မၞိဟ်ယဲသံသယကိုဝ်ဗေတ်ဂှ် ချိုတ်အာ ၄၁ တၠတုဲ မၞိဟ်ယဲဒးမၚ်ရံၚ် PUI ပေၚ်အာ ၁၉၀ တၠ

by | Jun 10, 2020 | ပရိုၚ် | 0 comments

ပ္ဍဲကဵုတွဵုရးဍုၚ်မန် ဒဵုကဵုဂိတုဂျောန် ရ ဂှ် မၞိဟ်ယဲသံသယကိုဝ်ဗေတ်ဂှ် ချိုတ်အာ ၄၁ တၠတုဲ မၞိဟ်ယဲဒးမၚ်ရံၚ် (Patient Under Investigation-PUI) နွံကၠုၚ် ၁၉၀ တၠရောၚ် နူကဵုဌာနဍိုက်က္ဍိုပ်ပရေၚ်ထက်ယုက် တွဵုရးဍုၚ်မန် ဒံက်တာတာန်လွေန်အံၚ် ဟီုကၠုၚ်လဝ်ရ။

“မၞိဟ်ယဲချိုတ်အာဂှ် ဟွံဆဵုစၟယဲ ကိုဝ်ဗေတ် ပုဟ်။ ညးတံချိုတ်အာကဵု ယဲတမ်မူလညးတံရ” သာ်ဝွံ ဒံက်တာတာန်လွေန်အံၚ် ဟီုလဝ်ရ။

ရုၚ်ဌာနက္ဍိုက်ပ်ပရေၚ်ထတ်ယုက် တွဵုရးဍုၚ်မန်

ပြဟ်ဟ်ဏံ ပ္ဍဲကဵုရုၚ်ဂဥုဲဂှ် မၞိဟ်ဒးမၚ်ရံၚ်ယဲ PUI နွံမံၚ် ၁၄ တၠဏီကီု မၞိဟ်ယဲချိုတ်အာဂှ် ကေတ်လဝ်နမူနာ ပလံၚ်လဝ် ဌာနပါ်ဓာတ်အဆံၚ်ကောန်ဂကူ (ဍုၚ်လ္ဂုၚ်) NHL တုဲ စမ်ၜတ်လဝ်ကီုလေဝ် ဟွံဆဵုစၟယဲကိုဝ်ဗေတ် ရောၚ် ညးဟီုလဝ်ရ။

ပ္ဍဲကဵုတွဵုရးဍုၚ်မန်ဏံ သၟာကမၠောန်ဆဵုပြံၚ်တံကလေၚ်လုပ်ကၠုၚ် အသုတ်ဒုတိယဂှ် လၟိဟ်မၞိဟ် ၂၇၀၀ ပြၚ်တုဲ ပ္ဍဲကဵုသၟာကမၠောန်ဆဵုပြံၚ်တံ သွက်ဂွံစၟဳစၟတ်အာ စၟယဲနွံဟွံမွဲကီုရောၚ် နူကဵုဌာနဍိုက်က္ဍိုပ်ပရေၚ်ထက်ယုက် ဟီုကၠုၚ်ရ။

” ရဲက္လေၚ်စဴကၠုၚ် လ္ပာ်ဂၠံၚ်မြဝတဳ မွဲကဆံၚ်ဂှ် နွံမံၚ် ပ္ဍဲကဵုဒၞာဲ CBFQ ရ။ ပြဟ်ဟ်ဏံ မၞိဟ်စဴကၠုၚ်ဂှ် နူကဵု ပရေၚ်ထက်ယုက်တံ စၟဳစၟတ်ပါ်ကဵုအာဓာတ်ဏောၚ်၊ ပြဟ်ဟ်ဏံမၞိဟ်ယဲနွံမံၚ်ကဵုပိုဲဂှ် ဟွံဆဵုစၟယဲဂှ်ဏီပုဟ်” သာ်ဝွံ ဒံက်တာတာန်လွေန်အံၚ် ထပ်ဟီုကၠုၚ်လဝ်ရ။

သွက်ဂွံပါ်ဓာတ်စမ်ၜတ် စၟယဲတံဂှ် ဖန်ဇန်လဝ် ပ္ဍဲကဵုဌာနပါ်ဓာတ်ယဲကိုဝ်ဗေတ် ဍုၚ်မတ်မလီုကဵု ဌာနပါ်ဓာတ်အဆံၚ်ကောန်ဂကူ (ဍုၚ်လ္ဂုၚ်) တံ စၟဳစၟတ်ကဵုအာရောၚ် ဂွံတီကေတ်ရ။

ပ္ဍဲကဵုတွဵုရးဍုၚ်မန်ဂှ် မၞိဟ်ဒှ်ယဲကိုဝ်ဗေတ် ကေၚ်နွံကၠုၚ်လဝ် (၁) တၠတုဲ လၟုဟ်ဝွံ ယဲဗၠးအး ဂွံစှေ်နူကဵုရုၚ်ဂဥုဲ စဴတန်တဴဒၟံၚ်ပ္ဍဲသ္ၚိဌာန်ရောၚ် ဂွံတီကေတ်ရ။

Written by

Related Posts

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.