Tag: မိနန်

ပရေၚ်ညးဗြဴတံ ဒးဒုၚ်ဒၟံၚ်ဘဲဒဏ်ပကီုပရာပ် အခိၚ်တ္ၚဲဏံဝွံ သ္ဂောံစိုပ်ကၠုၚ်ဂတမုက် ညးဍုၚ်ကွာန်တံဂှ် ဝါတ်ဂါတ်ဒၟံၚ်တုဲ ညးဗြဴတံ ဒးဒုၚ်ပကီုပရာပ်မံၚ်ဂှ် ဒှ်ကၠုၚ်ဗီုပြၚ်အခိုက်ကၞာမွဲရောၚ် သာ်ဝွံ ဥက္ကဋ္ဌဂကောံညးဗြဴမန် (MWO) မိလွဳဟာန် ဟီုပ္တိတ် ပ္ဍဲတ္ၚဲဖၟိုတ်ကၠေံ ပရေၚ်ပကီုပရာပ်လ္တူညးဗြဴဂၠးကဝ် မကၠောန်ဗဒှ်လဝ် ဒၞဲါဖလာတ်ကျာ် လ္ဒောဝ်ဍုၚ်၊ ဍုၚ်ရေဝ်၊ တွဵုရးဍုၚ်မန်ဂှ်ရ။

ဂကောံညးဗြဴမန်ပံၚ်တောဲ (MWN – Mon Women Network) အာဂတပၠတရဴတုဲ ကၠောန်ဗဒှ်ဏာ ပေဲါပ္တိုန်ဂုဏ်စရာဲ ကုက္ဍိုပ်သ္ကိုပ်ညးဗြဴမန်မွဲတၠ ညးမက္လိဂွံလဝ် လာဘ်ပရေၚ်ၜိုဟ်လလမ် ဒေသအာယှ (N – Peace Awards 2014) မိကောန်ဆာန်နန် ပ္ဍဲဂိတုနဝ်ဝေမ်ဗာ (၉)၊ ဒၞဲါၝောံခန်ပိုၚ်ခေတ် မၞုံပ္ဍဲအရာပ်မျာၚ်သာယာ ဍုၚ်မတ်မလီုဂှ်ရ။