Tag: သၟဟ်သၟန်

အ္စာသဝ်နာဲစောန်တၟးဂှ် “ဗော်ဍုၚ်မန်တၟိဂှ် စပ်ကဵုဂဥုဲၜူမာဲတုဲ ဗတိုက်သရိုဟ်၊ ရပ်မံၚ်ဏောၚ်။ ပိုဲတံ ဒးစိုတ်မံၚ်ကွေံကွေံရ။ ပ္ဍဲကဵုဍုၚ်ပိုဲလေဝ် အနာဂတ်တေံ ဒှ်ကၠုၚ်ကၟိန်ဍုၚ်ဖေဝ်ဒရေဝ်ဏောၚ်။ အခိၚ်ဂှ်တှ်ေ သၟတ်ပိုဲတံ စောဲလာံမံၚ်ကဵုဂဥုဲၜူမာဲတှ်ေ အနာဂတ်တေံ ခိုဟ်ဟွံမာန်ပုဟ်။ သွက်ဂွံခိုဟ်စ အဓာန်ဂတဂှ်ရ ပိုဲကၠုၚ်ကဵုဒါန်လၟုဟ်ဏံ” သာ်ဝွံ ညးဟီုရ။

ပ္ဍဲကဵုတွဵုရးဍုၚ်မန်ဂှ် ပွိုၚ်ဍုၚ်မတ်မလီု၊ ပွိုၚ်ဍုၚ်သဓီုတံ မၞိဟ်ယဲဂၠိုၚ်တိုန်မံၚ်လၟေၚ်ၚ်တုဲ ကိုပ်ကၠာတေံ ပလံၚ်ဗစိုပ်လဝ် CBFQ Center ကဵုလုပ်မံၚ် Quarantine ကီုလေဝ် လၟုဟ်ဝွံ သ္ပစၟတ်သမ္တီ ကၟာတ်သ္ၚိတုဲ ကဵုဒၟံၚ်အာ ပ္ဍဲသ္ၚိရောၚ်။

ပ္ဍဲကဵုတွဵုရးဍုၚ်မန်ဂှ် ပွိုၚ်ဍုၚ်မတ်မလီု၊ ပွိုၚ်ဍုၚ်သဓီု ကေုာံ ပွိုၚ်ဍုၚ်ကျာ်ထဝ်တံ မၞိဟ်ဒှ်ယဲဂၠိုၚ်တုဲ သီုဖအိုတ်ဂှ် မၞိဟ်ယဲကဝ်ဝေဒ် (၁၇၂၀) တၠနွံတုဲ မၞိဟ်ချိုတ်အာဂှ် (၁၃) တၠနွံရောၚ်။