ဗော်ပရေၚ်ဍုၚ်ကွာန်မန် အပ္ဍဲဍုၚ်တေံ ညံၚ်ဂွံပံၚ်ကောံ ဒှ်မွဲဂှ် ဗော်ဍုၚ်မန်တၟိ သ္ပက္ဍိုပ် ရၚ်တၠုၚ်အာဏောၚ် နာဲဟံသာ ဒုဥက္ကဌ ဗော်ဍုၚ်မန်တၟိ ဂးကဵုဌာန်ပရိုၚ်ဗၠးၜးမန် MNA ရ။
Category: ပရိုၚ်
ညးစၞးအလဵုအသဳကဵု ညးစၞး ဂကောံ ရပ်လွဟ် (၈) ဂကောံ မထ္ပက်လဝ်စၟတ်တဲ NCA တအ် ဆဵုဂဗသဳကၠဳညးသ္ကအ် ပ္ဍဲဂိတုမေ ၁၉ ဂှ် ဂကောံရပ်လွဟ် ကောန်ဍုၚ်အရၚ် (၇) ဂကောံ ဟဂွံထ္ပက်စၟတ်တဲ လိက်ကသုက် ဒိုအ်ပန်ပှော်အလုံမွဲဍုၚ် (NCA) ဏီဂှ်လေဝ် ကဵုအခေါၚ် ပါလုပ်ပ္ဍဲသ္ဘၚ်သဳကၠဳ ပေန်လုၚ် ၂၁ ဗွဝ်ကၠံ ကီုဏောၚ်ဂှ် တုပ်စိုတ်တုဲရ သာ်ဝွံ ပဒဵုမာန်ညိၚ်မံၚ် ကမ္မတဳရၚ်တၠုၚ်ကေၚ်ကာဗဟဵု ဗော်ကရေၚ် KNU ဂးရ။
ကမ္ပဏဳ June Cement Industry Ltd. မဂွံလဝ်အခေါၚ် သိုၚ်ရုၚ်စက်တၟိ တိဗုတ် ပ္ဍဲဒေသဒဵုသာဲ ပွိုၚ်ဍုၚ်ကျာ်မြဟ် တွဵုရးမန်ဂှ်ဝွံ ၜိုန်ရပ်ဒၟံၚ်ကလောန် သိုၚ်ခၞံဣရကီုလေဝ် ညိလေဝ် ဟွံဂွံကဵုလဝ်သမ္တီ ကုအလဵုအသဳ တွဵုရးမန်ရဂှ် ဂွံတီကေတ်ရ။
က္ဍိုပ်သ္ကိုပ်ဂမၠိုၚ် နူဂကောံရပ်လွဟ် (၈) ဂကောံ မထ္ပက်စၟတ်တဲ လိက်ကသုက် NCA တုဲတအ် သၟဟ်န်တုဲ ပ္ဍဲသၞာံ ၂၀၁၆၊ နူဂိတုမေ ၁၈ ဒဵုကဵု ၂၂ ပ္ဍဲပွိုၚ် ၅ တ္ၚဲဏအ် ညးတအ်ကၠောန်ဒၟံၚ် ပေါဲချပ်ဓရီု ကဏ္ဍပရေၚ်ဍုၚ်ကွာန်မွဲ ပ္ဍဲဇၞူဒပ်အၚ်လှာ (အၚ်းယားလိတ်ဟိုတယ်) ဍုၚ်လ္ဂုၚ်ရ ဂွံတီကေတ်။
ကောန်ကမၠောန် (၅) တၠ မဝဳမၚ်ဒၟံၚ်သဵု ဗော်ဍုၚ်မန်တၟိ ပ္ဍဲတ္ကအ်ကောန်လုံ ပွိုၚ်ဍုၚ်ရေဝ်ဂှ် နူဒပ်ပၞာန်ဍာ် အလဵုအသဳ ရပ်ဏာတုဲ ပ္ဍဲဂိတုမေ ၁ရ ဂှ် ကလေၚ်ဗၠးစဴကၠုၚ်ဣရ ရဴဝွံ ဂွံတီကေတ်နူဂြောဝ်ဂတာ တၠခန္ဓ တအ်ရ။
ရုၚ်စက်တိဗိလာတ်မတ်မလီု MLC မသိုၚ်ကၠောန်လဝ် ပ္ဍဲဒေသဒဵုသာဲ ပွိုၚ်ဍုၚ်ကျာ်မြဟ် ရးမန်ဝွံ နကဵုဂရာန်လိၚ် အကွက်ပွိုၚ် ၃၀ သၞာံ အလန်ပထမ၊ ဂွံလဝ်အခေါၚ်စကာတိ ဗၞတ် ၁၃၀၀ ဨကပြၚ် ပ္ဍဲအပိုၚ်ဂအုံကွာန် ခဒုၚ်ဂစေပ်/ကွာန်ၚ္ၚာၚ် တုဲရ ဂွံတီကေတ်။
ပ္ဍဲကဵုလိက်ဗော်ဍုၚ်မန်တၟိ ပလံၚ်ဗစိုပ်လဝ် ကုဂကောံပံၚ်ကောံပရေၚ်ဂကူမန် MAU ပိဗွိုၚ် အပ္ဍဲဂိတုအေဗရဴ ၂၉ ဂှ် အခန်ပရေၚ်ဍုၚ်ကွာန် ဗော်ပရေၚ်ဍုၚ်ကွာန်ဟေၚ် ဒးအာက္ဍိုပ်ကၞောတ်အထောတ်တုဲ လ္တူကိစ္စဟီုပ္တိတ်လဝ် ၁/၃ နွံမံၚ်ဂှ် ညးလျိုၚ်ဗွိုၚ်အပ္ဍဲဍုၚ် ကေၚ်ကာဗဟဵု ဗော်ဍုၚ်မန်တၟိ နာဲဝေန်လှ သောၚ်က္လးကဵု ဌာန်ပရိုၚ်မန်ရ။
ယြဴကောန်ဂကူလဵုမွဲဟွံဟီု ဒးထိၚ်ဒက် မၚ်မွဲအာ အရေဝ် လိက်ပတ်ဘာသာ ယေန်သၞာၚ်ဇကု ဒှ်ဍာံကၠာလေဝ် စောဲလာံ ခစိုတ်လဝ်အရီု ဆပ္ဍဲအရေဝ် လိက်ပတ်ဘာသာဇကုသၟးမ္ဂး ကာလလဵုမွဲ ပတဝ်ကဵု ရးဂၠးတိတအ်ဟွံမာန် သာ်ဝွံ နာဲတိတ်လောန် (နိုၚ်သက်လွၚ်) ဝန်ဇၞော်ကၟိန်ဍုၚ် ဌာနဝန်ဇၞော် ပရေၚ်ကေၚ်ကာကောန်ဍုၚ်အရၚ် ဟီုဂးဏာ ပ္ဍဲပေါဲမဆဵုဂဗသဳကၠဳ ကုကမ္မတဳ လိက်ပတ်ယေန်သၞာၚ် ကောန်ဍုၚ်အရၚ်တအ်ဂှ်ရ။
ရိုဟ်ဟ်ဒဒှ်တ္ၚဲ စၠောံဒၟံၚ်ကွဳစက်ဖ္ဍိုက်မၞိဟ် နကဵုဖံၚ်ဂၠုၚ် (ဂၠုၚ်စက်ဍောတ်တ်ၜါမ တောဲပြိုၚ်တုဲသ္ပလဝ်ဖံၚ်) နူကဵုဒဒန်ရာမည (မတ်မလီု) ကၠောံအာကဵုတ္ကအ်ခၟိုၚ် လ္ပာ်တ္ကအ်မုပန်(သၞေဟ်ဂလာ) တေံဂှ် ဒှ်အန္တရာဲလမျီုမာန်မံၚ်ဏောၚ် ရဲဒေသတအ်ဂးရ။
မွဲဒမြိပ်ဂၠံၚ်နူကွာန်ကလအ် စဵုဍုၚ်ခေါဇာ ဂၠံၚ်ဂွံသၠဲတိုန်ဂးတုဲ နူကဵုအလဵုအသဳ၊ ဌာနကၠောန်ဂၠံၚ်ညးဍုၚ်ကွာန် (ပြည်သူ့ ဆောက်လုပ်ရေး) တံ က္ဍိုပ်တိဝါဗ္ၚ ညးဍုၚ်ကွာန် မၞုံမံၚ်သ္ကဲဂၠံၚ် (၂) လ္ပာ်တံ တုက်လဝ်တိကၠအ်ဗွဲမဂၠိုၚ်တုဲ ညးဒေသ ဒးဒုၚ်ဆောံလေၚ်မံၚ်တိကၠအ်တံဂှ် မိက်ဂွံဂွံမံၚ်ၚ္ၚုဟ်လေဲရောၚ် ဟီုဂးမံၚ်အိုတ်ရ။