Category: ပရိုၚ်

သွက်ဂွံဒှ်သြန်ဂအုံပရေၚ်ပညာကောန်ဂကူမန်အလုံပွိုၚ်ဍုၚ်ဇြပ်ဗုတုဲ ပ္ဍဲကဵုတ္ၚဲမ္ၚဵုဝိဇာမၚ်္ဂလ ကျာ်ဇၞော်အ္စာဘာဟံ သာထဝ် ဍုၚ်ဇြပ်ဗုဂှ် သီုကၠောန်ဗဒှ်ဂဳတ ဂၠာဲသြန်ဂအုံ သွက်ဘာကောန်ဂကူမန် အလုံပွိုၚ်ဍုၚ်ဇြပ်ဗု ပွိုၚ် ၂ ဗ္တံရောၚ် ဂွံတီကေတ်ရ။

ဂလာန်မ္ၚိုဟ်ဟ်ကြံၚ်ကြံၚ် ဂံၚ်ဂံၚ်ထတ်ထတ် ၜေတ်လတ်တိတ်နူပါၚ် “သဘၚ်သဳကၠဳသ္ၚိကၠတ်” ဗကဍတ်ပြၚ်ၚ် ကလၚ်ဒးကတောဝ် မုက်ဂေါဝ်ရာၚ်ဆာဲလေဝ်နွံ၊ မုက်အောဝ်ထညောန် ကဟောန်ကဟေဲ မတ်ပလေဲလေဝ်နွံ အဟောန်အဟေဲ ထေဲထေဲပၞတ်ပၞတ် မတ်ဍာဲလေဝ်နွံ မၞိဟ်ဒးဂၞပ်တုပ်စိုတ် ထံက်ဂလာန်လေဝ်နွံ၊ အမာတ် ကောန်ဍုၚ်အရၚ်ဂမၠိုၚ်ကီု ဝန်ဇၞော်မည် နာဲအံၚ်ထဝ်၊ အ္စာမည်ဖဝ်ချဝ်၊ အ္စာဘာနာဲမၞိက်ရတ်၊ အမာတ်ဍောတ် နာဲအံၚ်ရတ်ဒှ်တံကီု ပါလုပ်လပါ်ဝန်ဇၞော်တခေၚ်၊ ပေၚ်ပေၚ်ကၟိုဟ်ကၟိုဟ်ရ။

ပ္ဍဲတွဵုရးမန်ပိုဲ ထပ်ခါန်ဂလိုၚ်ပ္တိုန် အ္စာတန်မူလ (စလိၚ်တ္ၚဲ) တြုံတြုံဗြဴဗြဴ ၜိုတ် ၂၀၀ တလပၠန်ဏောၚ်ဂှ် ဂွံတီကေတ် နူရုၚ် သ္ကိုပ်ပရေၚ်ပညာ တွဵုရးမန်ရ။

“ပ္ဍဲတွဵုရးမန်ဏအ် တၠပညာလေပ်လိက်တအ် နွံမံၚ်ဍိုက်က်ပေၚ်ၚ်ရတုဲ ယဝ်ဗ္စာရံၚ်ကဵု တွဵုရးတၞဟ်ဟ်တှေ် ပ္ဍဲတွဵုရးမန်ပိုဲဏအ် နွံပၟိက်ဟွံဂၠိုၚ်ရ။အတိုၚ်သၞောတ် 1 Plus 4 (ဂအုပ်ဘာ ၁ ကဵု ဒစှေ် ၄ တလ) မ္ဂး ညံၚ်ဂွံနွံပေၚ်ၚ်ဂှ် ပ္ဍဲတွဵုရးမန်ပိုဲ ဒးထပ် (၁၉၁) တလ၊ ပြဟ်ဟ်ဏအ် ဒးဗပေၚ်ဣဏအ်ဏောၚ်၊ညံၚ်ဂွံဒှ် 1 Plus 4 ဂှ် ဒးဗပေၚ်ဏောၚ်” ဥူမျဵုတေအ်အံၚ် သ္ကိုပ်ပရေၚ်ပညာ တွဵုရးမန် ဂးတဴသာ်ဂှ်ရ။

ပ္ဍဲဒေသဖါလိန် ပလိုတ်ဍုၚ်ရေဝ်ဂှ်ဝွံ အပေါတ်သယံဇာတ ဂၠိုၚ်ဂၠၚ်သ္ဂေဟ်သွဟ်ဒၟံၚ်ဗီုလဵု၊ သတ်ကၟဝ်ဇဝ်ပကဴ သွက်ပိုဲမၞိဟ်တအ် ဗြေဝ်ဗြော်ဒၟံၚ် ဂလိုၚ်လဵုရောဂှ် အလဵုဇကု ညးသၟတ်ဂမၠိုၚ် ဒေသဖါလိန် ဗက်ကံက်ကေတ်လဝ် တၚ်နၚ်ဒဒှ်ဍာံဍာံတုဲ ချူခၞံလဝ် နဒဒှ် လိက်ဒုၚ်စဳရေၚ် သုတေသဳဂှ် ပ္ဍဲဂိတုအေဗရဴ (၂၅) ပယာံတ္ၚဲစေၚ် ကၠောန်သ္ပကၠုၚ် အသေအဟာန်

ပ္ဍဲဂိတုအေဗရဴ (၂၆) ပယာံနူဂယး ၜိုတ် (၈) နာဍဳ ရပ်ဂွံဂဥုဲၜူမာဲ ကေုာံလက်နက် မပ္တံလေအ်ဒုက် ၜုန် မြသ္ဇၚ် မခတိုဟ် လွဟ်ကျာ ပ္ဍဲကွာန်အစေန် ပွိုၚ်ဍုၚ်ရေဝ် တွဵုရးဍုၚ်မန်ရဣၚုဟ် ဂွံတီကေတ် နူဒပ်ကောံ မလၞိန်ဗပိန်ပရေၚ်ဂဥုဲၜူမာဲ ကၟိန်ဍုၚ်ဗၟာ လၟေန်ဂၞန်ဒပ် (၃၉) (ရေဝ်) ရ။

“ပြဟ်ဟ်ဏအ် အဲစၟဳစၟတ် သၟာန်သၟုက်မံၚ် ကောန်ဒုဟ်တအ်ဂှ်ဖိုဟ်ရ။ဆ္ဂး အဆက်နွံဗီုလဵုရောဂှ် ဗက်ဒတောဝ်အဆက် ဟွံတုဲဏီ” ရဂှ် ဒုသ္ကိုပ်ဗၠာဲသၟိၚ်တာန်ဇြဝ် မဒှ်သ္ကိုပ်ဒပ်ကောံ မလၞိန်ဗပိန်ပရေၚ်ဂဥုဲၜူမာဲဂှ် ဂးရ။

အပေါတ်မသီဂွံတအ်ဂှ် ပ္ဍဲဥုသဵုမဵုဥူ ဂဥုဲချေံ (၂၂၈) မ၊ မခတိုဟ် (၁) မ။ ပ္ဍဲမိုၚ်အာကာဥုဂှ် ရပ်ဂွံ ဂဥုဲချေံ (၃၀) မရဂှ်လေဝ် ဒုသ္ကိုပ်ဒပ်ဗၠာဲသၟိၚ် တာန်ဇြဝ် ဂးရ။

“မၞိဟ်ဒးဒုၚ်ရပ်ဏာလၟုဟ်တအ်ဂှ် ဒှ်မၞိဟ်သီုသွံ သီုနိဿဲဂဥုဲရ ပိုဲဂွံတီလဝ်။ ကွာန်အစေန်ပိုဲဏအ် ပ္ဍဲပွိုၚ် ရ/၈ သၞာံဏအ် ကိစ္စဂဥုဲၜူမာဲ ပြးဂၠိုၚ်ကၠုၚ်တၟာဂလိုၚ်ရ။ စနူကောန်ကွးဘာ ရ/၈ တန်ဂှ် စကာလေပ်အာအိုတ်ယျ” သာ်ဝွံ ဥုကိုဝ်နာၚ်ၚ် ၝောံမၞိဟ်ကွာန်အစေန် ဂးရ။

ဗီုဏအ်ကီု ပ္ဍဲဂိတုရအဗရဴ (၁၀) တုဲကၠုၚ်ဏအ်ဂှ်လေဝ် ဒပ်ကောံ (၃၉) (ရေဝ်) ဏအ်ရ ရပ်ဂွံဂဥုဲချေံ (၁၂၀) မ ပ္ဍဲသ္ၚိဥုဌေလှာၚ် ကွာန်ကအ်ချ မလုပ်အဝေါၚ်ဂအုံကွာန်ကအ်ဍောတ် အပိုၚ်ဗၠာဲသၟိၚ် ဍုၚ်လၟိုၚ် ပွိုၚ်ဍုၚ်ရေဝ်ဂှ်ကီုရ ဂွံတီကေတ်။

နူကဵုဂိတုဖေဖဝ်ဝါရဳမံက်တေံ ဥက္ကဋ္ဌ ဗော်ဒဳမဵုကရေဇြဳအလုံရးမန် နာဲသိုက် စုတိအာတုဲကီုလေဝ် စဵုကဵုလၟုဟ် ကဆံၚ် ဥက္ကဋ္ဌဗော်ဂှ် ဟွံဂွံရုဲစှ်သ္ပဒတန်ဏီရောၚ် ညးတာလျိုၚ်ဗော်တံဟီုရ။

အစဳအဇန် ရုၚ်စက်တိဗုတ်မတ်မလီု MCL မဗဂေတ်စက် နပွမစံၚ်ဗဂဵုချးတၟအ်ဂှ် ဗဒိုအ်ကဵုညိ သာ်ဝွံ ကောန်ဒေသ (၃၇၈၀) တၠ နူကဵုကွာန် (၇) ကွာန်တအ် ထ္ပက်စၟတ်တဲဒ္စဵုဒ္စးတုဲ ပ္တိုန်ထ်ၜး အာတ်မိက်လဝ် ကုသ္ကိုပ်ဝန်ဇၞော် တွဵုရးဍုၚ်မန် ကေုာံ သမ္မတကၟိန်ဍုၚ်ရောၚ် ဂွံတီကေတ်ရ။

ဂကောံပံၚ်ကောံပရေၚ်ဂကူမန် MAU က္ဍိုက်ပ်တုဲ ပ္ဍဲကဵုဂိတုမေဂှ် သွက်ဂွံကၠောန်ဗဒှ် အာ ကောံဓရီုဇၞော်ပရေၚ် ဂကူ မန် မရနူက်ကဵု (၈) ပ္ဍဲကွာန်ပလိုၚ်ဂျပါ ဒေသကျာ်ပိဂှ် ဗော်ပရေၚ်ဍုၚ်ကွာန်မန် ဗွိုၚ်အပ္ဍဲဍုၚ်တံ ဟွံတိုန်စိုပ်ရောၚ် ဟီု ဂးမံၚ်အိုတ်ရ။

ပ္ဍဲတွဵုရးဍုၚ်မန်ဝွံ ကွာန်လ္ၚဵုလ္ၚဵု မကြပ်ဒၟံၚ်ကဵုဒေသ ဍာ်ဖၞုၚ်ဂှ် မွဲတဲလေဝ် ဗြဲဟွံဂူစှေ်ဏီဂှ်ရ ဒးဆဵုဒၟံၚ်ဘဲဝါတ်ဍာ်ဏောၚ် ဂွံတီကေတ် နူဌာနက္ဍိုက်ပ်ပရေၚ်ဖေါအ်ဗြေဝ် ဒေသကွာန်ရး ရ။