တုဲကၠုၚ်ဂိတုအေပရဴ ၁၈ ဂှ်နူကဵု ကမ္မတဳတိုၚ်ကၠောန်ကောံဓရီုဇၞော်ဗွိုၚ်အပ္ဍဲဍုၚ်တံ ရုဲစှ်လဝ်လၟိဟ်ညးစၞး နူ ကဵုသွာၚ်ဂကောံနာနာတံ တုဲဒှ်ကီုလေဝ် ကလေၚ်သ္ပဒတန်ပ္ဍဲကဵုဂကောံပံၚ်ကောံလိက်ပတ်ယေန်သၞာၚ် မန်ဗဟဵုပၠန်ရောၚ် ညးတာလျိုၚ်တံ ဟီုထ်ၜးရ။
Category: ပရိုၚ်
ပ္ဍဲဍုၚ်ကျာ်ပိ ရုၚ်စက်ဆု တူအာ
ရုၚ်စက် ပါ်ကရေက်ဆု မၞုံယၟု “ဖဳဠေပ်” နွံပ္ဍဲအရာပ် (၁) ဍုၚ်ကျာ်ပိ (ပယျဵု သေံ ဗၟာ) ဂှ်ဝွံ ပ္ဍဲဂိတုအေဗရဴ (၂၁) ပယဵုယး ၜိုတ် (၄) နာဍဳ စတူပၟတ်တုဲ စိုပ်ၜိုတ်ဒေါဝ်တ္ၚဲ ပၟတ်ပၠိုတ်လလံအာ ဂွံတီကေတ်ရ။
ရန်ကဵု ညးဒးဒုၚ်ပန်ဂစိုတ် ၜါတၠ မဒှ်ကောန်ကွာန်ပါၚ်မၚ်ဂၠန် ပွိုၚ်ဍုၚ်ပါ်ခေါဇာ ပွိုၚ်ဍုၚ်ရေဝ်သမၠုၚ်ကျာ မၞုံကဵုပရေၚ် ဝးပကဝ် အခေါၚ်အရာမၞိဟ် ဂၠိုၚ်ၚ်ဂၠၚ်ၚ်ဂှ်တုဲ ရဲဒေသဂမၠိုၚ်တအ် သ္ပက္ဍိုပ် ကၠောန်သ္ပ ပတ္တိဒါနကုသိုလ် ပ္ဍဲတ္ၚဲပေၚ် မွဲဂိတုရ။
ကောံဓရီုဇၞော်ပရေၚ်ဂကူမန် မရနုက်ကဵု(၈)ဝါ ရန်လဝ်သွက်ဂွံကၠောန်အာ ပ္ဍဲကဵုဂိတုမေဏံဂှ် ဂစာန်တုဲ ဆက်ရေၚ်တၠုၚ်အာရောၚ် ပ္ဍဲကဵုပေဲါဆဵုဂဗညးစၞးဗော်ဍုၚ်မန်တၟိ ကဵု ဂကောံပံၚ်ကောံပရေၚ်ဂကူမန် MAU ဂှ်ထပ်ဖျေံဏာရ။
ပ္ဍဲ (၁၀) ပွိုၚ်ဍုၚ် နွံပ္ဍဲတွဵုရးမန်ဏအ် တိ ဒပ်ပၞာန်ကဵု ဌာနနာနာအလဵုအသဳတအ် သီကေတ်တုဲ က္လေၚ်ကဵုဂှ် နွံ ၁၆၀၀၀ ဨကပြၚ် သာ်ဝွံ ဂွံတီကေတ် နူညးတာလျိုၚ်မွဲတၠ (နူဂကောံကမ္မတဳ ဖန်ဖက်ပရေၚ်တိ တွဵုရးဍုၚ်မန်) ရ။
ပ္ဍဲတွဵုရးဍုၚ်မန်ဝွံ သီုဟွံစိုပ်ကာလ အတးသၚ်္ကြာန်ဏီ ပပ္တံနူ ဂိတုမာတ် (၁၆) ဒဵုကဵု ဂိတုအေဗရဴ (၅) မံက်ဂှ် ရပ်ဂွံလဝ် ကွဳယာန်ဂမၠိုၚ် ဟွံဒ္ဂေတ်ဗက်သၞောဝ် ဗၞတ် (၅၂၆) မတုဲရဂှ် ဂွံတီကေတ် နူရုၚ်သ္ကိုပ်ဗၠာဲသၟိၚ် တွဵုရးဍုၚ်မန်ရ။
ပ္ဍဲကဵုကွာန်ဝၚ်ရာဲ အရာပ်ဝါဗိုၚ် သ္ၚိတူအာ(၄)မ ပရေၚ်ဗါ်ဂစိုတ်မၞိဟ်ဂှ် တော်ကဵုၚုဟ် မးဆုလၟုဟ်မ္ဂး ဆောံ လေၚ်အာၜိုတ်ကိုဋ်(၈၀၀)ဒကေဝ်ပြၚ်ၚ်ရောၚ် ရဲအရာပ်ဂှ်ဟီုထ္ၜးရ။
ရုၚ်စက်တိဗိလာတ်မတ်မလီု MCL သိုၚ်ပ္တန်လဝ် ပ္ဍဲဇရေၚ်ကွာန် ကံဒုန် ကံပၞဟ် ပွိုၚ်ဍုၚ်ကျာ်မြဟ် တွဵုရးမန်ဂှ်ဝွံ ဗဂေတ်စက် နကဵုချးတၟံဏောၚ်ဒှ်တုဲ နူဗော်ဍုၚ်မန်တၟိလေဝ် ဒ္စဵုဒ္စးတဴကီု ဟီုလဴကဵု ဌာန်ပရိုၚ်မန်ရ။
ရုဲစှ်ကဵုတာလျိုၚ် ဒု-ဥက္ကဋ္ဌကၠတ်ထဝ်တွဵုရးဍုၚ်မန်ဂှ် နူကဵုဗော်ဒဳမဵုကရေဇြဳအလုံရးမန် ညးစၞးပွိုၚ်ဍုၚ်ၜါသွာၚ် လၟိဟ် (၁) ဒံက်တာအံၚ်နာၚ်ဥု ဇၞးအာမာဲတုဲ ယဵုသစာပ္ဍဲကၠတ်ထဝ် တုဲဒှ်အာရောၚ် ဂွံတီကေတ်ရ။
ပ္ဍဲကောံဓရီု လၟေၚ်ပက္ကတိအလန်ပထမ တ္ၚဲပဥ္စမ ကၠတ်ထဝ်တွဵုရးမန် အလန်ဒုတိယ ကၠောန်သ္ပပ္ဍဲ စၟတ်တ္ၚဲ အေဗရဴ (၄) ဂှ်ဝွံ ဒဝ်တေန်န်အိ ဥက္ကဌကၠတ်ထဝ်တွဵုရးမန် ဗှ်ထ္ၜးဏာ စရၚ်ယၟု ဌာနဝန်ဇၞော် ကေုာံ ယၟုဝန်ဇၞော်ဂမၠိုၚ်တုဲ သ္ပဏာဒ္တန် ပ္ဍဲကောံဓရီုကၠတ်ထဝ် တွဵုရးမန်ဂှ်ရ။