Tag: မိသာဍာမန်

သ္ဂောံကံက် စရၚ်ကွးဘာ ဥတုကညၚ် အလုံဒေသရးမန် လၟိဟ်တန် ဇၟာပ်ပွိုၚ်ဍုၚ်မာန်ဂှ် မၞိဟ်ပ္တိတ်ဇြဟတ် ဟွံမွဲကီု၊ သြန်ထံက် ပၚ် ဍုၚ်မ္ၚးလေဝ် ဟွံမွဲကီုဂှ်ရ နကဵုဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ အလုံဒေသရးမန်တံ ကၠောန် လဝ်စရၚ်ကွးဘာချိုတ်တ်ပၠိုတ်တ် ဟွံမွဲဏီရောၚ် ဂွံတီကေတ်ရ။

ဂကောံပံၚ်ကောံလိက်ပတ် ယေန်သၞာၚ်မန် (ဗဟဵု) သ္ပက္ဍိုပ်တုဲ နကဵုယၟု ‘ဂကောံလိက်ပတ်ယေန်သၞာၚ်မန် (တွဵုရးဍုၚ်မန်)’ ဂှ် ပ္ဍဲဂိတုမေ ပထမသတ္တဟဏအ် ပ္တိုန်စရၚ်ဗဗွဲသၞောဝ် ကုဌာနအလဵုအသဳ မဆေၚ်စပ်တေံဏောၚ် ဂွံတီလဝ်ရ။

ပ္ဍဲတွဵုရးမန်ပိုဲ ထပ်ခါန်ဂလိုၚ်ပ္တိုန် အ္စာတန်မူလ (စလိၚ်တ္ၚဲ) တြုံတြုံဗြဴဗြဴ ၜိုတ် ၂၀၀ တလပၠန်ဏောၚ်ဂှ် ဂွံတီကေတ် နူရုၚ် သ္ကိုပ်ပရေၚ်ပညာ တွဵုရးမန်ရ။

“ပ္ဍဲတွဵုရးမန်ဏအ် တၠပညာလေပ်လိက်တအ် နွံမံၚ်ဍိုက်က်ပေၚ်ၚ်ရတုဲ ယဝ်ဗ္စာရံၚ်ကဵု တွဵုရးတၞဟ်ဟ်တှေ် ပ္ဍဲတွဵုရးမန်ပိုဲဏအ် နွံပၟိက်ဟွံဂၠိုၚ်ရ။အတိုၚ်သၞောတ် 1 Plus 4 (ဂအုပ်ဘာ ၁ ကဵု ဒစှေ် ၄ တလ) မ္ဂး ညံၚ်ဂွံနွံပေၚ်ၚ်ဂှ် ပ္ဍဲတွဵုရးမန်ပိုဲ ဒးထပ် (၁၉၁) တလ၊ ပြဟ်ဟ်ဏအ် ဒးဗပေၚ်ဣဏအ်ဏောၚ်၊ညံၚ်ဂွံဒှ် 1 Plus 4 ဂှ် ဒးဗပေၚ်ဏောၚ်” ဥူမျဵုတေအ်အံၚ် သ္ကိုပ်ပရေၚ်ပညာ တွဵုရးမန် ဂးတဴသာ်ဂှ်ရ။

ပ္ဍဲကောံဓရီု လၟေၚ်ပက္ကတိအလန်ပထမ တ္ၚဲပဥ္စမ ကၠတ်ထဝ်တွဵုရးမန် အလန်ဒုတိယ ကၠောန်သ္ပပ္ဍဲ စၟတ်တ္ၚဲ အေဗရဴ (၄) ဂှ်ဝွံ ဒဝ်တေန်န်အိ ဥက္ကဌကၠတ်ထဝ်တွဵုရးမန် ဗှ်ထ္ၜးဏာ စရၚ်ယၟု ဌာနဝန်ဇၞော် ကေုာံ ယၟုဝန်ဇၞော်ဂမၠိုၚ်တုဲ သ္ပဏာဒ္တန် ပ္ဍဲကောံဓရီုကၠတ်ထဝ် တွဵုရးမန်ဂှ်ရ။

ပ္ဍဲဂကောံ ကမ္မတဳ ပရေၚ်ကေၚ်ကာ ကၠတ်ထဝ် တွဵုရးမန် အလန်ဒုတိယဏံ ရုဲစုတ်ဆညးစၞးကၠတ်ထဝ်သၟးဟွံသေၚ်၊ တၠပညာဂမၠိုၚ် နူမ္ၚးမ္ၚးတေံလေဝ် ရုဲစုတ်ကီုဏောၚ် ဥက္ကဌကၠတ်ထဝ်တွဵုရးမန် ဟီုလဴကဵု ဌာန်ပရိုၚ်ဗၠးၜးမန်ရ။

ပ္ဍဲကွာန်ဂမၠိုၚ် မၞုံပွိုၚ်ဍုၚ်မုဟ်ဍုၚ် တွဵုရးဍုၚ်မန်တံဂှ် ပပ္တံနူဂိတုမာတ် (၄) မံက်တုဲ စပံက်ဗ္တောန်ဒၟံၚ်လိက်ပတ်မန် ဥတုကညၚ် ကေုာံ ယေန်သၞာၚ်ဗုဒ္ဓဘာသာ ပွိုၚ်မွဲဂိတုယျရောၚ် ဂွံတီကေတ်ရ။

“အစဳဇန် အဂုဏ်တံဂှ် ဂိတုမာ် (၁၁) စွေက်တှေ် စပံက်တန်ဗ္တောန် ပရေၚ်ယေန်သၞာၚ်ကေုာံ လိက်မန် ဥတုကညၚ်တုဲ စိုပ်ဂိတုဖဝ်ရဂိုန် (၁၂) စွေက်မ္ဂး လုပ်သှ်လိက် အဆံၚ်ပွိုၚ်ဍုၚ်ဏောၚ်၊ အကြာဏံဂှ် ဂွံအခိၚ်ဗ္တောန် ပွိုၚ်မွဲဂတုဓဝ်ရ။ ပ္ဍဲပွိုၚ်ကာလ မွဲဂိတုဏံဂှ်ရ ဒးဗ္တောန်အာ” သာ်ဝွံ တၠဂုဏ်သဳဟ ဖက်ဆောညးအုပ်ကာ ဂကောံလိက်ပတ်ယေန်သၞာၚ်မန် ပွိုၚ်ဍုၚ်မုဟ်ဍုၚ် ဂးရ။

တန်ဗ္တောန် ပရေၚ်ယေန်သၞာၚ် ကေုာံ လိက်မန်ဥတုကညၚ် ပွိုၚ်ဍုၚ်မုဟ်ဍုၚ်ဝွံ မူဟိုတ် ပြဟ်နူ ပွိုၚ်ဍုၚ်တၞဟ်ဟ်ရောမ္ဂး ပ္ဍဲပွိုၚ်ဍုၚ် မုဟ်ဍုၚ်ဏံ ကောန်ၚ္ၚာ်ဗွဲမဂၠိုၚ်ဂှ် သှ်လိက်ပ္တိုန်တန်(ဘာအလဵုအသဳ) တုဲဗက် သ္ဒးတိုန်မံၚ်ကျူယှေန်ဏီ၊ ပ္ဍဲပွိုၚ်မွဲဂိတုဏံ သီုဒးကတ်ဗ္တောန်မံၚ်လိက်မန်ဏီတုဲ ပွိုၚ်မွဲဂိတုဏံ ကျူယှေန်လေဝ် ညံၚ်ဟဂွံလီု၊ လိက်မန်လေဝ် ညံၚ်သ္ဂောံကတ်ဗ္တောန်ကေတ်မာန် ရန်သာ်ဂှ်တုဲ ပိုဲမ္ဒးပံက် ပြဟ်နူ ပွိုၚ်ဍုၚ် တၞဟ်ဟ်ရ တၠဂုဏ်သဳဟ ဂးရ။

ပ္ဍဲပွိုၚ်ဍုၚ်မုဟ်ဍုၚ်ဝွံ ပွိုၚ်တိုက် နွံ (၁၁) ပွိုၚ်တိုက်၊ ဘာလကျာ် နွံ (၈၇) ဘာတုဲ ဗ္တောန်ကၠုၚ်ဒၟံၚ် လိက်မန်ဥတုကညၚ်ရ ဂွံတီကေတ်။

နနဲကွာန်တာမသုန်ဏံကီု ကွာန်တၞဟ်ဟ်တံလေဝ် ပ္ဍဲဘာတန်မူလ ကီု၊ တက်ကၞာထး ပ္ဍဲဒၞါဲမွဲမွဲတုဲကီု၊ ပ္ဍဲသ္ၚိတံကီု ဗီုဂပ်ဝ်ကဵု ကွာန်ညးကုညးဂှ် ဗ္တောန်မံၚ်အိုတ်ရဂှ်လေဝ် ဂွံတီကေတ် နူရဲဒေသတံရ။

အ္စာၝောံ မိယေန်သၞာၚ် ဗ္တောန်ဒၟံၚ်ပ္ဍဲကွာန်တာမသုန်ဂှ် “မိက်ဂွံကဵု လိက်မန်ဇၞော်မောဝ်တိုန်ဟေၚ်ရ၊ ပွမသ္ပ ဂုန်စရာဲသာ်လဵုလေဝ် ဟွံစၟဳလဝ်ရ။ နစေတနာ အ္စာၝောံမန်မွဲ ဗ္တောန်ကဵုပေၚ်ၚ် ပ္ဍဲပွိုၚ်မွဲဂိတုဏံဏောၚ်၊ ဗ္တောန်ဂွံ ခန်ဗ္တောန် မွဲၜါ ခန်ဗ္တောန်မ္ဂး သၟာန်သှ် စံရံၚ်ဏောၚ်၊ ပ္ဍဲမွဲဂိတုဏံတှေ် ကၠောန်ကဵု ပရေၚ်စံၜတ် သၟာန်သှ် မသုန်တြဴဝါရ” သာ်ဝွံ အ္စာၝောံဂှ်ဂးရ။

ပွိုၚ်ဍုၚ်မုဟ်ဍုၚ်ဝွံ ပ္တန်လဝ် နကဵု (၁၁) ပွိုၚ်တိုက် မတွံဂး ပွိုၚ်တိုက်တာမသုန်၊ ပွိုၚ်တိုက် ကွိက်ဝါန်-နာၚ်ပြာၚ်၊ ပွိုၚ်တိုက် ကံခပုၚ်-ကွာန်တာ၊ ပွိုၚ်တိုက် မုဟ်ဍုၚ်၊ ပွိုၚ်တိုက်ဝၚ်ဒုန်၊ ပွိုၚ်တိုက်တဵုဂူ၊ ပွိုၚ်တိုက်နာသၠုၚ်၊ ပွိုၚ်တိုက်ကၟာဝက်၊ ပွိုၚ်တိုက်ကၠအ်သတ်၊ ပွိုၚ်တိုက် ဒဵုမာဲ-ဆက်တောဲ၊ ပွိုက်တိုက် နှေဟ်ဗ္ဒဝ် တံရ။

တန်ဗ္တောန်လိက်မန်ဥတုကညၚ် ကေုာံ ပရေၚ်ယေန်သၞာၚ်ဝွံ ဗ္တောန်ဒၟံၚ် မွဲဒၞါဲဓဝ်ဟွံသေၚ်ရ၊ ပ္ဍဲတွဵုရးမန်၊ တွဵုရးကရေၚ်၊ ရးဗဂေါ၊ ရးလ္ဂုၚ်၊ ရးမာန္တလေ၊ ရးတၞၚ်သြဳ ကေုာံ ဒၞါဲကောန်ဂကူမန်တံ တန်တဴမံၚ်ဂှ် ဗ္တောန်ဒၟံၚ် လိက်မန်ဥတုကညၚ် ရိုဟ်ဟ်သၞာံ ဂွံတီလဝ်ရ။

နူဂကောံပရိုၚ်ကောန်ဍုၚ်အရၚ် BNI (Burma News International) သ္ပသ္ကိုပ်သ္ကတုဲ ပပ္တံနူ ဂိတုဖေဖဝ်ဝါ ၁၄ ကၠောန်သ္ပ သ္ဘၚ်သဳကၠဳ မဳဒဳယာကောန်ဍုၚ်အရၚ် အလန်စတုတ္ထ ပွိုၚ် ၃ တ္ၚဲ ပ္ဍဲဍုၚ်မျံက်ဥု တွဵုရး ရခေၚ်ရ။

နူကဵုရုၚ်ပါ်ပရးပၟတ်ဓါတ်လလဳ ဍုၚ်မတ်မလီု တောဲစၠောံဏာလဝ် ဇုက်ပၟတ်ဇၞော် ၆၆ ကေဗွဳ ကဵုတ္ကံခၟိုၚ်တေံဂှ် အ ကာဲအရာ တၠုၚ်လအာနွံသာ်လဵု မိက်ဂွံတီတုဲ ပပ္တံနူဂျာန္နဝါရဳ ၁ရ ဂှ် စမ်ၜတ် ဗလးကဵုဒၟံၚ် ပၟတ်ဣရ ဂွံတီကေတ် ရ။