အကြာဍုင်မွဲကဵုမွဲကီုဒှ်၊ အပ္ဍဲရးနိဂီုဍုင်မွဲမွဲကီုဒှ် ပရေင်ကဵုကေတ်ညးသ္ကအ် ဟွံပြေပြံင်တုဲ ပဋိပက္ခ ပရေင်ဍုင်ကွာန် လေပ် ကတဵုဒှ်လၟိုန်ရ။ နူကဵုပဋိပက္ခ ပရေင်ဍုင်ကွာန်ဂှ် ဍုဟ်ကြံင်တုဲ ပဋိပက္ခ ပေါဲပၞာန် လေပ်ဆက်ကတဵုဒှ်ကၠုင်ရ။

မၞိဟ်မွဲမွဲ နူစအဝဲမံၚ်ဘာ စဵုကဵုစိုပ်အဝဲမၞိဟ်လဒေါဝ် သ္ဂောံနွံကဵုလညာတ် သမ္တီ ပညာ နာနာသာ်မာန်ဂှ် မ္ဒးလ္ၚတ် မ္ဒးဆိုက်ပဒက်ကဵု ပွမဗှ်လိက်ရ။ ပွမဗှ်လိက်ဟေၚ် သွက်အံၚ်ဇၞးဘဝဇကု သ္ဂောံစိုပ်အာ ဂၠံင်တရဴ မဍာံပြမာန်ရ။ သ္အာင်နူဂှ်ပၠန် ပွမဗှ်လိက်ဂှ် ဖန်ဗဒှ်ကဵု ပရေင်ယဝီုကောန်တၟံ မြက်နူပကတိဂှ်လေဝ် သ္ဂောံသိင်အောန်စှ်ေအာကီု သီုကဵုပရေင်ဖျုန်လတေင်ကောန်ကၞိ မကြံင်မ္ၚိုဟ်မံင်တံဂှ် သာဍိုန်စှ်ေတုဲ ဖဍိုက်ဗပေင်ကဵုပရေင်ရုပ်သာ် သွက်သ္ဂောံဍိုက်ပေင် ကျေဝ်ဆာဲကၠုင်ရ။

သွက်ဂွံကၠောန်ဗဒှ်အာတ္ၚဲကောန်ဂကူမန် မရနုက်ကဵု (၇၈) ဝါဂှ် ဂကူမန်အလုံလိုက်ဂၠးတိမွဲ ဒက်ပတန် ကမ္မတဳကၠောန်ဗဒှ်တုဲ ဆန်ၜန်ပလေဝ်ပလေတ်ဒၟံင် ဗီုညးကဵုညးအိုတ်ရ။

ပၠန်ဂတးရပ်လွဟ်ခေတ်တၟိ မမံက်ဒှ်ကၠုင်ကြဴနူပၞာန်သီအဝဵု စနူသၞာံ ၂၀၂၁ ဂှ် တင်ရန်တၟအ် နွံ (၂) သာ်ရ။ ယင်တံဂှ်ဝွံ (၁) သွက်ဂွံဗ္တိုက်သရိုဟ်ကၠေံ သၞောတ်တၠအဝဵုပၞာန် ကေုာံ သွက်ဂွံဖ္အိုတ်ကၠေံ သၞောတ်တၠအဝဵုအိုဿီုကီု (၂) သွက်ဂွံဒက်ပ္တန်ကၟိန်ဍုင်ဖေဝ်ဒရေဝ် (ဟွံသေင်) ဍုင်ဗၠးၜး ပ္ဍဲကာလအနာဂတ်တေံရ။

ရံၚ်ကဵုအကာဲအရာပစ္စုပ္ပန်တုဲ အလန်ဏအ် မိက်ဂွံချူဆာဲ ပရေၚ်ပရောဒတူလိုၚ်ကြုက် လ္တူပၞာန်မေန်အံၚ်လှာၚ်ကဵု ပၞာန်ပၠန်ဂတး မၞုံတဴကဵုဒြဟတ် ပ္ဍဲကၟိန်ဍုၚ်ပိုဲတံရ။ ပၞာန်ပၠန်ဂတးဒြဟတ်ဇၞော် ပ္ဍဲဍုၚ်ပိုဲဏံ ပၞောန်လပုဟ်တဲတုဲ ယဝ်ဒးထ္ၜးမ္ဂး ဒပ်ပၞာန်ရခေၚ်အေအေဂှ် ပါဲဟွံဗၠးရ။ ဟိုတ်ဂှ်ရ လိက်ပရေၚ်ဏံ ကဵုဖျုန်ကဵုပရေၚ်ပေါဲပၞာန် ဒေသရခေၚ် မကတဵုဒှ်မံၚ် ကာလပစ္စုပ္ပန်လၟုဟ်တုဲ မ္ဒးချူဏာရ။

ကလေၚ်သ္ရဳရံၚ် ဘဝရုပ်လက်သန်ဂကူမန်ပိုဲမ္ဂး ဒှ်ဂကူမၞုံကဵုယေန်သၞာၚ်ကဆံၚ်သၠုၚ်၊ လျုၚ်လ္တူဘာသာ၊ သာသနာဂၠိုၚ် ဒှ်လက်သန်ဂကူ မိက်ဂွံမံၚ်ၜိုဟ်ဟ်ရ။ ဟီုမွဲနဲပၠန်မ္ဂး ဒှ်လက်သန် ဂကူ မဍိုဟ်ကေက် လ္တူအကာဲအရာစကာ Soft Power မွဲရ။ ဘဝရုပ်ဂကူမန်ကဵု အဆံၚ်အလံၚ် ပရေၚ်ဍုၚ်ကွာန်ဂကူမန်ဂှ်လေဝ် ဍေံဆက်စပ်မံၚ် တိုက်ရိုက်ရ။ ဟိုတ်အသိၚ် ပၠန်ဂတးဂကူမန် ဇြဟတ်ဟွံဗြေဝ်မံၚ်ဂှ်လေဝ် ဒုၚ်မံၚ်သ္ဇိုၚ် လ္တူပကတိရုပ်ဏအ်မွဲကီု ရောၚ်ဟီုမ္ဂး ဍေံဟွံဗၠေတ်။