Eng
ဗမာ
ဟိုတ်နူကဵု ပိုဲတအ်ပါ်ပါဲ ဂၠာဲနဲကဲ ဟွံဒးဂှ်ရ ရဲသၟာဗှ်ပရိုၚ်တအ် ဗှ်ဒးမုက်လိက်ပရိုၚ်ပ္တောံမွဲပိုဒ် မွဲကဏ္ဍဍောတ်တုဲ စိုတ်လုပ်စပတှေ်ဒးအာလ္တူပရိုၚ်ပ္တောံဂှ်မ္ဂး ဒှ်အန္တရာယ် သွက်ညးဍုၚ်ကွာန် ပ္ဍဲလိုက်လောကပိုဲ ဒှ်လေပ်ရ။
ညံၚ်ဟွံဂွံဒှ်သာ်ဏံဂှ်ရ ပိုဲဒးစွံသတိကဵု မၞိဟ်ချူပတိုန်ဏာလတူ ပရိုၚ်ပတောံ၊ပရိုၚ်အာလီတအ်ဂှ် ဒှ်တၚ်ကိစ္စေဇၞာ်မွဲရ။ ညးမချူပတိုန် ဖန်ဗဒှ်မံၚ်ပရိုၚ်ပတောံတအ် ဗီုညးတအ်ကၠောန်စလေပ် နွံဒၟံၚ် (၆) တၚ်ရ။
ကောံစဵုဒၞာယဲကပ် ကိုဝ်ဝေဒ် (၁၉) ကွာန်အံင်ဒင်တအ်တုဲ နူကဵုမုက်လိက် အကံက် facebook မၞုံယၟု Pho Zaw မွဲကဆံင် စပ်ကဵုကိစ္စဂှ်တုဲ ပရိုင်ဂှ်ဒဒှ်ရ ပရိုင်ဟွံဍာံ ပရိုင်ပ္တောံမွဲဟေင်ဂှ် နူကဵုဂိတု သေပ်တေမ်ဗာ စၟတ်တ္ရဲ(၁)ဂှ် ညးချူသောင်ပတိုန်လဝ်နွံရ၊၊
စိုပ်ကဵုခေတ်ကာပိုဲလၟုဟ်တုဲ ပရိုၚ်ပ္တောံဗွဲမဂၠိုၚ်ဂၠာဲချူ ပ္တိုန်မံၚ်ဂှ် ပိုဲတအ်ဂွံဆဵုကေတ်မံၚ်လ္တူ Social Media ဗွဲမဂၠိုၚ်ရ၊၊ ပ္ဍဲကဵုလိက်ချူပ္တိုန်၊ ထမံက်ထ္ၜးမံၚ်တအ်ဝွံ လ္ၚဵုဂှ်ဂိုၚ်စွံလဝ် ဗီုတြေံတြေံတုဲ ညံၚ်ရဴပရိုၚ်တၟိတၟိကီု ချူပတိုန်စလေပ်မံၚ်ဂှ် ဂွံဆဵုရ။ ပိုဲဆဵုပရိုၚ်မွဲပိုဒ်မ္ဂး ကၠာပိုဲဖျေံစိုတ်ပိုဲဏီ၊ နူကၠာပိုဲဟွံကဵုသ္ဂုတ်သွာတ်ဏီဂှ်မ္ဂး တၚ်နၚ်ပရိုၚ်ဏံ ပရိုၚ်ဍာံဟွံဍာံဂှ် ဗွဲကိုပ်ကၠာ ပိုဲဒးစၟီစၟတ်ချိုတ်တ်ပလိုတ်ရောၚ်ဂှ်ဒှ်တၚ်ကိစ္စေဇၞာ်မွဲကီုရ။
ပရိုၚ်ဏံဂှ် ပ္ဍဲကဵုဂိတု ဂျောန် စၟတ်တ္ၚဲ ၁၄ နူကဵု(Page) Myanmarlocalnews-media ဏံဂှ် စတုဲ ဗက်တြးပ္တိတ်ဒၟံၚ် လ္တူမုက်လိက် Facebook တအ်ရ။ လိက်ချူပ္တိုန်လဝ် လ္တူဂှ်တှ်ေ “ဂကောံ ပလီုပထုဲ ပရေၚ်ၜိုဟ်လလံကၟိန်ဍုၚ်ဂှ် ဒှ်ဂကောံ သဳအာပဳအုက်ချ်၊ အေန်ယူဂျဳ ကဵု ဂကောံပကီုပရာပ် ပဳတဳဖေက်ဖ် ဒစဵုဒစးအာရောၚ်ဂှ် ပ္ဍဲကဵုတ္ၚဲဏံ ဂိတုဂျောန် စၟတ်တ္ၚဲ ၁၄ ကၠောန်သ္ပလဝ် လ္တူဍုၚ်မတ်မလီုရောၚ်” ဓမံက်ထ္ၜးလဝ် သာ်ဏအ်ဂှ် ဒှ်ပရိုၚ်ပတောံမွဲရောၚ် ဂွံတီကေတ်ရ။
တုဲကၠုၚ်ဂိတုဂျောန် ပ္ဍဲကဵုစၟတ်တ္ၚဲ ၁၅ အခိၚ်ဗ္တံ ၜိုတ်(၈) နာဍဳပြၚ်ၚ်ဂှ် ဆေၚ်စပ်ကဵုပရိုၚ်ဏအ်တုဲ လ္တူမုက်လဝ် Facebook တအ် ပြးတိတ်အာ ဗွဲဂၠိုၚ်ရ။ ပ္ဍဲကဵုလိက်ချူပ္တိုန်၊ မံက်ထ္ၜးလဝ်ဂှ်မ္ဂး “ရပ်ဂိုၚ်စွံလဝ်ပ္ဍဲတဲဇကု သြန်ပိကိုဋ်ကဵု လ္တူပိကိုဋ်ကီု၊ ဂိုၚ်ဒေပ်လဝ်ကီုတအ်ဂှ် ကၠောန်သ္ပဟွံဂွံရ၊ ယဝ်ခါရ ဒ္ဂေတ်ဗက်ဟွံမွဲမွဲသာ် အခိၚ်စၟဳစၟတ်ဆဵုညာတ်ဒးမ္ဂးတှ်ေ နကဵုသၞောဝ်ဗတိုက်ခရိုဟ်အဂတိ၊ အတိုၚ်သၞောဝ်သ္ပဒတန်လဝ်ဂှ် ရပ်စပ်ကေတ်အာအရေဝ်ရောၚ် နူကဵုဌာန်ပရိုၚ် မြဝတဳဂှ် လလောၚ်တြးလဝ်ရောၚ်” သာ်ဝွံ ချူပ္တိုန်လဝ် သာ်ဏအ်ရ။
ကျာ်ဇၞော်အ္စာ (ဝစီပိတ်) နူကဵုဍုၚ်(ကျိုၚ်းတုံ)ဂှ် ဒးဒုၚ်ဂစိုတ်တုဲ ပလံၚ် ဗစိုပ်ဏာပ္ဍဲကဵု ရုၚ်ဂဥုဲ (မၚ်္ဂလာဒုံ) နွံဒၟံၚ်ရောၚ်ဂှ် ပရိုၚ်ပ္တောံ
ပ္ဍဲကဵုဂိတု မေ စၟတ်တ္ၚဲ ၂၈ ဂှ် ပရူပရာဆေၚ်စပ်ကဵု ကျာ်ဇၞော်အ္စာ (ဝစီပိတ်) ဂှ် အကြာဍုၚ်(ကျိုၚ်းတုံ) ကဵု ဍုၚ် (တာချီလိတ်) ဂှ် ဒးဒုၚ်ဂစိုတ်လဝ်နွံဒၟံၚ်ရောၚ် ပရိုၚ်တိတ်ဒၟံၚ်သာ်ဏံဂှ် ဒှ်ပရိုၚ်ပ္တောံမွဲရောၚ်ကီု၊ ကျာ်ဇၞော်အ္စာဝွံ နူစတ္ၚဲက္တဵုဒှ်မၞိဟ်တုဲဂှ် ဒၞဲါလဵုဟွံအာမွဲသာ် ပၟဝ်ဒၟံၚ်ဓဝ် ပ္ဍဲကဵုဘာတိုက်ဂှ်ရောၚ် ကပ္ပိယမွဲတၠ ဟီုဂးသ္ပဒတန်လဝ်ကဵု ဌာန်ပရိုၚ် (တာချီလိတ်) နွံဒၟံၚ်ရောၚ်။