တုဲကၠုၚ်ဂိတုဂျောန် ပ္ဍဲကဵုစၟတ်တ္ၚဲ ၁၅ အခိၚ်ဗ္တံ ၜိုတ်(၈) နာဍဳပြၚ်ၚ်ဂှ် ဆေၚ်စပ်ကဵုပရိုၚ်ဏအ်တုဲ လ္တူမုက်လဝ် Facebook တအ် ပြးတိတ်အာ ဗွဲဂၠိုၚ်ရ။ ပ္ဍဲကဵုလိက်ချူပ္တိုန်၊ မံက်ထ္ၜးလဝ်ဂှ်မ္ဂး “ရပ်ဂိုၚ်စွံလဝ်ပ္ဍဲတဲဇကု သြန်ပိကိုဋ်ကဵု လ္တူပိကိုဋ်ကီု၊ ဂိုၚ်ဒေပ်လဝ်ကီုတအ်ဂှ် ကၠောန်သ္ပဟွံဂွံရ၊ ယဝ်ခါရ ဒ္ဂေတ်ဗက်ဟွံမွဲမွဲသာ် အခိၚ်စၟဳစၟတ်ဆဵုညာတ်ဒးမ္ဂးတှ်ေ နကဵုသၞောဝ်ဗတိုက်ခရိုဟ်အဂတိ၊ အတိုၚ်သၞောဝ်သ္ပဒတန်လဝ်ဂှ် ရပ်စပ်ကေတ်အာအရေဝ်ရောၚ် နူကဵုဌာန်ပရိုၚ် မြဝတဳဂှ် လလောၚ်တြးလဝ်ရောၚ်” သာ်ဝွံ ချူပ္တိုန်လဝ် သာ်ဏအ်ရ။
ယဝ်ခါရ ဒးကလေၚ်စၟိဳစၟတ်ရံၚ် လ္တူပရိုၚ်ဏံမ္ဂးတှ်ေ ပ္ဍဲကဵုစၟတ်တ္ၚဲ ၁၅ အခိၚ်ဗ္တံ (၈) နာဍဳဂှ် နူဌာန်ပရိုၚ်မြဝတဳ ဗလးပ္တိတ်ဒၟံၚ်ဂှ်တှ်ေ လိက်ချူပ္တိုန်လဝ် ဗီုလ္တူတေံဂှ် လလောၚ်တြးလဝ်ဟွံမွဲရောၚ်။ ဟိုတ်ဒှ်သာ်ဂှ်ရ နူကဏေံ အခိၚ်ဗ္တံ (၈) နာဍဳ နူဌာန်ပရိုၚ်မြဝတဳ လလောၚ်တြးဗလးလဝ်ပရိုၚ်ရောၚ် ချူလဝ်သာ်ဏံဂှ် ပရိုၚ်ပ္တောံရောၚ် နူကဵု (တွေးပြီးမှယုံ) သ္ပဒတန်လဝ်ရ။
ပရိသာတ်ညးမဗှ်လ္ၚတ်ဒၟံၚ်ပရိုၚ်တအ်လေဝ် နကဵုတမ်ရိုဟ်ပရိုၚ်ဟွံမွဲမွဲသာ် ပ္တောံလဝ် အယောၚ်အလာ ဗီုဌာန်ရိုၚ်လုပ်သၞောဝ်မွဲကီု ချူပ္တိုန်ဒၟံၚ်သာ်ဏံဂှ် လ္ပပတှ်ေစှ်ေစိုတ်ပြဟ်ဏီညိ။ ယဝ်ခါရ ဒှ်ဒၟံၚ်သံသယကဵု ပရိုၚ်တိုန်စိုပ်ကၠုၚ် လ္တူမုက်လိက်တအ်မ္ဂးတှ်ေ လုပ်ဗှ်ရံၚ်ပ္ဍဲမုက်လိက် ဌာန်ပရိုၚ်လုပ်သၞောတ်ဂမၠိုၚ်တအ်ကီု၊ သၟာန်ရံၚ်မၞိဟ်စိစောန်တအ်ညိကီုဂှ် မိက်ဂွံဗတိုက်ဖအောဝ်ဏာ ပၠန်ရ။
Reference>>တွေးပြီးမှယုံ-Think Before You Trust