ပရိုၚ်ဏံဂှ် ပ္ဍဲကဵုဂိတု ဂျောန် စၟတ်တ္ၚဲ ၁၄ နူကဵု(Page) Myanmarlocalnews-media ဏံဂှ် စတုဲ ဗက်တြးပ္တိတ်ဒၟံၚ် လ္တူမုက်လိက် Facebook တအ်ရ။ လိက်ချူပ္တိုန်လဝ် လ္တူဂှ်တှ်ေ “ဂကောံ ပလီုပထုဲ ပရေၚ်ၜိုဟ်လလံကၟိန်ဍုၚ်ဂှ် ဒှ်ဂကောံ သဳအာပဳအုက်ချ်၊ အေန်ယူဂျဳ ကဵု ဂကောံပကီုပရာပ် ပဳတဳဖေက်ဖ် ဒစဵုဒစးအာရောၚ်ဂှ် ပ္ဍဲကဵုတ္ၚဲဏံ ဂိတုဂျောန် စၟတ်တ္ၚဲ ၁၄ ကၠောန်သ္ပလဝ် လ္တူဍုၚ်မတ်မလီုရောၚ်” ဓမံက်ထ္ၜးလဝ် သာ်ဏအ်ဂှ် ဒှ်ပရိုၚ်ပတောံမွဲရောၚ် ဂွံတီကေတ်ရ။
ဂကောံတအ်ဏံဂှ် ဒှ်ဂကောံပလီုဍုၚ်၊ ဒၞဲါမၞိဟ်တအ်အာကၠုၚ်ဂၠိုၚ်ဂှ် ဗတိုဟ်မခတိုဟ်ကီု၊ စံၚ်ပလီုဘာကီု၊ ညးအုပ်ဓုပ်ကွာန်တအ်လေဝ် ဟွံမွဲကဵုဒုဟ်ဒဏ်တအ်ဂှ် ဒးဒုၚ်ဂစိုတ်ထောံကီု ချူဓမံက်လဝ်ရ။
ဆေၚ်စပ်ကဵုပရိုၚ်ဏံတုဲ ပ္ဍဲကဵုလ္တူဍုၚ်မတ်မလီုဂှ် ပေဲါထ္ၜးဆန္ဒလဵုလေဝ် ကၠောန်သ္ပလဝ်ဟွံမွဲပုဟ်ဂှ် ဂွံတီကေတ်လဝ်ရ။ တုဲပၠန် နူကဵု (တွေးပြီးမှယုံ) ဆက်သၟာန်လဝ် ညးဒေသဍုၚ်မတ်မလီုမွဲတၠဂှ်တှ်ေ လ္တူဍုၚ်မတ်မလီုဏအ်ဂှ် ပေဲါထ္ၜးဆန္ဒဗီုတအ်ဏံဂှ် မၞိဟ်လဵုကၠောန်သ္ပလဝ် ဟွံမွဲရောၚ် သ္ပဒတန်လဝ် နွံရ။
တုဲပၠန် ဗီုရုပ်သုၚ်စောဲလဝ်တအ်ဂှ်လေဝ် ဒှ်ဒၟံၚ်ဗီုရုပ် မၞိဟ်ထ္ၜးဒၟံၚ်ဆန္ဒ လ္တူဍုၚ်မတ်မလီုဟွံသေၚ်ရောၚ်။ ပ္ဍဲကဵုအလာံ မပါဒၟံၚ်လ္တူကွဳစက်ဂှ်မ္ဂး ဒှ်ဒၟံၚ်အလာံ ကောန်ဂကူရခေၚ်ရောၚ် ဟီုဂးစဂွံရ။
နူကဵု (Page) Myanmarlocalnews-media ဏအ်ဂှ် ကၠောန်ပ္တောံလဝ် ညံၚ်ကဵုမုက်လိက်လုပ်သၞောတ်ကီုတုဲ ဒှ် (Page) ဒစဵုဒစးဒၟံၚ်ကဵု ကံၚ်စဳပၞာန်ကီု၊ ချူပ္တိုန်ဒၟံၚ် ပရူပရာပၞာန်ပရေံကီုဂှ် ဂွံတီကေတ်လဝ်ကီုရ။
အဃောအကြာဂကောံ ကံၚ်စဳပၞာန်ကဵု NLD တအ်ဂှ် ပရိုၚ်ဗီုတအ်ဏံ ချူပ္တိုန်စလုပ်ရ။ ဟိုတ်ဒှ်သာ်ဂှ်ရ ပရိုၚ်နူကဵုဌာန်ပရိုၚ်လုပ်သၞောဝ်ဟွံသေၚ်မွဲသာ် ယဝ်ခါရ တိုန်စိုပ်ကၠုၚ်လ္တူမုက်လိက်တအ်တုဲ ဒှ်ဒၟံၚ်သံသယမ္ဂး ပရိုၚ်ဏံ ဍာံ/ဟွံဍာံဂှ် ဗွဲမကၠာအိုတ် မိက်သ္ဂောံကဵု ဗဵုကျောဝ်ရံၚ် ပ္ဍဲဌာန်ပရိုၚ်လုပ်သၞောဝ်ကီု၊ နအလဵုဇကု ဟွံချိုတ်ပၠိုတ်မ္ဂး ဆက်သၟာန်ရံၚ်မၞိဟ်တီကၠိုဟ်ပရိုၚ်ကီုဂှ် မိက်ဂွံဗတိုက်ဖအောဝ်ဏာရ။
Reference>>တွေးပြီးမှယုံ-Think Before You Trust