“ရဲဂွံကၠောန်ပရေၚ်ပိုန်ဂြပ်တုဲ ရာန်ကေတ် ကၠအ်သ္ၚိၚုဟ် ကဵုဠက်ကိုဋ်ဂှ် ဍေံအောန်ကွေံကွေံရ၊ ၚုဟ်အကြာ(၁၀၀)ကဵု (၁၅၀)ဂှ်ရ မၞိဟ်ရာန်နွံညိညိ၊ တုဲပၠန်ဂၠံၚ်ဍာန်လေဝ်ဍေံကၟာတ်လဝ်တှ်ေ ကဵုရဲဒေသတံကီု ရဲလ္ဂုၚ်ကီုတှ်ေ ပရေၚ်သွံရာန်ဂှ်ဍေံဟွံဒှ်” သာ်ဝွံ နာဲထောန်လောန်ဟီုရ။

ကြဴနူကဵုပေဲါရုဲမာဲတုဲ မၞိဟ်ယဲကဝ်ဝေဒ် ပ္ဍဲကဵုတွဵုရးဍုၚ်မန်ဂှ် ဂၠိုၚ်တိုန်ကၠုၚ်မံၚ်တုဲ ပ္ဍဲကဵုဂိတုနဝ်ဝေမ်ဗာမွဲဂိတုဂှ် ၜိုတ် (၆၀၀) တၠကဵု ပ္ဍဲကဵုဂိတုဒဳဇြေမ်ဗာဏံ (၁၀၀၀) တၠပြၚ် ယဲမံက်ကၠုၚ်လဝ်ရောၚ် ဂွံတီကေတ်ရ။

နကဵုဂကောံကမ္မတဳဂှ် ဆဵုဂဗတက်ကျာကဵု ဂကောံချဳဓရာၚ်လဝ် ပ္ဍဲကဵုပရေၚ်စဵုဒၞာထိၚ်ဒဝ်ယဲကဝ်ဝေဒ်တံ မပ္တံကဵုဂကောံရီုဗၚ်ဟံၚ်ပြာ်၊ သၞာဲဒဴပရေၚ်ထတ်ယုက် ကေုာံ ညးဍုၚ်ကွာန်တံတုဲ တၚ်နၚ်ပကောံပကေဝ်ဂွံတံဂှ် ဗတိုက်ဖအောဝ်အာ အလဵုအသဳတွဵုရးဍုၚ်မန်ရောၚ် ဒုဥက္ကဋ္ဌကၠတ်ထဝ်တွဵုရးဍုၚ်မန် ဒံက်တာအံၚ်နာၚ်ဥု ဂးရ။

“ၚုဟ်ကောန်လိၚ်ဂှ်တှ်ေ လ္ၚဵုဂှ် ဒ္စာံလ္ၚီ၊ လ္ၚဵုလ္ၚဴဍေံထ္ကးမံၚ်တှ်ေ မွဲဠက်ကဵုထောံဍေံ ဍေံတုဲပြဟ်တှ်ေ တုဲဗီုဂှ် ၚုဟ်လ္ၚဴသၞာံတုဲဏံထပှ်ဠက်ဂှ်နွံ အဲဂွံတြဴဠက်ကဵုပန်လ္ၚီ သၞာံဏံၚုဟ်အဆေတ်စှ်ေလေဝ်၊ မုပဟွံဂွံ တော်စဟွံကိတ်ကွေံ၊ ကျၚုဟ်ကောန်ရဲရ” သာ်ဏံ ညးကၠောန်လ္ၚဴမွဲတၠ နာဲတေန် ဟီုရ။