ပ္ဍဲကဵုတွဵုရးဍုၚ်မန်လေဝ် မၞိဟ်ယဲကဝ်ဝေဒ်ဂှ် (၁၀၀၀) တၠပြၚ်တုဲ မၞိဟ်ဒးချိုတ်အာဂှ် (၁၀) တၠရောၚ်။ မၞိဟ်ဒးတိုန်မံၚ်ရုၚ်ဂဥုဲလၟုဟ်ဂှ် ဗၞတ် (၃၀၀) တၠနွံတုဲ အတိုၚ်အသိၚ်ဏံ မၞိဟ်ယဲကၠောံထၞာန်အာမ္ဂး သွက်ဂွံစွံမၞိဟ်ယဲဂှ် ခက်ခုဲဒၞာဲဒှ်အာမာန်ရောၚ် ဌာနထတ်ယုက်တွဵုရးဍုၚ်မန် ဂးလဝ်ရ။

ကမ္ပဏဳဓလေံသြန်တံဂှ် ပ္ဍဲကဵုအခိၚ်ကာလယဲကဝ်ဝေဒ်ဂှ် ကောန်ဂကောံညးတံ ပၠောပ်သြန်ပေၚ်ၚ်ဟွံမာန်တုဲ ဒးကဵုအခိၚ် ဒးပ္ညဳပ္ညပ်မံၚ်ညးသ္ကံဂှ်ရ လပါ်ကမ္ပဏဳဂှ် ပရေၚ်ဆောံလေၚ်နွံမံၚ်ရောၚ် ညးလျိုၚ်ကမ္မဏဳဓလေံသြန်မွဲတၠ ဂးရ။

သွက်ဂွံဒှ်ပရေၚ်စဵုဒၞာဲယဲကပ်ကဝ်ဝေဒ်ကီု ယဲကဝ်ဝေဒ်ဏံ ညံၚ်ဟွံဂွံကၠောန်ထၞာန်အာလၟိဟ်ဂၠိုၚ်ၚ်ဂှ် ညးဍုၚ်ကွာန် ပၟိက်ဟွံဇၞော်မ္ဂး ညံၚ်ဟွံဂွံတိတ်မ္ၚးကီု ပွမပကောံမၞိဟ်တံ ဟွံကၠောန်သ္ပမွဲသာ် အတိုၚ်စၞောန်ဌာနပရေၚ်ထတ်ယုက်ဂှ် ဒၟံၚ်စံၚ်အာညိဂှ် ဌာနပရေၚ်ထတ်ယုက်တံ ပ္ဍဲကဵုဂိတုနဝ်ဝေမ်ဗာ ၁၉ ဂှ် ပတိတ်လဝ်လိက်အာတ်မိက်ရ။