Tag: ဌာန်ပရိုၚ်မန်

တုဲကၠုၚ်ဂိတုဂျောန် ပ္ဍဲကဵုစၟတ်တ္ၚဲ ၁၅ အခိၚ်ဗ္တံ ၜိုတ်(၈) နာဍဳပြၚ်ၚ်ဂှ် ဆေၚ်စပ်ကဵုပရိုၚ်ဏအ်တုဲ လ္တူမုက်လဝ် Facebook တအ် ပြးတိတ်အာ ဗွဲဂၠိုၚ်ရ။ ပ္ဍဲကဵုလိက်ချူပ္တိုန်၊ မံက်ထ္ၜးလဝ်ဂှ်မ္ဂး “ရပ်ဂိုၚ်စွံလဝ်ပ္ဍဲတဲဇကု သြန်ပိကိုဋ်ကဵု လ္တူပိကိုဋ်ကီု၊ ဂိုၚ်ဒေပ်လဝ်ကီုတအ်ဂှ် ကၠောန်သ္ပဟွံဂွံရ၊ ယဝ်ခါရ ဒ္ဂေတ်ဗက်ဟွံမွဲမွဲသာ် အခိၚ်စၟဳစၟတ်ဆဵုညာတ်ဒးမ္ဂးတှ်ေ နကဵုသၞောဝ်ဗတိုက်ခရိုဟ်အဂတိ၊ အတိုၚ်သၞောဝ်သ္ပဒတန်လဝ်ဂှ် ရပ်စပ်ကေတ်အာအရေဝ်ရောၚ် နူကဵုဌာန်ပရိုၚ် မြဝတဳဂှ် လလောၚ်တြးလဝ်ရောၚ်” သာ်ဝွံ ချူပ္တိုန်လဝ် သာ်ဏအ်ရ။

ပ္ဍဲကဵုဂိတု မေ စၟတ်တ္ၚဲ ၁၅ အခိၚ်နူဂယးပြဟ် ပရိုၚ်ဏအ်ဂှ် ပြးတိတ်အာဒၞဲါဗွဲမဂၠိုၚ်ရောၚ်ဂှ် ဂွံတီကေတ်ရ။ ပရူပရာမပါလုပ်ဒၟံၚ် ပ္ဍဲကဵုပရိုၚ်ဏံဂှ် အံၚ်သာန်သုကျဳဂှ် ထ္ပက်လဝ်စၟတ်တဲ ဂွံရိုဟ်ပလီုထောံ ဗော် NLD တုဲ သွဟ်ပေဲါရုဲမာဲ သၞာံ ၂၀၂၀ ဏံလေဝ် လုပ်ပွိုၚ်သၞောဝ်ဟွံသေၚ်ဂှ် ထ္ပက်လဝ်စၟတ်တဲရောၚ်ဂှ် ဓမံက်ထ္ၜးလဝ်ရ။ ဆေၚ်စပ်ကဵုကိစ္စပရူပရာပရိုၚ်ဏံတုဲ နူကဵုဌာန်ပရိုၚ် (တွေးပြီးမှယုံ) တအ် ဂၠိုက်ဂၠဲါလဝ်ဂှ် ဒှ်ဒၟံၚ်ပရိုၚ်ကောလဟာလ မွဲပိုဒ်ရောၚ် ဂွံဆဵုကေတ်ရ။

ပ္ဍဲကဵုဂိတု မေ စၟတ်တ္ၚဲ ၁၂ အခိၚ်နူဂယးဂှ် ပ္ဍဲဒေသတိဍာ်ကချေၚ်ဂှ် ဇၟာပ်မၞိဟ်ဒးလုပ်ယိုက်ဂၠေၚ်ပၞာန်ရောၚ် လိက်လ လောၚ်တြး ဒုၚ်လဝ်ယၟု ကမ္မတဳဗဟဵု KIO ဟီုဂှ် ဒှ်ပရိုၚ်ပတောံမွဲရောၚ် ဂွံတီကေတ်ရ။

ဗွဲတၟေၚ်မ္ဂး ပ္ဍဲကဵု Live ပရိုၚ်ပ္တောံဂှ် မၞိဟ်ဗၞတ် ၄၀ ပြၚ်ချိုတ်အာနွံဂှ် တုပ်ညံၚ်ရဴ ပ္ဍဲဂိတု မာတ် ၁၄ ဗီုဗီဒဳယိုဝ် က္တဵုဒှ်ဒၟံၚ် ပ္ဍဲရးဒဂုၚ် ပ္ဍဲပွိုၚ်ဍုၚ် လှိုၚ်သာယာကီု၊ ပ္ဍဲကဵုရးအၚ်ဝ ကဵု ရးမကွေကီုတအ်ဂှ် ဖန်ဗဒှ်လဝ် Live ပ္တောံတုဲ ဗက်ဗလးဒၟံၚ်တအ်ဂှ် ဂွံဆဵုကေတ်ရ။

ဗီုရုပ်သုၚ်စောဲလဝ်ဂှ် ဒှ်ဒၟံၚ်ဗီုရုပ်တြေံ နူကဵုအခိၚ် ဗော်ဍုၚ်မန်တၟိတအ် ထ္ပက်လဝ်လိက်ကသုက် NCA နူသၞာံ ၂၀၁၈၊ ဂိတု ဖေဖဝ်ဝါရဳ ၁၃ တေံရောၚ်တုဲ အဃောတက်လဝ် ဗီုရုပ်ကဵုဒပ်ပၞာန်ဗၟာဏောၚ်ဂှ် ဂွံတီလဝ် ချိုတ်တ်ပၠိုတ်တ်ကီုရ။ ဟိုတ်ဒှ်သာ်ဂှ်ရ ပရိုၚ်ဏအ်ဝွံ နကဵုတၚ်ရန်တၟံနွံနွံ ချူပတိုန်လဝ်ရောၚ်ဂှ် ဂွံတီကေတ်လဝ်ရ။