မန်ထဝ် – ကြက်ကၠုၚ်စိုပ် ပေဲါရုဲမာဲအလုံဍုၚ် သၞာံ ၂၀၁၅ ဏံမ္ဂး နကဵုယၟုဗော်ဒဳမဵုကရေဇြဳအလုံရးမန် လုပ်ဒုၚ်ရုဲမာဲရောၚ်ဂှ် က္ဍိုပ်သ္ကိုပ်ဗော်တံ အခိၚ်ကၠောန်သ္ပပေဲါသောၚ်က္လးပရိုၚ်ဂှ် ဟီုပ္တိတ်ကဵု ဂကောံမဳဒဳယျာတံ ပ္ဍဲစၟတ်တ္ၚဲ ၅ ဂိတုဂျာန္နဝါရဳ သၞာံ ၂၀၁၄ တုဲကၠုၚ်ဂှ်ရ။
Tag: ပရိုၚ်
သၟဟ်သၟန် – သွက်ဂွံသိုၚ်ခၞံ ၝောံခန်ကၠတ်ထဝ် တွဵုရးမန်သက်သက်ဂှ် ပ္ဍဲဗာတ်ဂျေတ် (သြန်ဘဏ္ဍာ) ရန်လဝ် သွက်ကၠတ်ထဝ် သၞာံ (၂၀၁၄-၁၅) ဏံ ချူဓဇက်ရန်လဝ် (၄၅၀၀) ကိုဋ်တုဲ သွက်ဂွံသိုၚ်ခၞံအာနွံရောၚ်ဂှ် ညးစၞးကၠတ်ထဝ်တွဵုရးမန် နူပွိုၚ်ဍုၚ်ၜါသွာၚ် နာဲအံၚ်နာၚ်ဥူဟီုရ။
မာံပိုန် – ပ္ဍဲဂိတုဒဳဇြေမ်ဗာ ၂၀၁၃ တုဲကၠုၚ်ဂှ် နူကဵုဂကောံမဒုၚ်လဝ်ယၟု “ဗော်က္လေၚ်ကေတ်ဍုၚ်မန်” တံ ဗက်ကေတ်ဏာသြန် နူကောန်ညးကွာန်ဝါကဝဴ ဒေသပွိုၚ်ဍုၚ်ဍာ်ဗုတံ နနဲအဓမ္မ ဗ္ဒဲါ ၂၀၀ ကိုဋ်ရောၚ် ဂွံတီကေတ်ရ။
မာံပိုန် – သ္ပပ္တံနူဂိတုဂျာန္နဝါရဳ သၞာံ ၂၀၁၄ မ္ဂး ညံၚ်သ္ဂောံကံက်အာစရၚ် လၟိဟ်မၞိဟ်ဂကူမန် မၞုံတန်တဴဒၟံၚ် အပ္ဍဲဒေသရးတၞၚ်သဳမာန် ရန်တုဲ ပ္ဍဲစၟတ်တ္ၚဲ ၂၅ ဂိတုဒဳဇြေမ်ဗာသၞာံ ၂၀၁၃ ဂှ် ဗော်ပရေၚ်ဍုၚ်ကွာန်မန် ကေုာံ ဂကောံမဟာဇန်မန်တံ သ္ပကောံဓရီုသဳကၠဳ အပ္ဍဲဘာဇောတိကာရာမ အရာပ်သေဂျဵု ဍုၚ်မတ်မလီု တုဲဒှ်အာရောၚ် ဂွံတီကေတ်ရ။
သၟဟ်သၟန် – ပ္ဍဲပွိုၚ်ဍုၚ်ရေဝ် ပွိုၚ်ဍုၚ်ပါ်လၟိုၚ် ကွာန်တၟံကၞေၚ်ဂှ် ရပ်ဂွံလဝ် ဂဥုဲချေံ လၟိဟ် (၃၁၀) မ ပ္ဍဲတဲမၞိဟ်ပိတၠဂှ် ကောန်ၚာ်သၟတ် အာယုက် (၁၆) သၞာံပြၚ် ပါလုပ်မွဲတၠရောၚ် ဂွံတီကေတ် နူကဵုနာဲသာဥူ သ္ကိုပ်အုပ်ဓုပ်ကွာန်ဂှ်ရ။
ပေဲါဓရ် ထံက်ပၚ်ပရေၚ်ပညာကောန်ဂကူမန်
နာဲမာန် – ရန်တၟံသွက်ဂွံထံက်ပၚ် ပရေၚ်ပညာကောန်ဂကူမန်တုဲ ဂကောံညးဍုၚ်ကွာန် ကြုၚ်ကြုက် – ကွာန်ဒြာဲ ဗ္တာၚ်တံ ပွိုၚ်ဍုၚ်ဇြပ်ဗုတံ ကၠောန်ဗဒှ်ပေဲါတွံဓရ်အဆက်က် နွံရ။
နာဲမာန် – ပ္ဍဲသၞာံ ၂၀၁၄ ဏံ သွက်တွဵုရးဍုၚ်မန်ဝွံ ညးဍုၚ်ကွာန်တံ သ္ဂောံဒုၚ်စသိုၚ်ပၟတ်ဍုၚ် ဗွဲမရုံဂပ်ရောၚ် တုဲကၠုၚ် ဂိတုကၠာဂှ် ပ္ဍဲပရိုၚ်ဂမၠိုၚ် ချူဗၟံက်လဝ်ရ၊ နဇိုၚ်နတဲ ပကတိတ္ၚဲဏံဂှ် ဇြဟတ်ဇကု ကဵုဇကု ညံၚ်သ္ဂောံ ဂစာန်ကၠောန်ကေတ်မာန်ဂှ် ညးတာလျိုၚ်ပၟတ်ဒေသတံ ကဵုဒၟံၚ်ဇြဟတ်ဓရိုဟ် ကုညးဍုၚ်ကွာန် ဟွံဂွံပၟတ်ဏီတံ နွံရ။
နာဲမာန် – တုဲကၠုၚ် ဂိတုမြေက္ကသဵု(၃) စွေက် ဒဳဇြေန်ပါ (၂၀)ဂှ် နူဋ္ဌာနပရေၚ်ထတ်ယုက်ဗဟဵု (ဗော်ဍုၚ်မန်တၟိ) ထံက်ပၚ်ကဵုဒါန်ဂဥုဲ ကုရုၚ်ဂဥုဲ ဌာန်ဒတန်ပရေၚ်ထတ်ယုက်ကရုဏာ (ဂရုဏာဖောၚ်းဒေရှၚ်း) ပ္ဍဲကွာန်ကျာ်ပန် ပွိုၚ်ဍုၚ်ဇြပ်ဗု တွဵုရးဍုၚ်မန်၊ မွဲကွဳစက်တဝ်ယဝ်ဒါ (Toyota) မွဲကွဳစက် ပေၚ်ၚ်ရ။
ခတ္တာနန် – ပ္ဍဲပေါဲကောံဓရီုဗော်မန် ၂ ဗော်ပံၚ်ကောံဂှ် ဥက္ကဌဗော်ဒဳမဵုကရေဇြဳအလုံရးမန် AMDP ကဵုညးက္ဍိုပ်လ္ၚဵု ပံၚ်ကောံကုဗော်ဒဳမဝ်ကရေသဳမန် MDP တုဲ တုပ်စိုတ်ဖျေံသ္ဂုတ်သွာတ် ဒက်ပ္တန်ဗော်ကောန်ဂကူမန် Mon National Party ရ။
နာဲမာန် – နူကဵုဂကောံဗ္တိုက်ပလီုဂဥုဲၜူမာဲ ခရိုၚ်မတ်မလီု ဗော်ဍုၚ်မန်တၟိ ရပ်ဂွံနၚ် ညးတဵု သွံတၞံဘိၚ် (တၞံၜဲါကဓမ်) ကောန်သ္ဂံၚ် ဂကောံဒပ်စဵုဒၞာၜိုဟ်လလံမန် မွဲတၠ ပါဲဒဳဇြေန်ပါ ၂ ဂှ် တုဲ ညးလျိုၚ်တံ ပလံၚ်ပ္တိုန်ဏာ ဋ္ဌာန်ဂအုပ်ခရိုၚ်မတ်မလီုရ။