Tag: လိက်ပရေၚ်

ကောန်စဴထဝ် – လိက်ပတ်မန် ဟွံဂွံစကာ ပ္ဍဲရုၚ်ဗၠးဗၠးၜးၜး ယဝ်သဒှ်ဂှ် ပရေၚ်ဒုၚ်လျိုၚ် ဂွံဆက်ဂျိုၚ်တန်တဴအာ ဍာ်ဇမၠိၚ် စဵုကဝ်တန်တဴဟီုဂှ် ကြပ်ဒှ်ဟွံမာန်ရ၊ ဂွံစကာ ပ္ဍဲရုၚ်မာန်ဂှ် တန်တဴဒၟံၚ်ကဵု အဝဵုပရေၚ်ဍုၚ်ကွာန် မသက္ကုသၟေဟ်ရောၚ် ဟီုသၟိတ်ဂွံရ။

နာဲမာန် – ဂကောံဒေံါပန်ပှော်ဟွံဒုၚ်တဲဂမၠိုၚ်တအ် ယဝ်ဟွံဒုၚ်တဲ ဒပ်ပၞာန်မၚ်ပယျဵုကဵု ဒပ်ပၞာန်ညးဍုၚ်ကွာန်မ္ဂး ဂိတုသေတ် သေတ်တေန်ဗါ (၁) ဏံ စွံလက္ကရဴအိုတ်တုဲ အခိၚ်ၜက်နူကဵုဂှ် ကေတ်အရေဝ်နကဵုဇြဟတ်ပၞာန်ရောၚ် သာ်ဝွံ သ္ကိုပ် ပၞာန်ဗၟာယျေဝ်မျေအ် ဟီုလဝ်ကဵု ဂကောံဒေံါပန်ပှော်ဂမၠိုၚ် မွဲရမျှာၚ်ဓဝ် တုဲကၠုၚ်ဂိတုအဝ်ဂေတ် တတိယသတ္တဟဂှ်တုဲ ပ္ဍဲအကြာဒေသတိဍာ် ဂကောံဒေံါပန်ပှော်ဂမၠိုၚ်တအ် မဖျေံလဝ်သ္ဇိုၚ်ဂှ် ပေဲါဗ္တိုက်ရမျှာၚ်လွဟ် ကလေၚ်ဗြုတိုန်မာန်ဟာဂှ် ပ္ဍဲအကြာညးဍုၚ်ကွာန်တအ် ဒှ်ဒၟံၚ်ပရေၚ်ဓဝိၚ် ဇၞော်ဇၞော်မွဲရ။

ဗညာဟံသာ (ခေမ်ဗာရာ) – ဓဝ်ပတှေ်ဝွံ အပ္ဍဲကေတ်ပေါဲအံၚ်ဇၞးမွဲမွဲဂှ် ဒှ်ရိုဟ်ကၞက်ရ။ ဓဝ်ပတှေ်ဂှ် ဒှ်လမျီုလတေၚ်ဆီ အပ္ဍဲမၞိဟ်မွဲမွဲ ကေုာံ အပ္ဍဲဂကောံမွဲမွဲရ။ ဓဝ်ပတှေ် အပ္ဍဲက္ဍိုပ်သကိုပ် ဓဝ်ပတှေ် လတူက္ဍိုပ်သကိုပ် ကေုာံ ဓဝ်ပတှေ် အပ္ဍဲဂၠံၚ်တရဴ ကေုာံ ဓဝ်ပတှေ် လတူဂၠံၚ်တရဴအိုတ်သီုဂှ် ဒှ်လၟေၚ် ပ္ဍဲအရာကၠောန်ပရေၚ်ဍုၚ်ကွာန် ပရေၚ်ပိုန်ဒြပ် ကေုာံ ပရေၚ်ဂကူမွဲမွဲရောၚ်။

ကောန်စဴထဝ် –  ဗ္ၜတ်ပမာဏ ဗွိုက် ရပ်စပ်စကာ လိက်ပတ်မန် အပ္ဍဲအလုံကောန်ဂကူဂှ် အောန်လောန်၊ လိက်ပတ်မန်ဂှ် အဆက်ပိုတ်ဒၟံၚ်ကဵု ဂကူမန်ဂှ်တုဲ အကာဲအရာဝွံ ဍေံမဒှ်ဟိုတ် တူရူအာကဵု ညောန်အာကဵု လိက်ပတ်မန် ဂွံကၠေံကၠက် ညောန်ကဵုချိုတ်ရ။

ချူ ဗညာဟံၚ်သာ ။  ။ က္ဍိုပ်သ္ကိုပ်ဂကူမန် နွံမူစိရော၊ ညးဂှ်ရော၊ မုညးတံ ကၠောန်မံၚ်ရော၊ မုဂကောံညးတံ ဓမံက်မံၚ်ရုပ်ရဴရော၊ မုဟိုတ်က္ဍိုပ်သ္ကိုပ်မန်တံ ဗော်ထကးမံၚ် မွဲက္ဍိုပ်တုဲမွဲက္ဍိုပ်ရော၊ က္ဍိုပ်သ္ကိုပ်မွဲတၠကဵုမွဲတၠ မုဟိုတ်ဟွံကၠောံဍ ညးသ္ကအ်ရော သာ်ဝွံ မၞိဟ်ဗွဲမဂၠိုၚ် ကေၚ်ဟီုကၠုၚ်၊ကေၚ်သၟာန်ကၠုၚ် ပ္ဍဲဂတမုခ် ကုအဲညးမချုလိက်ဝွံ ဂၠိုၚ်ကဵုဒၞာဲရောၚ်။ ပ္ဍဲခေတ်ပိုဲဏံ ဂကောံမန် မံက်တိုန်ကၠုၚ် မွဲဂကောံတုဲမွဲဂကောံ က္ဍိုပ်သ္ကိုပ်မန်ပိုဲတံ မံက်ကၠုၚ် မွဲတၠတုဲမွဲတၠရ။ က္ဍိုပ်သ္ကိုပ်မန်ဂှ် ပ္ဍဲခေတ်ပိုဲဏအ်မ္ဂး ၜိုတ်ၜါစှော်တၠပြၚ်ကၠုၚ်ရ။