Category: ပရိုၚ်

ရုၚ်စက်တိဗုတ်မတ်မလီု MCL သိုၚ်ခၞံလဝ် ပ္ဍဲကဵုပွဳပွူကွာန်ကအ်ဒုန်ကအ်ပၞဟ်
ပွိုၚ်ဍုၚ်ကျာ်မြဟ်ဂှ် သွက်ဂွံဗဂေတ် စက်မာန်
သုၚ်စောဲအာချးတၟအ်ရောၚ်ဂးတုဲ ညးဒေသတအ်ဒှ််ဓဝိၚ် ဗက်ကံက်မံၚ်စၟတ်တဲ
ဒစဵုဒစးရုၚ်စက်ချးတၟအ် ဂှ်ရောၚ် ဂွံတီကေတ်ရ။

အပ္ဍဲကွဳစက်ဂမၠိုၚ် ဟွံလုပ်ကဵုသၞောဝ် ဟွံမွဲကဵုလိက်အခေါၚ်တုဲ ဗက်သီရပ်လဝ် အပ္ဍဲတွဵုရးဍုၚ်မန်ဏံဝွံ ကွဳစက်စၟဳ စၟတ်ထပိုတ်အမှုပိုတ်အာ နူရုၚ်သၞောဝ်ဓဝ် ပွိုၚ်ဍုၚ်တံဂှ် ဖန်ဇန်လဝ် သွက်ဂွံကော်သွံ နကဵုသၞောတ်ပြိုၚ်ၚ္ၚုဟ် ပ္ဍဲ ရုၚ်အလဵုအသဳ တွဵုရးဍုၚ်မန် ပ္ဋဲဂိတုဖေဖဝါရဳ (၁၇) ဂှ် ဒးပလီုကၠေံအစဳဇန်ရောၚ် ဂွံတီကေတ်ရ။

သွက်ဂွံပသောၚ်ပြသၞာ ကိစ္စတိ ဒးဒုၚ်သီလဝ် နူလက်ထက် အလဵုအသဳ
တုဲကၠုၚ်အဆက်က်တေံတုဲ ပ္ဍဲအယုက်အထက် အလဵုအသဳတၟိဏံ ပံက်ကဵု ရုၚ်သၞောဝ်ဓဝ်
ရပ်စပ်ပရေၚ်တိညိ နူပေါဲသဳကၠဳ လှာဲဂတးလညာတ် ညးစကာတိ ကေုာံ သၟာဗ္ၚဂမၠိုၚ်
နွံဗၟံက်ၜဳသြၚ်လောန် အာတ်မိက်လဝ် ပ္ဍဲလိက်လလောၚ်တြး မပ္တိတ်လဝ် စၟတ်တ္ၚဲ
ဖေဖဝ်ဝါရဳ ၁၅ ဂှ်ရ။

သွက်ဂွံလုပ်ပြိုၚ် ပ္ဍဲသဘၚ်စရိုဟ်ဍာ် ဘာရာမညရဋ္ဌဗုဒ္ဓတက္ကသိုလ်ဍုၚ်မတ်မလီုဂှ် ဂိတုဖေဖဝ်ဝါရဳ (၁၈-၁၉) အခိၚ်သဝ်တ္ၚဲ (ရး၀၀) နာဍဳဂှ်မ္ဂး ရုဲစှ်အာ ညးတၠရမျာၚ်ရးမန်(၅)တၠရောၚ် ဂွံတီကေတ်ရ။

သဘၚ်ဗဂိန်တဆိပ်ကြာ သာသနာဓဇ ဓမ္မာစရိယ မကၠောန်ဗဒှ် ပ္ဍဲကဵုဍုၚ်မာန္တလေဝ်ဂှ် ခမဳသၚ်မန်တံ အာဒုၚ် ကေတ် တဆိပ်ကြာဂှ် ဒကာတံလေဝ် ဗက်အာဒုၚ်တၠုၚ်နကဵုကွဳစက်ဇၞော်ဇၞော်တံဗွဲမဂၠိုၚ်ဂၠၚ်ကီုရောၚ် ဂွံတီကေတ်ရ။

နူဂကောံပရိုၚ်ကောန်ဍုၚ်အရၚ် BNI (Burma News International) သ္ပသ္ကိုပ်သ္ကတုဲ ပပ္တံနူ ဂိတုဖေဖဝ်ဝါ ၁၄ ကၠောန်သ္ပ သ္ဘၚ်သဳကၠဳ မဳဒဳယာကောန်ဍုၚ်အရၚ် အလန်စတုတ္ထ ပွိုၚ် ၃ တ္ၚဲ ပ္ဍဲဍုၚ်မျံက်ဥု တွဵုရး ရခေၚ်ရ။

ပေဲါပြိုၚ်လိက်ပတ်မန် စၟတ်သမ္တီတ္ၚဲကောန်ဂကူမန် မရနုက်ကဵု (၆၉) ဝါ
ကဆံၚ်ဗဟဵုဂှ် အခိၚ်သွဟ်လိက်ကိတ်အာ ကဵုဘာအလဵုသဳတုဲ ကွးဘာလုပ်ပေဲါပြိုၚ်တံ
လၟိဟ်အောန်အာရောၚ် ဂွံတီကေတ်ရ။

သိုၚ်ခၞံပတန်ဂွံလဝ် ဘာပန်မ ပ္ဍဲဘာရာမညရဋ္ဌဗုဒ္ဓတက္ကသိုလ် အရာပ်မျာၚ်သာယျာ ဍုၚ်မတ်မလီုဂှ် ဂိတုမာ် (၃-၄-၅) စွေက်ဏံမ္ဂး ကၠောန်သ္ပသဘၚ်မ္ၚဵုစရိုဟ်ဍာ်ဘာရောၚ် ဂွံတီကေတ်ရ။

ရုၚ်စက်တိဗဳလာတ်မတ်မလီု MCL အဃောကၠောန်သိုၚ်မံၚ် ပ္ဍဲပွဳပွူကွာန်ကအ်ဒုန်၊ ကအ်ပၞဟ် ပွိုၚ်ဍုၚ်ကျာ်မြဟ်ဂှ် ဗ္ဂေတ်ရုၚ်စက် သုၚ်စောဲချးတၟအ်မ္ဂး ညးဒေသဂမၠိုၚ်တအ် ဒစဵုဒစးအာဏောၚ် ဟီုအိုတ်ရ။