“သၞာဲဒဴပရေၚ်ထတ်ယုက်ကဵု ဒပ်ဇိုၚ်ခ္ဍာ်ဗ္ကေတ်တအ် ပံၚ်တောဲတုဲ သွက်ဂွံလွဳလွတ် မၞိဟ်ဒးလေဝ်ယဲကိုဝ်ဝေဒ်ဂှ် ပလံၚ်ဏာရ။ သွက်ပလံၚ်ဏာ ဂွံပိုဲရုဲစှ်မၞိဟ်ဂှ် ပိုဲကဵုဏာပရိုၚ် သီု (၁၀) ပွိုၚ်ဍုၚ်တုဲ ဆန္ဒဍေံကဵုဍေံ မိမဍေံတအ် တုပ်စိုတ်တုဲ ဍေံတအ်ကၠုၚ်ဟီုကဵုပိုဲရ” သာ်ဝွံ နူကဵုဒပ်ဇိုၚ်ခ္ဍာ်ဗ္ကေတ် တွဵုရးဍုၚ်မန် ဥုကျဝ်မျေအ် ဟီုရ။

“ကိုပ်ကၠာဂှ် စၟဳစၟတ်ကဵုမံၚ် Free ရ။ တၚ်စၞောန်လေဝ် မုဟွံပါကၠုၚ်ပုဟ်။ ဂွံကၟာတ်ထောံ ကွဳစက်ဖ္ဍိုက်ကပေါတ်တံပၠန်လေဝ် ခက်ခုဲဂှ် ဍေံဇၞော်ကၠုၚ်ဏောၚ်။ တ္ၚဲပထမဂှ် ပိုဲစၟဳစၟတ်ကဵုမးမးတုဲ ကမၠောန်ဍေံတံ ကဵုဍေံတံဆက်ကၠောန်အာမာန်ဂှ် ဗလးကဵုအာရ။ ဆဂး လက္ကရဴဏံ ဒၞာဲလ္ၚဵုဂှ် ဗက်မံၚ်သြန်၊ ဒၞာဲလ္ၚဵုဟွံဗက်သြန် ဖေက်ဒှ်ဗီုဂှ်တုဲ ပိုဲတံဒုၚ်ဂိုၚ်ကေတ်ထောံအမိၚ် နူကဵုအလဵုအသဳကၟိန်ဍုၚ်တုဲ နူကဵုဌာနဝန်ဇၞော်ဂှ် အလုံမွဲကၟိန်ဍုၚ် ဂွံဒှ်မွဲသၞောတ်ဂှ် ကံက်ဗက်ထောံ ညးမွဲတှ်ေ ၜါလက်ဒ္ကေဝ်ရ” သာ်ဝွံ နူကဵုဌာနက္ဍိုက်ပ် ပရေၚ်ထတ်ယုက်တွဵုရး ဒု-သ္ကိုပ်စၞောန်ပ္ညုၚ် ဒံက်တာဝတ်မှုၚ် ဂးရ။

ဗညာသာၚ်၊ အံက်တဝ်ဗာ (၈) ပ္ဍဲဂိတုအံက်တဝ်ဗာ စၟတ်တ္ၚဲ (၆) စဵုစိုပ် (၈) သၞာံ (၂၀၂၀) ဏံဂှ် နူကဵုဂကောံဖောအ်ဗြေဝ်ဒေသရးမန် (ဂကောံမဂဒူ) တအ် ချဳဒရာၚ်ဆဝ်မ္ၚုဟ် ပရေၚ်ဖအောန်ဖျေံ အန္တရာဲဂဥုဲၜူမာဲ လ္တူဍုၚ်ရေဝ် ပွိုၚ် (၃) တ္ၚဲတုဲ ကၠောန်သ္ပအာ (၄) ဒၞာဲရ။အဃောကာလ ယဲကပ်ကိုဝ်ဝေဒ်-၁၉...