ဂိတုအဝ်ဂေတ် စၟတ်တ္ၚဲ (၇) တ္ၚဲဏအ်ဝွံ ပ္ဍဲကမ္မရဳ ကၟိန်ဍုၚ်သေံ၊ ဒၞါဲဘာဗ္တောန်လိက်ဖောအ်ဗြေဝ်ကောန်ၚာ် (KG) မွဲဒၞါဲဂှ် ဟိုတ်နူကွဳစက်ကာလုပ်ဇီုဒး စမြာၚ်သ္ၚိဘာဗ္တောန်လိက်တုဲ ကောန်ကွးဘာ လၟိဟ် (၁၂) တၠ ဒးဘဲဝပ်နွံရောၚ် ဂွံတီကေတ်ရ။
တ္ၚဲဏအ် ၜိုတ်အခိၚ်လဒေါဝ်တ္ၚဲ (၁၂) နာဍဳဂှ်ဝွံ ပ္ဍဲကဵုဘာဗ္တောန်လိက်ဖောအ်ဗြေဝ်ကောန်ၚာ်ဏအ်ဂှ် လၟိဟ်ကောန်ကွးဘာ (၂၀) တၠပြၚ် လုပ်မံၚ်ဒၟံၚ်တုဲ အခိၚ်ဗ္တောန်လိက်တုဲဒှ် အဃောတိက်ဇူမံၚ်ဂှ် ကွဳစက်ကာဍောတ်တ်မွဲဖ္ဍိုက် လုပ်ဇီုဒး စမြာၚ်သ္ၚိဘာဗ္တောန်လိက်တုဲ ကောန်ကွးဘာတအ် ဒးလဝ်ဘဲဝပ်နွံဗွဲမဂၠိုၚ်ရ။
မွဲကရောံဂှ်မ္ဂး အ္စာဘာထိၚ်ကောန်ကွးဘာကီု ဂကောံရီုဗၚ်မၞိဟ် ကေုာံ ဗၠာဲသၟိၚ်သေံတအ်ကီုဂှ် လုပ်ကပှ်ဂိုၚ်ကေတ် ကောန်ကွးဘာတအ်တုဲ ကောန်ၚာ်ကွးဘာ ဒးလဝ်ဘဲဝပ်တအ်ဂှ် ပရေၚ်ဒဒှ်ဓဝိၚ်ဟွံမွဲ မွဲသာ် ဗွဲမဂတာပ်အခိၚ် ပလံၚ်ဏာလဝ်ရုၚ်ဂဥုဲတေံ လွဳလွတ်မံၚ်ဖိုဟ်ရ။
ပြဟ်ဟ်ဏအ်ဝွံ ညးတၠဒဳကွဳစက်ဏအ် မုဟိုတ်သာ်လဵု လုပ်ဇီုဒးဂှ် ဗၠာဲသၟိၚ်သေံတအ် ဆက်ဂၠိုက်ဂၠာဲမံၚ် ပရူဒဒှ်ဍာံဖိုဟ်ရောၚ် ဂွံတီကေတ်ရ။