အ္စာသဝ်နာဲစောန်တၟးဂှ် “ဗော်ဍုၚ်မန်တၟိဂှ် စပ်ကဵုဂဥုဲၜူမာဲတုဲ ဗတိုက်သရိုဟ်၊ ရပ်မံၚ်ဏောၚ်။ ပိုဲတံ ဒးစိုတ်မံၚ်ကွေံကွေံရ။ ပ္ဍဲကဵုဍုၚ်ပိုဲလေဝ် အနာဂတ်တေံ ဒှ်ကၠုၚ်ကၟိန်ဍုၚ်ဖေဝ်ဒရေဝ်ဏောၚ်။ အခိၚ်ဂှ်တှ်ေ သၟတ်ပိုဲတံ စောဲလာံမံၚ်ကဵုဂဥုဲၜူမာဲတှ်ေ အနာဂတ်တေံ ခိုဟ်ဟွံမာန်ပုဟ်။ သွက်ဂွံခိုဟ်စ အဓာန်ဂတဂှ်ရ ပိုဲကၠုၚ်ကဵုဒါန်လၟုဟ်ဏံ” သာ်ဝွံ ညးဟီုရ။

ပ္ဍဲကဵုပွိုၚ်ဍုၚ်မတ်မလီုဂှ် အခိၚ်ကာလခရေဿမာတ်ကဵု အခိၚ်ကၟာတ်ရုၚ်ကၠောံသၞာံတၟိဏံဝွံ သၞာံတုဲတုဲတေံ မၞိဟ်ကေၚ်ကောံမံၚ်လၟိဟ်ဂၠိုၚ်ၚ်ဂှ်ရ ပ္ဍဲကဵုသၞာံဏံဂှ် ဒၞာဲကၠအ်ပ္ကဴ၊ ဒၞာဲဝေၚ် ကေုာံ ဒၞာဲမၞိဟ်ကောံ ဗီုကဵုဂၠံၚ်ဇိုၚ်ၜဳတံဂှ် ညံၚ်မၞိဟ်ဟွံဂွံကောံဂၠိုၚ်ၚ်ဂှ် ဌာနအုပ်ဓုပ်နာနာတံ ပံၚ်တောဲကဵု ဒပ်ဗၠာဲသၟိၚ်တံ သွက်ဂွံထိၚ်ဒဝ်အာနွံရောၚ် ဂွံတီကေတ် နူကဵုဌာနအုပ်ဓုပ်နာနာ ပွိုၚ်ဍုၚ်မတ်မလီုရ။