နူဗ္တံဏံ မေ ၂၆ အခိၚ် ၈ နာဍဳပြၚ်ညိဂှ် ပၠံၚ်သၟုဟ်ဓါတ်(ကန်ပေါက်-မြိုၚ်ကလေး) ပ္ဍဲကဵုတၞုၚ်ကွာန်ဝါရက်ဂှ် ညးတာလျိုၚ်တံ စံၚ်ပ္တိတ်ထောံသၟုဟ်ဓါတ်မၞုံဒၟံၚ်ပ္ဍဲပၠံၚ်ဂှ်တုဲ နကဵုရမျာၚ်အသိၚ်ထတ်သ္ကာတ်ဗြုတမ္ညဝ်ဒၟံၚ်ဂှ် ညးဒေသတံဖေက်လကိုတ်ဒၟံၚ်အိုတ်ရ။
Tag: ပရိုၚ်
ကၠတ်ထဝ်တွဵုရးဍုၚ်မန်အလန်ဒုတိယ ကောံဓရီုလၟေၚ် ပထမတုဲဒှ်အာလဝ် ဂွံဗၞတ်ပွိုၚ် (၃) ဂိတုဂှ် ညးစၞးကၠတ်ထဝ် တံ အာတ်မိက်စိုပ်ကၠုၚ်တုဲ ကၠောန်ဗဒှ်အာကောံဓရီုကၠတ်ထဝ် လၟေၚ်ဒုတိယရောၚ် ဒု-ဥက္ကဋ္ဌကၠတ်ထဝ်တွဵုရး ဒံက် တာအံၚ်နာၚ်ဥု ဟီုရ။
ဂကောံတၠပညာမန် ကေုာံ တၠပညာပျုတံ ချုခၞံလဝ် လိက်တၟံ (မြစေတီ) ဂှ် ဒးဒုၚ်စၟတ်သမ္တီ နဒဒှ်စရၚ်ဂၠးကဝ် (MoW) ဂှ် ပ္ဍဲကဵုဂၠးကဝ်ဏံ လိက်ပတ်မန် တဴတက်ကဆံၚ်သၠုၚ်တိုန်ရောၚ် နူကဵုဂကောံသုတေသနဝၚ်မန်တံ ဟီုရ။
သွက်ဂွံစှေ်ဘာမန်ဥတုကညၚ် ပ္ဍဲပွိုၚ်ဍုၚ်တ္ကအ်ခၟိုၚ်ဂှ် နအလဵုဒုဥက္ကဋ္ဌ ကၠတ်ထဝ်တွဵုရးမန် ဒံက်တာအံၚ်နာၚ်ဥူ အာက္ဍိုပ်တုဲ ဂကောံသၟတ်ဂမၠိုၚ်ကီု၊ ညးတၠဝါသနာ အကြာကွာန်တအ်ကီု သီုအ္စာဘာ ကွးဘာဂမၠိုၚ်တအ်ကီု ဒယှေ်ဒွက်တိၚ်တိုက် နကဵုကွိၚ်ကွိုက်စက်ယာန်ဂဳတတုဲ ဗက်ဒုၚ်ဒါန်တဴ သြန်ဗွဝ်ရောၚ် ဂွံတီကေတ်ရ။
သၟာကမၠောန်ပလုၚ် ပြံၚ်ကၠုၚ်ကၠောန်ဒၟံၚ်ကလောန်တမ္ၚာ ပ္ဍဲဒေသပွိုၚ်ဍုၚ်ရေဝ် တွဵုရးမန်ဂှ်ဝွံ အကြာဍေံတအ်ကဵုဍေံတအ် ပွဂစိုတ်ညးသ္ကအ် ဆက်ဒှ်မံၚ်ဖိုဟ်တုဲ ပ္ဍဲဂိတုမေဏအ် အမှုမၞိဟ်ချိုတ်မွဲအမှု ကဵု အမှုဂစိုတ်မၞိဟ်မွဲအမှု ထပ်ဒှ်တိုန်ပၠန် ဂွံတီကေတ်ရ။
ပရေၚ်သၟာန်သွဟ်လိက်မန်ဥတုက္ညၚ်တံဂှ် အလဵုအသဳ ညံၚ်ဂွံစၟတ်သမ္တီကီု ဂွံကဵုအရီုအဗၚ်အတိုၚ်သၞောဝ်မာန်တံကီု ဂှ် နူကဵုဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ အလုံဒေသရးမန်တံ ပ္တိုန်လိက်ကုသ္ကိုပ်ဝန်ဇၞော် တွဵုရးဍုၚ်မန်တုဲ အာတ်မိက်လဝ်ရောၚ် ဂွံတီကေတ်ရ။
ညးမယိုက်က္လေၚ်လဝ် တာလျိုၚ်ပရေၚ်ဂကူမန် ကေုာံ ကေၚ်ကေတ်လဝ်တာလျိုၚ် နဒးဒှ်ဥက္ကဌ ပ္ဍဲဗော်ဒဳမဝ်ကရေ သဳကောန်ဂကူမန်ကဵု နဒးဒှ် နာယက ဗော်ဒဳမဝ်ကရေသဳကဵု ဗော်ကောန်ဂကူမန် နာဲထဝ်သောန်ဝွံ စုတိကလိ လောန်စဴအာ ပေၚ်ဂွံဗ္ဒဲါ (၂) သၞာံဝွံတုဲ လၟုဟ်ဝွံ သွက်ဂွံသိုၚ်ခၞံအာ ဂိုဟ်စၟတ်သမ္တီ ပ္ဍဲကဵုဍုၚ်ပံၚ် နွံမံၚ်ရောၚ်ဂွံတီ ကေတ်ရ။
ဗော်ပရေၚ်ဍုၚ်ကွာန်မန် အပ္ဍဲဍုၚ်တေံ ညံၚ်ဂွံပံၚ်ကောံ ဒှ်မွဲဂှ် ဗော်ဍုၚ်မန်တၟိ သ္ပက္ဍိုပ် ရၚ်တၠုၚ်အာဏောၚ် နာဲဟံသာ ဒုဥက္ကဌ ဗော်ဍုၚ်မန်တၟိ ဂးကဵုဌာန်ပရိုၚ်ဗၠးၜးမန် MNA ရ။
ညးစၞးအလဵုအသဳကဵု ညးစၞး ဂကောံ ရပ်လွဟ် (၈) ဂကောံ မထ္ပက်လဝ်စၟတ်တဲ NCA တအ် ဆဵုဂဗသဳကၠဳညးသ္ကအ် ပ္ဍဲဂိတုမေ ၁၉ ဂှ် ဂကောံရပ်လွဟ် ကောန်ဍုၚ်အရၚ် (၇) ဂကောံ ဟဂွံထ္ပက်စၟတ်တဲ လိက်ကသုက် ဒိုအ်ပန်ပှော်အလုံမွဲဍုၚ် (NCA) ဏီဂှ်လေဝ် ကဵုအခေါၚ် ပါလုပ်ပ္ဍဲသ္ဘၚ်သဳကၠဳ ပေန်လုၚ် ၂၁ ဗွဝ်ကၠံ ကီုဏောၚ်ဂှ် တုပ်စိုတ်တုဲရ သာ်ဝွံ ပဒဵုမာန်ညိၚ်မံၚ် ကမ္မတဳရၚ်တၠုၚ်ကေၚ်ကာဗဟဵု ဗော်ကရေၚ် KNU ဂးရ။
ကမ္ပဏဳ June Cement Industry Ltd. မဂွံလဝ်အခေါၚ် သိုၚ်ရုၚ်စက်တၟိ တိဗုတ် ပ္ဍဲဒေသဒဵုသာဲ ပွိုၚ်ဍုၚ်ကျာ်မြဟ် တွဵုရးမန်ဂှ်ဝွံ ၜိုန်ရပ်ဒၟံၚ်ကလောန် သိုၚ်ခၞံဣရကီုလေဝ် ညိလေဝ် ဟွံဂွံကဵုလဝ်သမ္တီ ကုအလဵုအသဳ တွဵုရးမန်ရဂှ် ဂွံတီကေတ်ရ။